Yoane 20 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Dan mampūm ra wik, Mēri Makdalene yivelum ra velitenemi, yumti naūevetavū, yemilarilara, memokesi nevat yivĭpelah marugi velitenemi.

² Miyi yemalo ĭmpelum pugi Sīmon Piter, ĭm nūrie mori Iesū yemelintugi, memenūwi punora memokū, Uvipelah Novsūromun marugi veletenemi, ĭm kos keletumlagkili nūrū ōmūtipēwi.

³ Piter yive ilat, ĭm nūrie mori, mirora dūmūmprokalo, mūmōkū wampe ra velitenemi,

⁴ miyi nūrie mori yepmōbūm iran Piter, mempelum mampūm ra velitenemi.

⁵ Miyi yemetagkelaū memokesi ōvun nēmas lĭnen, dūtipe kō, iyi yetūve ūnisog.

⁶ Im Sīmon Piter, mori yemūri, yivelum, mempe ūnisog velitenemi, memokesi ōvun nemas lĭnen dūtipe,

⁷ ĭm nemas ūnumpūn dūtipeteven italni, mitavĭnapon ra nūrū siteven.

⁸ Miyi nūrie mori yive ūnisog sugkū, mori yivelum mampum ra velitenemi; miyi yemokesi memtavnirĭgi.

⁹ It irora ra nempogon mori dūmūmgĭugi nam ra mumpon ōvun netĭyi tumpora, ma Iyi ōmentūok marugi nemas.

¹⁰ Mōvun nurie mori dūmūve enirorawi.

¹¹ Kō, Mēri yemetūrū ilat ra velitenemi, memageri. Im polekū yemageri yemetagkelaū memokesi ūnisog veliteemi;

¹² miyi yemokesora dūrū ōvun agelō dūmūvīugi nemas nesebo, dūmūtesep, sī ra numpun, ĭm sī ra noan, ra nūrū yemalewi nokolisiran eni Iesū.

¹³ Mirora dūmūtagkeli, mūmōkū, Nasiven, kemnageri, irantie? Iyi yemenūwi punora, mēmokū, Popōwo ūvĭpelah Novsūromon enyaū, ĭm ya otūmagkili ūtipēa.

¹⁴ Iyi yemenūwi imo, memelagkaū kitan, memokesi Iesu yemetūrū, metūkili ma iyi Iesū.

¹⁵ Iesū yemtagkeli memokū, Nasiven, kemnageri, irantie? Kemnesorugi mē? Iyi yemokū Iyi nasĭmnūok, memenūwi pugi memokū, Narisah, nagkū kĭk uriūki pelah, enūwi poyaū ia kotipēa, ĭm ya ampi iyi.

¹⁶ Iesū yemenūwi pugi, memokū, Mēri. Miyi yemelagkaū mōmū, memenūwi pugi memokū, Rabonī, fan nam, Tavsogi enyaū.

¹⁷ Iesū yemenūwi pugi, memokū, Etūsugkori yaū, ĭt ya otūsah pugi Itemen yaū. Eve punora ravūgsĭeme menūwi punora, mokū, Ya umesah pugi Itemen enyaū, ĭm Itemen enugkimi, ĭm Nōbū enyaū, ĭm Nōbū enugkimi.

¹⁸ Mēri Makdalene yivelum memenūwi punora ōvun nūrie, memokū iyi okesi Novsūromon, miyi onūwi imo pugi.

¹⁹ Ran dan mori, yem pwaraparap, dan mampum ra wik, dūmūsumpat ōvun būkitampet ra nimo ōvun nūrie dūmūsemsimokonda, popōwo dūmūmtetokonda oveteme Isrēel, Iesū yivelum memetūrū ileboteven, memenūwi punora, memokū Ninparata irami;

²⁰ ĭm pol sugkū Iyi yemenūwi imo, Iyi yemesesi punora ōvun nokoven eni, ĭm nokoren eni; mōvun nurie mori dūmavosavos popōwo dūōmōkesi Novsūromon.

²¹ Iesū yōmenūwi punora, memokū, Ninparata irami; sugkū Itemen yemtamūli yaū, ya umentamūlokūm sugkū.

²² Im pol sugkū Iyi yemenūwi imo, Iyi yelĭmsora ugi nesumsah, memenūwi punora memokū, Uvī Naviat tumpora; satsū enirora mori kĭmi kūmafielintokonda, afielintokonda;

²³ ĭm satsū enirora kĭmi kūtūmafielintokonda, otūafielintokonda.

²⁴ Tomas, sī ra irora Twelv, nalĭg eni Dĭdĭmus, tawi dal irora pol sugkū Iesu yivelum.

²⁵ Mōvun nurie dūmūnūwi pugi, mūmōkū, Ka kelokesi Novsuromon. Miyi yemenūwi punora, memokū, Nagku ya otūagesi nampon ōvun nēl ra ōvun nokoven eni, rnetūantipe dugorugon nokovug ra nampon ōvun nēl, ĭm nokovug ra nokoren eni ya otūontavnirĭgi.

²⁶ Penuri dansū ēt ōvun nurie eni dūōmūsemsimugi ūnisog ĭm Tomas dal irora; Iesū yōĭmpelum, ōvun bukitampet dūmūsumpat, miyi yōmetūru ileboteven, mōm-enūwi punora, memokū, ninparata irami.

²⁷ Miyi yemenūwi pugi Tomas, memokū, Eevan gi dugorugon nokopmū, mokesi ōvun nokovug; mēevan gi nokopmū metipe ra nokoren enyaū; roetūte netūtavnirĭgi, kō etavnirĭgi.

²⁸ Tomas yemenūwi pugi, memokū, Novsuromon sorūg, im Nōbū sorūg. Iesū yemenūwi pugi, memokū, Tomas,

²⁹ popōwo kĭk okesi yaū, kĭk ementavnirĭgi. Nevīeves irora mori dūtōkesi, kō, ūmuntavnirĭgi.

³⁰ Itnesog, ōvun numpūrah horog sikat mōmū Iesū yemumpi ūnimĭnda ōvun nūrie eni, ūtūotīyi ra mumpon imo netiyi;

³¹ kō, umnetīyi memagkū ugi imosū ma kĭmi kwontavnirĭgi ma Iesū, Krĭstō, miyi Netni eni Nōbū; ma kĭmi kwampi tavnirigi nomūrep ra nin eni.