Yoane 15 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Yaū vīn ĭtnesog ĭm Itemen enyaū nasĭmnūok.

² Ovun dugon omwisū ra yaū mori ūtūmampūo, iyi umentantevi, mirorasū mori ūmampūo, iyi umnarovĭn, memagkū anapūo nifiri.

³ Kĭmi kūmnarovĭn marima ugi nam mori ya onūwi pugkūm. Utendōwi ra yaū, ĭm yaū ra kimi.

⁴ Sī dugon tawi faneteme woresepen novūo; otūampūo nagkū otūantendōwi ra nelumpoi vin. Kĭmi sugkū, nagkū kūtūwantendōwi ra mumpon yaū.

⁵ Yaū vīn mori ĭm kĭmi ōvun dugon; iyi sī umantendōwi ra yaū, ĭm yaū ra iyi, ūmampūo nifiri; popōwo kimi wokon tawi faneteme worumpi sīsesĭ, nagkū yaū tawi ramumpon kĭmi.

⁶ Nagkū sī otūmantendōwi ra yaū, ontafugi iyi ratilat sugkū dugon, ametū, wonalekon montafugi ra nom, matni.

⁷ Nagkū kĭmi kwantendōwi ra mumpon yaū, ĭm nam enyaū antendōwi ra mumpon kimi, sisesī kĭmi kwonakīugi kwonesenĭgi, ĭm onumpi irami.

⁸ Umnumpi nilasilaswi iran Itemen yaū pol sugkū kĭmi kūmampūo nifiri; ĭm kĭmi kwanti ōvun nūrie enyaū.

⁹ Itemen umnelintokoyaū, ĭm ya umnelintugkūm sugkū; ūteadōwi ra nelintugi enyaū.

¹⁰ Nagku kĭmi kwonalekoleki ōvun nempesewugi enyaū, kĭmi kwantendōwi ra nelintugi enyaū; sugkū ya umnalekoleki ōvun nempasewugi eni Itemen enyaū, memantendōwi ra nelintugi eni.

¹¹ Ya umanuwi imosū pugkūm ma navosavos enyaū antendōwi ūnisog kĭmi, ĭm navos enugkĭmi ampūarasah ūnōwami.

¹² Imo nempasewugi enyaū pugkūm ūsepen nelintug kūm; sugkū ya umnelintug kūm.

¹³ Imo nelintugi ra nūsian pol sugkū sī neteme umasepen ōwi nomūrep eni woretampnemokonda raveneme.

¹⁴ Kĭmi ravūgeme nagkū kūmnumpi sugkū ya umnempasewugkūm, Ya otūōmanūwi magkū kĭmi ōvun lĭvsaū,

¹⁵ popōwo sī lĭvsaū otūmagkili siame Narisah eni umnumpi. Ya onūwi mokū kĭmi ravūgeme, popōwo siamesĭ yaū morigi marugi Itemen enyaū ya okotavsogkūm ugi.

¹⁶ Kĭmi kūtūtampoli yaū, yaūĭmtampoli kĭmi memtamūlokūm memokū kwampe, mōmampūo, ĭm ma novūan enugkĭmi wantendowi; ma sĭsesī kĭmi kwonesenĭgi Itemen magkū ra nin enyaū, Iyi ampugkūm.

¹⁷ Ya umnempasewugkūm imo, memagkū usepen nelintugkūm.

¹⁸ Nagkū nemap umnakan pugkūm, kĭmi kūmagkili yepmakan poyaū.

¹⁹ Nagkū kĭmi enirora ra nemap, irora polintugkūm; kō, popōwo kĭmi tawi enirora ra nemap, yaūĭmtampoli kĭmi marokonda ra nemap, popōwo imo sugkū nemap umnakan pugkūm.

²⁰ Wuntemi nam mori ya onūwi pugkūm, mokū, sī lĭvsaū, tawi mōmū horog ra narisah eni. Nagkū irora dūmūvĭesisat yaū irora wampĭesisat kĭmi. Nagkū irora dūmalekoleki nam enyaū, irora wonalekoleki nam enugkĭmi sugkū.

²¹ Kō imosū omwisū irora wonumpi irami ugi nin enyaū, popōwo irora ūtū kili iyi mori yemtamūlyaū.

²² Nagkū yaū petū velum menūwi nam punora, irora pūtūte satindi; kō marima tawi sī en tie sī woreseni sat enirora.

²³ Iyi mori umnakan poyaū umnakan pugi Nate sugkū.

²⁴ Nagku yaū petū umpi ōvun numpūrah ūnimĭnda sugkū tawi sī neteme yemumpi, irora pūtūte satĭndi; kō marima irora dūmokesi yaū ĭm Nate dūmakan poyaū ĭm pugi Nate sugkū.

²⁵ Kō umetepū sugkū, ma wonampesog nam mori dūmūtĭyi ra nam alam enirora, Dūmūsepen nakan poyaū.

²⁶ Kō pol sugkū Iyi mori onesitū irami ampelum, mori ya ontamūli pugkūm marugi Itemen, mori Naviat itnesog, mori umamne marugi Itemen, iyi onumpūvsok ugi yaū.

²⁷ Im kimi sugkū kwonumpūvsok, popōwo kūmūte dal yaū marugi nimpugon ra nōbūm.