Yoane 13 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im pol sugkū dūtūumpi narigari Paska, Iesū yemokili ma nempugon eni okovelum, miyi awi nemap, mampe pugi Itemen; Iyi yemelintokonda mori eni ra nemap, miyi yemelintokonda mafeli ra nisah.

² Yivelum nempogon woreni, ĭm Diabolo yepmetipe ūnōwan eni Yūdas Iskariot, netni eni Sīmon worempirĭgi Iyi;

³ Iesū yemo kili ma iyi Itemen yemovugi tiamesū ra mumpon nokoven eni, ĭt Iyi yivelum yemne ra Nōbū mōmontorĭleki pugi Nōbū,

⁴ Iyi yemtūok marugi tesĭgi, memetipe teven ōvun nemas eni, mempi taūel, memesepen netōetĭgi iran.

⁵ Penūri Iyi yemwoselĭgi nū ūnisog sī bēsen, mematipotni wororowugi noanda ōvun nūrie eni memsentevi ugi taūel yemetōetĭgi iran.

⁶ Miyiyivelum pugi Sīmon Piter, miyi yemtagkeli memokū, Novsūromon, kĭk emagkū kandawugi noag kū?

⁷ Iesū yemtamsi memenūwi pugi, memokū, Imo mori ya umnumpi kĭk otūraagkili marima; kō, kĭk agkili ugi penūri.

⁸ Piter yemenūwi pugi, memokū, Tawi; kĭk otūandawugi noag, Iesū yemenūw ipugi, memokū, Nagkū ya otūandawugkĭk kotūampī sī netevūrak ūndū yaū.

⁹ Sīmon Piter yōmenūwi pugi memokū, Novsuromon Tawi noag wokon; nokovug ĭm numpūg sugkū.

¹⁰ Iesū yōmenūwi pugi, memokū, Iyi sī orūk, andawugi noan wokon; iyi sentevives omwisū; ĭm kĭmi sentevives kō, tawi omwisū.

¹¹ Popōwo Iyi yemokili iyi mori yemokū onempirĭgi Iyi; popōwo ugi imo Iyi yemenūwi, memokū kĭmisū tawi sentevives.

¹² Im pol sugkū iyi yemorowokonda omwisū, mōmevīugi ōvun némas eni mōĭmtesĭgi, Iyi yemtagkelora, memokū,

¹³ Kimi kūmagkili imo mori ya umpi nisekomi, kū? Kĭmi kūmanūwi, mūmagkū, Yaū Tavsogi, ĭm Novsūromon, ĭm kūmanūwivēs, ĭt yaū sugkū.

¹⁴ Im nagkū yaū mori Novsūromon ĭm Tavsogi, orowugi noami, aremī kĭmi kwandawugi noami kĭmi.

¹⁵ Ya umpi imo nĭsekomi, mokū kĭmi kwonumpi sugkū ya umpi irami.

¹⁶ Itnesog, ĭtnesog, ya umanūwi pugkūm, memgkū, sī lĭvsaū tawi mōmū horog ra Narisah eni, ĭm sī tandeko tawi mōmū horog ra Iyi mori yemtamūli.

¹⁷ Nagkū kūmagkili imo, kĭmi nevīeves nagkū kwonumpi.

¹⁸ Ya otūmanūwi memagkū marima ugi kĭmisū. Ya umagkilora mori yaūĭmtampolora nĭsekūg; ya umagkū onekompelisū nam ra mumpon ōvun netiyi tumpora, Iyi sī ontesĭgi ūndū yaū osentoriyaū.

¹⁹ Ya umanūwi pugkūm marima, pol sugkū otūtepū sugkū, ma kĭmi kwontavnirĭgi yaū pol sugkū antepū sugkū.

²⁰ Itnesog, ĭtnesog, ya umanūwi pugkūm, memagkū, Iyi sī umumpī iyi sī ya ontamūli, umumpī yaū; miyi sī umumpī Iyi mori yemtamūli yaū.

²¹ Pol sugkū Iesū yemenūwi imo yemorigi sat ra naviat, mōĭmtesūwĭ memenūwi memokū, Itnesog, yakum mantūwi, pugkūm memagkū, Ma sī kĭmi anti nĭmperigi yaū.

²² Im ōvun nūrie dūmūtopotnemi iranda, mōĭmneveleveli ugi, kō dūtūkili mē mori iranda yemenūwi imo ugi.

²³ Im sī nūrie isen yemtesūwĭ ra nemindogon eni Iesū mori Iesū yemelintugi iyi.

²⁴ Sīmon Piter yemokū ma iyi ontagkeli iyi memagkū mēmorī iyi yemenūwi imo ugi.

²⁵ Im mori yemtesūwĭ ra nemindogon eni Iesū yemenūwi pugi memokū, Novsūromon mē mori?

²⁶ Iesū yemtamsi, memenūwi memokū, Oti iyi mori, yakum metevūrah pugi nevag pol sugkū yakumpī. Im polekū yivi yemovugi Iūdas Iskariot netni eni Sīmon Im polekū yivi nĭvlugkon, sētan yempe iran.

²⁷ Popōwo imo sugkū, Iesū yemenūwi pugi, mumokū, Mori kĭk emagkū konumpi umpi itnum.

²⁸ Kō, tawi sī ra irora mori dūmūtesigi yemokili irantie Iyi yemenūwi pugi sugkū. Popōwo Yūdas yemuriuki vēyū enirora nugkoneme dūmōkū, Iesū yemenūwi pugi,

²⁹ memokū, Evasi nīsekont nĭmsĭn narĭgari, kū, dūmōkū iyi ampunora ōvun narumkor nugkon.

³⁰ Iyi mori yempī nivlugkon nevag marimago yempe ilat; nempugon pūmrok.

³¹ Pol sugkū iyi yempe ilat Iesū yemenūwi memokū, Marima umnumpi nilasilaswi iran Netni eni neteme, mumnumpi nilasilaswi iran Nōbū ugi Iyi.

³² Nagkū umnumpi nilasilaswi iran Nōbū ugi Iyi, Nōbū onumpi nilasilaswi iran ra Iyi pe Iyi. Monokowo; marimago Iyi onumpi nilasilaswi iran.

³³ Ovalalaū; ya antelap nempugon virok dal kimi; kĭmi kwonesorokoyaū, ĭm sugkū ya onūwi punora ōveteme Isrēel, mokū, Ra nūtū ya umampe, kĭmi tawi faneteme worevelum, ya umanūwi pugkūm memagkū sugkū.

³⁴ Sī nempasewugi ĭtevaū, ya umampugkūm, Usepen nelintugkūm. Ya um-nelintugkūra, ūsepen nelintugkūm sugkū.

³⁵ Omwisū wagkili ugi imo nagkū kimi ōvun nūrie enyaū, nagkū kimi kwasepeu nelintugkūm.

³⁶ Sīmon Piter yemtagkeli, memokū, Novsūromon, Ia kemampea? Iesū yemenūwi pugi, memokū, Ra nūrū ya umampewi, kĭk tawi faneteme worūri yaū marima; mantelap konūri yaū.

³⁷ Piter yōĭmtagkeli, memokū, Novsūromon, Irantie yaū tawi faneteme worūrok marima? Ya ontampnemugi nomūrep enyaū ugi kĭk.

³⁸ Iesū yōmenūwi pugi, memokū, kĭk ontampnemugi nomūrep enugkĭk ugi yaū, kū? Itnesog, itnesog, ya umanūwi punok, memagkū, Netūo otūonasora mafeli ra nempugon kĭk onūaveni yaū nempugon desel.