Yoane 7 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Penūri imosū Iesū yemnavan ra Kalĭli; iyi yetūakĭugi woravan ra Yūdia, popōwo oveteme Isrēel dūmūsenteri

² Yemumpotipot sī narigari nirora oveteme Isrēel irora dūmnumpi ugi ōvun tent.

³ Popōwo imo sugkū, ravensieme eni dūmūnūwi pugi, mūmōkū, Owi nūrū Igko ĭmpe ra Yūdia, ma ōvun nūrie enugkĭk wagesi ōvun numpūrah enugkĭk mori kemnumpi.

⁴ Tawi sī umnumpi sī se sī memantiumpene, nagkū iyi umnakīugi woretūratumpene ūnimĭnda oveteme. Nagkū kĭk emnumpi imosū esepen sesi kĭk punora oveteme omwisū.

⁵ Ravensīeme eni dūtūtavnirĭgi Iyi.

⁶ Iesū yemenūwi punora, memokū, Nempugon enyaū otūvelum; kō nempugon enugkĭmi ĭndōwi.

⁷ Lō ra nemap ūtūmnakan pugkūm; kō, ūmnakan poyaū, popōwo ya umnumpūvsok ugi irora, memagkū ōvun numpūrah enirora satindi.

⁸ Kĭmi ūvesah ra imo narĭgari; ya otūosah marima ra imo narĭgari popōwo nempugon enyaū otūvelumsū.

⁹ Pol sugkū Iyi yemenūwi punora imo Iyi yemetendōwi ra Kalĭli.

¹⁰ Penūri ravensieme eni dūmōvesah, Iyi sugkū yivesah ra narigari, tawi ūnimĭnda oveteme, kō sugkū vamon.

¹¹ Mōveteme Isrēel dōmosorugi Iyi ra narigari, mūmmūtagkeli, mūmōkū, Yei Iyi?

¹² Memeti tavuntan sikat ra ōvun numpūn lō popōwo ugi Iyi. Nugkoneme dūmūnūwi mūmōkū, Iyi neteme aremi; ĭm nugkoneme dūmūnfiwi, mūmōkū, Eyi; Iyi umnempiriwokonda ōvun numpūn lō.

¹³ Kō, tawi sī yemenūatumpene Iyi popōwo irora dūmūmtetokonda ōveteme Isrēel.

¹⁴ Dan ileboteven ra narigari Iesū yivesah mempe ūnisog nimo tumpora memtavsogi.

¹⁵ Mōveteme Isrēel dūmavlugi, mūmūsepen tagkelora mūmōkū, Imo neteme umagkili ōvun netiyi nokowo? dūtūtavsogi.

¹⁶ Iesū yemtamsi memenūwi punora, memokū, Nam tavsogi enyaū tawi enyaū; eni Iyi mori yemtamūli yaū.

¹⁷ Nagkū sī umnakīugi worumpi sugkū tarū eni, iyi agkili ugi nam tavsogi mori, nagkū eni Nōbū, kū nagkū ya umasepen nenūwi.

¹⁸ Iyi sī umasepen nenūwi umnesorugi nevietevisep nĭsekon; kō iyi sī mori umnesorugi nevietevisep nisekon iyi mori yemtamūli, iyi ĭtnesog, miyi tanepo wokon.

¹⁹ Mōses yemovugkūm ōvun nempasewugisū, kū? ĭm tawi sī ra kimi umnumpi sugkū ōvun nempasewugi mori.

²⁰ Kimi kūmnesenteri yaū, irantie? Numpun lō dūmūnūwi, mūmōkū, sī naviatindi iram; mē umesenterok?

²¹ Iesū yemtamsi memenūwi punora, memokū, Ya umpi sī numpūrah ĭm kĭmisū kwavlugi popōwo ugi imo.

²² Mōses yemovugkūm worumpi namon, ĭm imo tawi marugi Mōses, kō yemne marokonda ritemendeme, ĭm kimi kūmnumpi namon iran sī neteme ran danemindog.

²³ Nagkū kūmnumpi namon iran sī neteme ran danemĭndog mūmagkū kwafĭnte ōvun nempasewugi eni Mōses, kūmnarakī po yaū popōwo ya umpi sī neteme horĭgives wokon ran danemĭndog, kū?

²⁴ Utūtarū sugkū kūmagesi wokon; kō, ūtarūgi tarūsū tanepo.

²⁵ Nugkon ra irora oveteme Yerūsalem dūmūnūwi, mū mōkū, Imo neteme mori irora ūmnesorugi mūmagkū wontalugi, kū?

²⁶ miyi umanūwi ūnimĭnda oveteme mirora ūtūmanūwi sī nam pugi; ōvun natemonok umagkili ĭtnesog ma Iyi Kristo, kū?

²⁷ kō kakīmlagkili nūrū imo neteme umnēa; kō, pol sugkū Krĭstō ampelum, tawi sī agkili nūrū Iyi amnēa.

²⁸ Popōwo imo sugkū Iesū yemtorenūwisah ūnisog nimo tumpora, polekū Iyi yemtavsokonda, memenūwi, memokū, Kĭmi kūmagkili yaū, ĭm nūrū ya umnēa sugkū; ĭm yaū metūsepen nevelum; kō, Iyi mori yemtamūli yaū, Iyi mori itnesog, kimi kūtūmagkili Iyi.

²⁹ Kō ya umagkili Iyi, popōwo yau ĭmpeĭum memne ra Iyi, miyi yemtamūli yaū.

³⁰ Mirora dūmosorūgi mūmōkū wandūleki, kō tawi yemelekavi Iyi, popōwo nempugon eni yetūvelum.

³¹ Kō sikat ra irora numpūn lō dūmūtavnirĭgi Iyi mūmūnūwi, mūmōkū, Pol sugkū Krĭstō ampelum Iyi onumpi ōvun numpūrah mōmū horog ra imosū imo neteme umnumpi, kū?

³² Mōvun Faresi dūmūrlgi ma numpūn lō dūmūtavuntan mūmōkū imo ugi Iyi; mōvun Faresi mōvun tavsogi tumpora dūmūtamūlora ōvun nivūo worelekavi Iyi.

³³ Popōwo imo sugkū Iesū yemenūwi punora, memokū, Nempugon virok mōmū ya antelap dal kimi, ĭm ya ōmampe pugi Iyi mori yemtamūli yaū.

³⁴ Kĭmi kwonesorokoyaū mūtūagesi, ĭm ra nūrū ya ampe kĭmi kūtūfaneteme worevelum.

³⁵ Mōveteme Isrēel dūmūsepen tagkelora, mūmōkū, Iyi mori ampēa ma kos keletūagesi? Iyi ampe punora umnaseviokonda ra nūrūsū enirora ōveteme Krik, montavsokonda oveteme Krik, kū? Tie imo Iyi onūwi mokū ugi,

³⁶ kĭmi kwonesorokoyaū, mūtūagesi, ĭm ra nūrū ya ampe Kĭmi kūtūfaneteme worevelum?

³⁷ Im ran dan nisah ra narigari, dan nūsian, Iesū yemetūrū memtorenūwisah, memokū, Nagkū sī kū sī umampiumnōk ampelum poyaū mamoneki. Iyi sī umentavnirĭgi

³⁸ yaū anti iran sugkū nam mori yemetĭyi memokū, Navūanda nomūrep wontavūandasah ūnōwan.

³⁹ Iyi yemenūwi imo memokū ugi Naviat mori irora wampī ūmūntavnirĭgi Iyi; ĭt Iyi Naviat tumpora yetuvelum iranda ra nempugon mori, popōwo Iesū yetūomentorĭmpe ra nilasilaswi eni.

⁴⁰ Popōwo imo sugkū sikat ra irora numpūn lō pol sugkū dūmūrĭgi imo nam, dūmūnūwi, mūmōkū, Itnesog Iyi Profet mori.

⁴¹ Im nugkoneme dūmūnūwi, mūmōkū, Iyi Krĭstō; kō nugkoneme dūmūnūwi, Nokowo sugkū?

⁴² Krĭstō amne ra Kalĭli kū? Dūmūtīyi, mūmōkū, Krĭstō amne ra novsen eni Dēvĭd ĭm nimote Betlehem, yūi Dēvĭd yemetewi, kū?

⁴³ Popōwo ugi imo dūmūtevavwora numpūn lō popōwo ugi Iyi.

⁴⁴ Nugkon ra irora dūmosorugi mūmōkū wandūleki, kō tawi sī yemelekavi Iyi.

⁴⁵ Mōvun nivūo dūmūvelum punora ōvun tavsogi horog mōvun Faresi, mirora dūmūtagkelora mūmōkū Irasie kūtūtōri iyi?

⁴⁶ Mōvun nivūo dūmūnūwi, mūmōkū, Tawi sī yemenūwi sugkū imo neteme īndowi.

⁴⁷ Mōvun Faresi dūōmūtagkelora, mūmōkū, Umnenipiriwugkūm sugkū, kū?

⁴⁸ Ia sī natemonok mori amen tavnirigi Iyi? kū sī neteme Faresi?

⁴⁹ kō imo numpūn lō mori umamgīugi ōvun nempasewugi umnavoret.

⁵⁰ Nĭkodimus, mori yive pugi Iesū pūmrok, Iyi sī ra irora, yemtagkelora, memokū,

⁵¹ Ovun nempasewugi enugkos umnumpi sī neteme nworepatevi pol sugkū yetūrĭgi nam eni metūkili sie iyi umnumpi kū?

⁵² Irora dūmūtamsi mūmūnūwi pugi, mūmōkū, kĭk sugkū kemne ra Kalĭli, kū? osorugi mokili, popōwo tawi sī profet yemne ra Kalĭli.

⁵³ Mirorasū dūmūve enirorawi. Kō Iesū yempe ra numpūo Olivet.