Kenesis 15 - Kenesĭs 1914 Ruth 1932 (Erromanga)

¹ Penūri imo sū nam eni Iehōva yivelum pugi Ebram ra nemĭviak mō menūwi memokū, Etūmtetugi, Ebram, yx ĭm sĭmsĭmpari enugkĭk ĭm nōorōora tamas.

² Im Ebram yenūwi memokū, Iehōva Nōbū, Tiē Kĭk ampo‐yx? ĭt ya kum manti nefi; miyi Eliēsar ra Damaskus oti nivūo ra mumpon nimō enyx.

³ Im Ebram yōmenūwi memokū, Pah kĭmetūvo‐yx novsen, miyi sī mori yeti numprokomol ra mumpon nimō enyx oti tampenum enyx.

⁴ Im pah, nam eni Iehōva yōĭmpelum pugi mōmenūwi, Imō tawĭn tampenum enugkĭk; kō iyi mori amnē ra nokolĭsiram anti tampenum enugkĭk.

⁵ Miyĭ yĭmtōri iyi ilat mō menūwi memokū, Topotnemi ra pōkop mō mesepi mosi sū nagkū kĭk faneteme woresepi sū; miyi yōmenūwi memokū, sugkū irora wanti ov novsen enugkĭk.

⁶ Miyi yitavnirĭgi ra Iehōva, miyi yetipe pugi nĭmsĭn tanepō eni.

⁷ Miyi yōmenūwi pugi memokū, Yx Iehōva mori yĭmtōrok marugi Ur en irora ōveteme Kaldia memokū worovunok imō mūrū woreti enugkĭk.

⁸ Miyi yōĭmtamsi memokū, Iehōva Nōbū, gĭmpesie ya kagkili ya onevatum?

⁹ Miyi yōmenūwi pugi memokū, Tor‐ĭmpelum po yx sī nĭtni kūrimatx ĭtnasiven, nevi en desel iran, ĭm sī nĭtni pugipugi, nevi en desel iran, ĭm sī umpon turtel, ĭm sī nokowĭm ĭtevx.

¹⁰ Miyi yivī sū pugi mō movi irora ĭlebōteven, mō metipe sū ov nĭvlugkon woresugkor?-?ōra, kō iyi yetūm‐novi ōvun menōk.

¹¹ Mōvun menōk nagon dūiyep ran tan ov nokolĭsiranda mori, ĭm Ebram yĭmteles‐ōra.

¹² Im nĭpmĭnen yumprokoyep ĭm nalēepatemas yumol iran Ebram, ĭm pah, nevekōrekōra woresempent tamas yumol iran.

¹³ Miyi yōmenūwi pugi Ebram memokū Okili ves ma irora ov novsen enugkĭk wanti ōvun dōmō ra nūrū mori tawi en irora; mirora wontarugat iranda ōveteme mori wonelĭlok‐ōra nevi sū fōr hunder;

¹⁴ ĭm ya konūrian iranda numpūn lō mori irora wontarugat iranda, penūri imō irora wampe gi nōete tamas.

¹⁵ Im kĭk ampe pun ōra ōvun retumo ra nĭnparata; mirora wuntĭnemok ra nĭmpugon kĭk onumpūmetūo.

¹⁶ Im ra palsi devatugi irora mori wōmontorĭleki ĭgko; popōwo satĭndi sū en irora ōveteme Amor otū nokompeli sū.

¹⁷ Mō metepū pol sugkū pe nĭpmĭnen iyep mō metepū nelebok wokon, pah, sī nopōū umprokūgan nugunam, ĭm lamp ugi nom mori dūve ĭlebōteven ōvun nĭvlugkon mori.

¹⁸ Ra iman dan mori Iehōva yōmenūwi nam ūnam eni pugi Ebram memokū, Ya osī movunōra ov novsen enugkĭk imō nūrū marugi nĭntelep ra Ityĭpt mafeli ra Yūfrētes nĭntelep tamas;

¹⁹ dal irora ōveteme Kenī, mōveteme Kenĭs,

²⁰ mōveteme Kadmon, mōveteme Hĭtī, mōveteme Perĭs,

²¹ movun Refē, mōveteme Amor, mōveteme Kēnan, mōveteme Kĭrkas mōveteme Iebus.