Kenesis 17 - Kenesĭs 1914 Ruth 1932 (Erromanga)

¹ Dūti nevi sū nīnti‐nīn iran Ebram ĭm Iehōva yōmetūratumpeni pugi Ebram mō menūwi pugi memokū, Yx Iehōva ra nūsian ugo sū, Avan ūnĭmtug meti tanepō.

² Im ya kanūwi nam ūnam enyx nĭsekog ĭm nĭsekom ĭm ya kagelevteve kĭk tamas.

³ Im Ebram yumol ra nĭpmi eni; im Iehōva yōmenūwi pugī memokū,

⁴ Yx, pah nam ūnam enyx oti ūndū kĭk, ĭm kĭk anti potnĭnda ōvun numpūn lō sū sikat.

⁵ Isūma worovrug‐kĭk magkū Ebram, ĭt oti natov nin e kĭk magkū Ebraham, ĭt yx mumpi kĭk potnĭnda ōvun numpūn lō sū sikat.

⁶ Ya onumpi kĭk ov numpūn lō sū mōvun fan lō wamnē marug kĭk.

⁷ Im ya umpi nam ūnam enyx woretĭndōwi ūndū kĭk ĭm dal irora ov novsen enugkĭk penūrok ra palsi sū ĭndōwi en irora, woreti nam ūnam ĭndōwi ma ya anti Nōbū enugkĭk men irora ov novsen enugkĭk penūrok.

⁸ Im ya kampunok, mirora ov novsen enugkĭk penūrok, nūrū iyūi kĭk oti nesepx, nūrū Kēnan omwi sū woreti enugkĭk ĭndōwi ĭndōwi; ĭm ya anti Nōbū en irora.

⁹ Im Iehōva yōmenūwi pugi Ebraham memokū popōwo pe sugkū kĭk onalekoleki nam ūnam enyx, kĭk mirora ov novsen enugkĭk penūrok ra palsi sū enirora.

¹⁰ Imō oti nam ūnam enyx mori kĭmi kwonalekoleki nĭsekog, ĭm nĭsekom, ĭm nĭsekonda ov novsen enugkĭk penūrok; Kĭmi kwonumpi namon iranda ov nalalx ĭtnateman enugkĭmi omwi sū.

¹¹ Pol sugkū kwantantevi fan mori ugi numpi namon, imō mori anti safi nam ūnam enyx tovuni‐yx ĭm tovune‐kūm.

¹² Kĭmi kwonumpi namon ōv alalx nĭmpugon dan sū ēt wanti iranda, ov nalalx omwisū ĭtnateman ra palsi sū enugkĭmi, mori sū wanti numprokomol ra mumpon nĭmō sū enugkĭmi, mirora sū wanti nevasĭgi irora ugi muni marokonda ōvun dōmō, mori yeti nevasĭgi ugi muni marugi dōmō, tawi iyi ra irora ov novsen enugkĭk.

¹³ Iyi sĭ mori oti numprokomol ra mumpon nimō enugkĭk, miyi sī yeti nevasĭgi ugi muni enugkĭk, konumpi namon iran; imō safi ra nam ūnam enyx anti ra fan enugkĭmi ĭndōwi.

¹⁴ Im sī ĭtnateman mori yeti numpi namon iran, ĭyi ĭm tawi tantevi fan eni, iyi mori anti nesatevugi marokonda ravĭneme eni, ĭt iyi areki nam ūnam enyx.

¹⁵ Im Iehōva yōmenūwi pugi Ebraham memokū, Isūma worenūwi magkū retepon enugkĭk Sērēī; anti natov nĭn eni magkū Sēra.

¹⁶ Im yx ĭmpīeves iyi, ĭm ya kampunok sī nĭtni ugi iyi; ĭtnesog yx ĭmpīeves iyi, mov numpūn lō sū mōvun fan lō sikat wamnē murugi.

¹⁷ Im Ebraham yōmumol ūnĭpmi eni mōĭmtufop mō mesepen enūwi ūnowan memokū, Amprokomol sī nĭtni irag kū? ĭm nevi sū wun hunder irag. Nevi sū nīnti iran Sēra miyi ampī nĭtni kū?

¹⁸ Im Ebraham yōmenūwi pugi Iehōva memokū, Ah! ya kum nakīugi ma Ismēel woromūrep ūnĭmtum.

¹⁹ Im Iehōva yōmenūwi memokū, Itnesog Sēra retepon enugkĭk ampī nĭtni enugkĭk ĭm kĭk onatov nin eni magkū Isak; ĭm ya onumpi nam ūnam enyx woreti ūndū iyi ĭndōwi, ĭm dal irora ov novsen eni penūri.

²⁰ Im ya korug kĭk nĭsekon Ismēel; pah yx ĭmpīeves iyi mō menumpi worelegetevtevi tamas mov natemōnōk twelv wamnē marugi; ya onumpi iyi numpūn lō tamas.

²¹ Kō nam ūnam enyx ya onumpi woreti ūndu Isak more Sera ampī enugkĭk ra imō nĭmpugon sī mōmū nevi.

²² Isūma nam eni pugi; miyi Nōbū yisah marugi Ebraham.

²³ Im Ebraham yivī Ismēel nĭtni eni mirora sū mori dumprokomol ūnesog nimō eni, mirora sū mori dūti nevasigi irora ugi muni, ĭtōvateman en irora ōveteme ra mumpon nimō eni Ebraham, mō mumpi namon iranda ra iman dan mori Iehōva yĭmenūwi pugi.

²⁴ Dūti nevi sū nīnti‐nīn iran Ebraham ra nĭmpugon yeti numpi namon iran.

²⁵ Dūti nevi sū turtin iran Ismēel nĭtni eni ra nĭmpugon yetĭ numpi namon iran.

²⁶ Ran dan sīteven dūmumpi namon iran Ebraham ĭm Ismēel nĭtni eni;

²⁷ mōveteme sū ra mumpon nimō eni; irora mori dumprokomol ūneseg nimō eni, mirora sū mori dūti nevasĭgi ugi muni marokonda ōvun dōmō dūti numpi namon iranda dal iyi.