Yoane 1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Pol sugkū tawi potnin nemap iyi Nam, miyi Nam ūndū Nōbū miyi Nam, Nōbū.

² Ra nobūm Iyi ūndū Nōbū. Yemumpi tiainesū ugi Iyi;

³ yetūumpi sĭsesĭ ugi sī, yemumpi tiamesū omwisū ugi Iyi.

⁴ Nomūrep isen Iyi; ĭm Nomūrep mori nilara ra oveteme;

⁵ miyi Nilara umeselī ra nelebokevat im nelebokevat umamgīugii.

⁶ Sī neteme, nin eni Yōane, Nōbū yemtamūli, yivelum, worumpūvsok, meinumpūvsok ugi iyi Nilara,

⁷ ma omwisū wontavnirigi ugi nam eni.

⁸ Iyi mori tawi Nilara, kō, worumpūvsok ugi Iyi Nilara.

⁹ Iyi Nilara itnesog yivelum ra nemap mumneliugesora ōvetemesū.

¹⁰ Iyi yepmete ra nemap im yemumpi nemap ugi Iyi, ĭm Nemap dūtūkili Iyi.

¹¹ Iyi yivelum ran tiamesū eni, ĭm netevokontū eni dūtūvi Iyi.

¹² Kō Iyi yemovunora mori dūmūvĭ Iyi horog woreti ōvun netnime eni Nōbū, mori Umuntavnirigi nin eni,

¹³ irora mori dūmumprokomol, tawi ugi ōvun fan lō, tawi ugi nakiugi nataman kū nasiven, tawi ugi neteme, Kō ugi Nōbū.

¹⁴ Miyi Nam yemeti fan memetendōwi dal kam memovuarugi togesoveli mĭtnesog, ĭm kam lelavenūri nilasilaswi eni, nilasilaswi eni Iyi Netni siteven eni Itemen.

¹⁵ Yōane yemumpūvsok ugi Iyi memtorenūwi memokū, Iyi imo mori yaū mepmenūwi pugkūm ugi memokū, Iyi mori omnūri yaū ra nūsian irag, ĭt Iyi yepmōbum irag.

¹⁶ Im kam omwisū lororovī marugi nūvūarugi eni, ĭm togesoveli, ĭm togesoveli mōmū.

¹⁷ Mōses yemovunora ōvun nempasewugi sū; kō togesoveli mĭtnesog dūmūti ugi Iesū Krĭstō.

¹⁸ Tawi sī yemokesi Nōbū, iyi Netni sīteven mori umante ra mumpon nemendogon eni Itemen iyi wokon yempīatumpene.

¹⁹ Numpūvsok eni Yōane imo, pol sugkū oveteme Isrēel dūmūtamūlora oveteme sakrefis mōveteme Livī marugi Yerūsalem pugi mūmūtagkeli mūmokū, kĭk e mē?

²⁰ Iyi yemenūatumpene metūnūaveni, yemenūat umpeni memokū, yaū tawi Krĭstō.

²¹ Mirora dūmūtagkeli mūmōkū, Im mē? Kĭk Elīya, kū? Miyi yemenūwi memokū, Tawi. Kĭk profet mori, kū? Miyi yōmemenūwi memokū, Tawi.

²² Mirora dūōmūtagkeli mūmōkū, Kĭk e me? ma ka kelanūwi punora mori ūtamūlokam. Tie kĭk emanūwi memagkū ugi kĭk?

²³ Iyi yemenūwi memokū, Yaū navian eni sī umentorenū wisah ra nūrū wokon, memagkū, Wumpi nugko selat eni Novsūromon, sugkū Isēya profet yepmenūwi.

²⁴ Mōvun tandeko mori ōvun Faresi. Mirora dūmūtagkeli mūmōkū,

²⁵ Irantie kĭk emnumbaptiso nagkū kĭk tawi Krĭstō, ĭm tawi Elīya, ĭm tawi Profet mori?

²⁶ Yōane yemtamsi memenūwi punora memokū, Ya umnumbaptiso ugi nū, kō,

²⁷ umantūrū ileboteven kimi iyi mori kimi kūtūmagkili, Iyi imo mori omenūri yaū, ra nūsian irag, yaū tawi aremī woresuli neles ra woravan eni.

²⁸ Imosū dūmūtepū ra Betani nugkon-nūmpe Yordan ra nūrū Yōane yemumbaptiso.

²⁹ Ratmran Yōane yemokesi Iesū yivelum pugi, memenūwi memokū, Okesi Iyi, Lam eni Nōbū, mori umumpipelah nworepatevi marugi Nemap.

³⁰ Iyi imo mori yaū mepmenūwi memokū ugi, Sī neteme omenūri yaū ra nūsian irag, ĭt Iyi yepmōbum irag.

³¹ Im yaū sugkū metūsepen nokili Iyi, kō, ma sugkū ampĭatumpeni Iyi unimĭnda lō Isrēel yaū empelum mumbaptiso ugi nū.

³² Im Yōane yemumpūvsok, memokū, Yau mokesi Iyi Naviat iyep marugi pokōp, sugku umpon, memetendowi iran.

³³ Im yaū metūsepen nokili Iyi; kō, Iyi mori yemtamūli yaū worum baptiso ugi nū, Iyi mori yemenūwi po yaū memokū, Neteme mori kĭk agesi Naviat iyep manten-dōwi iran, Iyi mori, Iyi umumbaptiso ugi Naviat Tumpora.

³⁴ Im yaū mokesi, memumpūvsok ugi, memokū, Iyi mori Netni eni Nōbū.

³⁵ Im sugkū weme, Yōane yemetūrū, ĭm dūrū ōvun nūrie eni,

³⁶ miyi yemokesi iran Iesū yemavan, memenūwi memokū, Okesi Iyi, Lam eni Nōbū;

³⁷ Mōvun nūrie endūrū mori dūmūrĭgi nam eni mumamplesi iran Iesū.

³⁸ Im Iesū yemelagkaū memokesora dūmamplesi iran, memtagkelora memokū, Sie kumnesorugi? Mirora dūmūtagkeli Iyi mūmōkū, Rabi (fan nam, Tavsogi) ia kemantēa?

³⁹ Miyi yemenūwi punora memok ū, Uvelum mokesi Mirora dūmūve mumokesi nūrū Iyi yemetewi, mūmūtewi dal Iyi ran dan mori; poaraparap.

⁴⁰ Anderū, avensi eni Sīmon Piter, iyi sī ra iroran dūrū mori dūmūrigi nam eni Yōane memamplesi iran.

⁴¹ Mampūm iyi yemokesi Sīmon, avensi eni, memenūwi pugi memokū, Ka kūokesi iyi Mesia, mori Krĭstō, memtori iyi pugi Iesū.

⁴² Im Iesū yemokesi iran memenūwi memokū, Kĭk Sīmon, netni eni Yōna; onatovnin enugkĭk, magkū Kefas, fan nam, Nevat.

⁴³ Ran dan penuri yemokū Iyi ampe afeli ra Kalĭli; miyi yemokesi Fĭlĭp memenūwi pugi memokū, Uri yaū.

⁴⁴ Fĭlĭp neteme Betsīda, sĭti eni Anderū ĭm Piter.

⁴⁵ Fĭlĭp yemokesi Natanael memenūwi pugi memokū, Ka kelokesi Iyi mori Mōses mōvun Profet dūmūtīyi mūmōkū ugi ra mumpun Ovun Netiyi tumpora. Iesū netni eni Yosef, neteme Nasaret.

⁴⁶ Natanael yemtagkeli memokū, Sīsesī aremī umamne ra Nasaret, kū? Fĭlĭp yemenūwi pugi memokū, Elum mokesi.

⁴⁷ Iesū yemokesi Natanael yivelum pugi memenūwi memokū, Okesi iyi, sī neteme Isrēel itnesog, tawi, nempiri eni.

⁴⁸ Natanael yemtagkeli memokū, kĭk emagkili yaū ugi mē? Iesū yemtamsi memenūwi pugi memokū, Pol sugkū Fĭlĭp otūvrug kĭk nempugon kĭk ra mumpon nē fik ya okesok.

⁴⁹ Natanael yemenūwi pugi memokū, Rabi kĭk netni eni Nōbū; kĭk natemonok ra nusian enirora oveteme Isrēel.

⁵⁰ Iesū yemenūwi pugi memokū, Popōwo ya onūwi punok mokū, Ya okesok ra mumpon nē fik kĭk ementavnirĭgi. Kĭk agesi ōvun numpūrah mōmū horog ra imosū

⁵¹ Miyi yōmenūwi pugi, memokū, Itnesog, itnesog, ya umanūwi pugkūm memagkū, Kimi kwagesi pokūp ontĭpelah, mōvun agelō eni Nōbū wandūuevesah mōmandūnyep iran Netni eni Neteme.