Yoane 16 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ya umanūwi imosū pūgkum ma kĭmi kūtūontamsal.

² Irora wontevelegunokūm marugi ōvun nimo tavsogi; ĭm nempugon umampelum pol sugkū irora mori wantalugkūm, wagkū, aremī ĭndōwi ūnĭpmi eni Nōbū.

³ Irora wonumpi imosū irami popōwo ūtūmagkili Itemen, kū yaū.

⁴ Imosū ya umanūwi pugkūm memagkū kwonentemisū, pol sugkū nempugon mori ampelum, magkū, yaū menūwisū pugkūm. Im yaū metūnūwi imo pugkūm mampūm, popōwo yaū dal kĭmi.

⁵ Kō, marima ya umampe pugi Iyi mori yemtamūli yaū; ĭm tawi sī ra kĭmi umentagkol yaū, memagkū, Ia kemampea?

⁶ Im popōwo ya onūwi imosū pugkūm, kūmandugompūnū tamas ugi.

⁷ Kō, ya umanūwi pugkum itnesog, memagkū, aremī nisekomi ma ya umampe: ĭt nagkū ya otū ampe Iyi Nempari nevĭeves otū ampelum irami;

⁸ ĭm nagkū ya ampe ya ontamūli irami. Im pol sugkū Iyi ampelum Iyi osesi punora ōveteme worokili ugi sat, ĭm tanepo, ĭm nūrian; ugi sat, popowo irora ūtum tavnirigi yaū;

^9-10 ugi tanepo popōwo ya umampe pugi Itemen yaū ĭm kĭmi kūtūōmagkoseyaū;

¹¹ mugi nurian, popōwo yūrian iran Narisah ra imo nemap. Sikat mōmū nam enyaū worenūwi pugkūm,

¹² kō kĭmi tawi faneteme wororĭgisū marima.

¹³ Pol sugkū Iyi ampelum, Naviat itnesog mori, Iyi ontorokūm worokili itnesog omwisū: ĭt Iyi otūasepen nenūwi; siamesū Iyi andĭgi anūwi; miyi osesi pugkūm siame ampelūm.

¹⁴ Iyi onumpi nilasilaswi irag, popōwo ampi marugi siamesū enyaū manūatumpene pugkūm.

¹⁵ Siamesū eni Itemen, enyaū sugkū; popōwo imo sugkū ya onūwi rnokū, Iyi ampi marugi enyaū manūatumpene pugkūm.

¹⁶ Nempugon virok, ĭm kĭmi kūtūagesi yaū; ĭm penūri, nempugon virok, kwōmagkusi yaū.

¹⁷ Popōwo imo sugkū nugkon ra irora ovūn nūrie dūmūsepen tagkēlora, mūmōkū, sie imo Iyi umanūwi pugkos? Nempugon virok, ĭm kĭmi kūtūagesi yaū; ĭm penūri, nempugon virok, kwōmagkusi yaū, ĭm,

¹⁸ popōwo ya ōmem ampe pugi Itemen; irora dūmōkū, sie imo Iyi umanūwi memagkū ugi? Nempogon virok; kos kĭmlamgīugi nam eni.

¹⁹ Iesū yemokili ma irora dumakīugi woretagkeli, miyi yemenūwi memokū, kūmnesorugkūm ugi fan nam imo ya onūwi, mokū, Nempugon virok ĭm kimi kūtūagesi yaū; ĭm penūri, nempugon virok, ĭm kimi kwomagkusi yaū, kū?

²⁰ Itnesog, ĭtnesog, ya umanūwi pugkūm, memagkū, Kĭmi kwonageri monakūr, ĭm nemap wonavosūwi; ĭm kwandugompūnū, kō pe norigompūnū enugkĭmi anti navos.

²¹ Sī nasiven ra nempugon netni amprokamol umandugompūnū popōwo nempugon eni okovelum; ĭm pol sugkū netni umprokomol iyi otūmnentemi nesorū ugi, popōwo ugi navos ma sī netni ĭtnataman okovelum ra nemap.

²² Im kĭmi marima kūmandugompūnū; kō, ya ōmagkusokūm ĭm kĭmi kwonavos ūnōwami, ĭm tawi sī ampī parugkūm navos enugkĭmi.

²³ Ra nempugon mori kĭmi kūtu-ontagkoloyaū sī. Itnesog, ĭtnesog ya umanūwi pugkūm, memagkū, sīsesī kĭmi kwonesenĭgi Itemen magkū ra nin enyaū, iyi ampugkūm.

²⁴ Kĭmi kūtūosenĭgi sīsesī mūmōkū, ra nin enyaū, mafeli ra nempugon marima; ūsenĭgi; ĭm kĭmi kwampī, ma sugkū, navos enugkĭmi ampūarasah ūnōwami.

²⁵ Ya umanūwi imosū pugkūm ugi ōvun parabel: kō, nempugon ampelum pol sugkū ya otūōmanūwi pugkūm ugi ōvun parabel; ya anūatumpene pugkūm magkū ugi Itemen.

²⁶ Ra nempugon mori kĭmi kwonesenĭgi magkū ra nin enyaū; ĭm ya otūmanūwi pugkūm memagkū, ya ontagkeli.

²⁷ Itemen nisekomi; ĭt iyi Itemen umnelintug kūm, popōwo kūmnelintokoyaū, ĭm kūmūntavnirigi ma yaūĭmpelum memne ra Nōbū.

²⁸ Yaūĭmpelum memne ra Itemen, mempelum ra nemap; ĭm ya awi nemap mōmampe pugi Itemen.

²⁹ Ovun nūrie eni dūmūtagkeli mūmōkū, Marima kĭk emanūasūmperi, metūmanūwi sī parabel.

³⁰ Marima ka kĭmlagkili ūnam ma kemagkĭli siamesū, metūmentevetūi sī woretagkelok ugi sī; popōwo imo sugkū ka kĭmlagkili kempelum memne ra Nōbū.

³¹ Iesū yemenūwi punora, memokū, Kĭmi kūmūntavnirĭgi marima kū?

³² Urĭgi, umampelum nempugon, okovelun marima, pol sugkū kĭmi kwonaseviugi, kwōmampe ran temnesū enugkĭmi, kĭmisū, mawi yaū kosī kō yaū tawi kosī, popōwo iyi Itemen ūndū yaū.

³³ Ya onūwi imo pugkūm ma kĭmi kwampi ninparata ra mumpon yaū. Kĭmi kwampi nevīesesat ra nemap; kō, wavosūwi; ya oke-tantevakepesū nemap.