Yoane 9 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im polekū Iyi yemavango, Iyi yemokesi sī neteme yufimol nĭmtipat.

² Mōvun nurie eni dūmūtagkeli, mūmōkū, Rabī, me yemumpi sat, imo neteme, kū ĭtemen kū dineme eni, ma yufimol nĭmtipat?

³ Iesū yemtamsi memenūwi, memokū, Tawi iyi, kū itemen kū dineme eni, kō, ma kimi kwagesi ōvun numpūrah eni Nōbū iran.

⁴ Yempasewokoyaū memokū ya onumpi ōvun numpūrah eni Iyi mori yemtamūli yaū, polekū umante dan, popōwo pūmrok umampelum pol sugkū tawi sī fanteme worumpūrah.

⁵ Polekū yaū ra nemap, yaū Nilara ranemap.

⁶ Pol sugkū Iyi yemenūwi imo Iyi yemetivani ra nemap memumpi nal ugi netevani, memesovelĭgi nipmi eni neteme nĭmtipat, memenūwi pugi,

⁷ memokū, Eve, morowugi ra navūanda Sīlōam, fan nam, Tandekō, Miyi yive morowugi, memtorĭleki, ĭm nipmi eni yilara.

⁸ Mōvun numpūnaran eni, mōveteme mori dūmōkesi iyi nĭmtipat, dūmūsepen tagkelora, mūmōkū, Iyi neteme mori yemetesep memesenĭgi wokon, kū?

⁹ Nugkoneme dūmūnūwi, mūmōkū, Iyi; nugkoneme, dūmūnūwi, mūmōkū, sugkū Iyi; neteme mori yemenūwi memokū, Yaū.

¹⁰ Mirora dūmūtagkeli mūmōkū, Otīpelah nimtum, nokowo?

¹¹ Iyi yemtamsi memenūwi, memokū, Sī neteme, nin eni Iesū, umpi nal memesovelĭgi nĭmtūg, memenūwi poyaū memokū, Eve ra navūanda Sĭlōam, morowugi; ĭm yaūĭmpe morowugi, yilara.

¹² Mirora dūmūtagkeli mūmokū, Yēi Iyi? Iyi yemenūwi memokū, Ya otūmagkili.

¹³ Mirora dōmūtōri iyi mori nipmi ipat, punora ōvun Faresi.

¹⁴ Sī danemindog pol sugkū Iesū yemumpi nal memtīpelah nipmi eni.

¹⁵ Mōvun Faresi dūmūtagkeli iyi, nokowo yilara. Miyi yemenūwi pūnora, memokū, Iyi olekamtugi, ra nimtūg, ĭm yaū morowugi, yilara.

¹⁶ Im nugkon ra irora ōvun Faresi dūmūnūwi, mūmōkū, Neteme mori yetūmne ra Nōbū, popōwo iyi otūmafĭnte danemindog. Im nugkoneme dūmmūtagkeli, mūmōkū, sī nareki sat feneteme worumpi ōvun numpūrah horog sugkū, kū? Mirora dūmūtūvavwora popōwo ugi Iyi.

¹⁷ Mirora dūōmūtagkeli neteme nĭmtipat, mūmōkū, Kĭk emanūwi memagkū sie ugi Iyi, Iyi itīpelah nĭmtum, kū? Iyi yemenūwi memokū, Iyi Profet.

¹⁸ Mōveteme Isrēel dūmūtūtavnirĭgi ma nĭpmi ipat, yilara mafeli nempugon dūmovrokonda ĭtemen ĭm dĭ neme eni, neteme mori yilara. Mirora dūmūtagkelora mūmōkū, Imo neteme netum ku?

¹⁹ kūmanūwi mūmagkū, yufimol nĭmtipat, kū? Miyi umagesi marima, nokowo?

²⁰ Itemen ĭm dineme eni dūtamsi punora, mūmōkū, ka kemlagkili, iyi netemam, miyi yufimol nĭmtipat;

²¹ kō, nokowo iyi umagesi marima ka kūtūmagkili. Im ka kūtūmagkili Iyi mori itīpelah nīpmi eni. Iyi neteme talam ūtagkeli iyi. Iyi anūwi magkū ugi iyi pe iyi.

²² Itemen ĭm dineme eni dūmūnūwi imo popōwo irora dūmūmtetokonda oveteme Isrēel, popōwo oveteme Isrēel dūpmūsepen nenūwi punora gi tarū siteven, mūmōkū, nagkū, sī anūatumpeni Iyi Krĭstō, wanteveleguni iyi marugi nimo tavsogi.

²³ Popōwo imo sugkū, itemen ĭm dineme eni dūmūnūwi, mūmōkū, Iyi neteme talam, ūtagkeli iyi.

²⁴ Mirora dūōmovrugi neteme nipmi ipat, mūmūnūwi pugi, mūmōkū, Umpalugi iran Nōbū, ka kĭmlagkili ma neteme mori nareki sat.

²⁵ Iyi yemtamsi memenūwi, memokū, Nagkū Iyi sī nareki sat, kū tawi, ya otūmagkili; kō, ya umagkili imo, yaū nĭmtipat ĭm marima ya umagesi.

²⁶ Mirora dūōmūtagkeli mūmōkū, Iyi yumpi sie iram?

²⁷ Iyi itīpelah nimtum, nokowo? Iyi yōmenūwi punora, memokū, Ya onūwisū pugkūm, ĭm kĭmi kūtūrĭgi. Irantie kūmnakīugi worōmanidĭgi? kūmnakīugi woreti ōvun nūrie eni, kū?

²⁸ Mirora dūmūrevi iyi, mūmūnūwi, mūmōkū, kĭk nūrie eni; kam ovūn nūrie eni Mōses.

²⁹ Ka kĭmlagkili ma Nōbū yemenūwi pugi Mōses; kō, iyi mori, ka keletūmlagkili yemnea.

³⁰ Neteme mori yōmenūwi punora memokū, Nokowo sugkū, kutūmagkili ia Iyi yemnea, miyi itīpelah nĭmtūg.

³¹ Kos kĭmlagkili ma Nōbū otūmandĭgora ōvun nareki sat; kō, nagkū sī neteme umentevita iran Nōbū memnumpi sugkū tarū eni Iyi umandĭgi iyi.

³² Tawi sī yemorigi ra sī palsi ma yemtīpelah nipmi eni sī yufimol nĭmtipat.

³³ Nagkū Iyi mori yetūmne ra Nōbū Iyi tawi horog worumpi sīsesī.

³⁴ Irora dūōmūnūwi pugi mūmōkū, kemumprokomol ra sat wokon, ĭm kemagkū kontavsogkam, kū? Mirora dūmūtevelĭguni iyi.

³⁵ Iesū yemorigi ma irora dūmūteveliguni iyi; miyi yemokesi, memtagkeli, memokū, kĭk ementavnirĭgi Netni eni Nōbū, kū?

³⁶ Iyi yemtagkeli, memokū, Novsūromon, Me iyi, ma ya ontavnirigi iran?

³⁷ Iesū yemenūwi pugi, memokū, Kĭk emagesi, Miyi umanūwi punok.

³⁸ Miyi yōmenūwi, memokū, Novsūromon, ya umuntavnirigi, miyi yemtevita iran.

³⁹ Iesū yōmenūwi, memokū, Ugi tampenĭgi yaūĭmpelum ra nemap, memokū, irora mori utūmagesi, wagesi; mirora mori umagkū ūmagesi wante nimtei.

⁴⁰ Mōvun Faresi mori dal Iyi dūmūrĭgi imo, mūmūtagkeli, mūmōkū, Kam ōvun nĭmtipat sugkū, kū?

⁴¹ Iesū yemenūwi punora, memokū Nagkū kĭmi ōvun nimtei kūtūmnōwarepatevi; kō marima, kūmanūwi mūmagkū, Ka kemlagesi, ĭm popōwo, imo sugkū, nworepatevi enugkmiĭ umantendōwi irami.