Kenesis 12 - Kenesĭs 1914 Ruth 1932 (Erromanga)

¹ Im Iehōva yōmenūwi pugi Ebram memokū, Eveve marugi nūrū ĭgko mōvun rapmisīeme, mōwi pe nimō eni ĭtemen‐e‐kĭk, ra nūrū mori ya kosesi pug kĭk.

² Im ya onumpi kik numpūn lō nūsian, ĭm ya kampīeves kik mō menumpi kik horoge sah.

³ Im ya kampīeves irora mori umampīeves kĭk, mō menumpi navōret iran iyi sĭ mori umampīe‐se‐sat kik, mōvun numpun lō sū ra nemap wanti nevĭeves ugi kĭk.

⁴ Im Ebram yĭmavan mĭmpe sugkū Iehōva yĭmenūwi pugi, ĭm Lot yĭmpe ūndū iyi; ĭm nevi sū seventi‐fīv yeti iran Ebram ra nĭmpugon iyi yĭmnē ra Hēran.

⁵ Im Ebram yĭmtōri Sērēī retepon eni, ĭm Lot nĭtnĭ avĭnsĭ eni, ĭm nōete sū en irora mori dūmūsĭmsĭmok‐ond‐ugi, mōvun nĭtnĭndeme mori dūti numprokomol iranda ra Hēran: mirora dūmavan ĭm devsego nūrū Kēnan mō mūve ra mumpon nūrū Kēnan.

⁶ Im Ebram yĭmnavan ra nūrū sū Sīkem ra nomolsep More. Mōveteme Kēnan dūmūtĭndōwi ra nūrū yūi.

⁷ Im Iehōva yetūratumpeni pugi Ebram mō menōwi memokū, Ya Kampun‐ōra ov novsēn enugkĭk imō nūrū, miyi yumpi yūi sī nefati iran Iehōva mori yitūratumpeni pugi.

⁸ Miyi yōmĭmnē ra nūrū yūi, mōĭmpe ĭm sē ugi numpūo ūnūrū ra Betel; mō metipe tent eni; (Betel yeti ra nokorĭn, nelekompeni, ĭm Hēī yeti ūnūrū;) miyi yōmumpi yūi sī nefati iran Iehōva mō movrugi ra nin eni Iehova.

⁹ Im Ebram yĭmnavan ĭm devsego empak.

¹⁰ Yeti temas ra nūrū mori; ĭm Ebram yĭmpe devsego Ityĭpt memokū worekote‐lap iyūi, popōwo temas yeti tamas ra nūrū mori.

¹¹ Mō metepū pol sugkū iyi yumpotipot Ityĭpt, iyi yĭmenūwi pugi Sērēī retepon eni memokū, Pah,

¹² ya kum magkili ma kĭk oti fanasiven, mantepū pol sugkū ōveteme Ityĭpt wagesok wanūwi magkū, mori retepon eni, mirora wontalugi yx mō mamkĭkēōwara.

¹³ Ya kum mintagkelok, Enuwi sī nam magkū kik vĭvenug, ma anti aremī nĭsekog popōwo ugi kĭk; ĭm ya kum mūrep.

¹⁴ Mō metepū pol sugkū Ebram yeti nĭntorĭmpe ra Ityĭpt ma irora ōveteme Ityĭpt dūmokesi nasiven mori ma iyi yeti fanasiven.

¹⁵ Mōvun torugat eni Ferō dōkesi iyi mō mavos ugi pugi Fērō; ĭm nasiven mori yetĭn‐tōri ūnesog nimō eni Fērō.

¹⁶ Miyi yivīeves enĭ Ebram popōwo ugi iyi; ĭm Ebram yĭmetipe eni ōvun pugipugi mōvun kūrimatx, mōvun as ĭtnateman, mōvun lĭvsx eni ĭtnateman mĭtnasiven, mōvun as ĭtnasiven, mōvun Kamel.

¹⁷ Im Iehōva yumpi navōret iran Fērō mirora sū ra mumpon nimō eni ugi ōvun navoret tamas popōwo ugi Sērēī retepon eni Ebram.

¹⁸ Im Fērō yovrugi Ebram mō menūwi pugi memokū, Tiē imō kĭk umpi irag? Irantiē kūtūnūwi po yx ma iyi retepmi?

¹⁹ Irantiē konūwi po yx memokū, Iyi vĭvenum, ma yx worevī iyi retepon enyx, kū? Kō marima okesi iyi retepmi, tōri iyi ĭm‐pī‐ĭmpe.

²⁰ Im Fērō yĭmpasiwok‐onda ōvun lĭvsx eni ugi Ebram, ma irora wantamūli iyi pelah ĭm retepon eni ĭm tiame sū eni.