Yakobo 3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ravūsīeme, ūtūte ōvun tavsogi sikat, popōwo kū mūkili kos kwampi irant nūrian nugkugko mōmūgo.

² Popōwo kos ĭmlitakeli dan sū ra siame sikat kos sū. Im nagkū sī otū takeli ra nam isen, iyi neteme aremi wokon, ĭm faneteme worefinte aremī nokolisiran omwisū sugkū.

³ Im nagkū kos kĭm lantipe braidel ra nugon hors kos kĭm lintori

⁴ nokolisirand omwisū sugkū.

⁵ Kūmagkili ugi ōvun lō sugkū, irora horog tamas, ĭm ōvun nemetagi umtelesora, kō umumpoli irora sīruder mori virok wokon sugkū neteme umefinte pe umagkū ugi. Im nelūamen sugkū, sī nivlugkon nokolisiran virokos, kō umanūwi nam sah nugkugko tamas. Itnesog sī nom urekis umatni ōvun nēsū tamas wokon.

⁶ Im nūlūamen oti sī nom: ĭm imo nūlūamen oti sī narekindi nūsian ra nokolisirant, umnumpi nililūō nokolisirant omwisū, mematni siame sū omwisū, ĭm nom ra niswate umatni navelar imo nūlūamen.

⁷ Im ĭtnesog ōveteme ūmumpi nemolsep ōvun nūrahsū, ĭm ōvun menūkū, ĭm ōvun niskel omwisū mōvun nūrah sū ra mumpon tok: kō mē onumpi nemolsep nūlūamen?

⁸ ĭt iyi sī narekindi ĭm tawi netetevin isen, ĭm ōvūwar ĭndowi ra poison domo nemaswi.

⁹ Ugi iyi kos kĭm lenūwi nevīēves iran Novsūromon Itement; ĭm ugi iyi kos kĭm lanūwi nevīĭndi iranda ōveteme, mori Nōbū yemumpi irora ra safi eni iyi pe iyi:

¹⁰ umamne ūnugon siteven nam nevīeves ĭm nam nevīĭndi. Ravūsĭēme, imosū tawi aremī sugkū.

¹¹ Amamne ra nugon nūĭtokeli hīteven nū aremī ĭm nū nakan kū?

¹² ĭm ravūgsīēme, umampūō ra nē fĭk novūan olĭv, kū dugon olĭv novūan nē fīk? ĭm sugkū, tok tawi faneteme woretepūgi nū aremī.

¹³ Mē iyi mori irami nointanwi ĭm numpun nelekon? aremī iyi osesi ugi netavarū aremī isen ōvun numpūrak isen ugi nemolsep ĭm noĭntanwives.

¹⁴ Kō nagkū umante irami narakar nakanwi ĭm nesesaū ūnōwami, ūtū avos ugi ĭm ūtūwamlī ra nam nam ĭtnesog.

¹⁵ Im imo nelekon tawi nelekon mori umamne marugi imelūō, kō oti sugkū ra nemap, ĭm sugkū nilasiviensat, numpūrahĭndi wokon.

¹⁶ Popōwo iye mori umante narakar ĭm neseaū, umante vūi sugkū neyompeli ĭm ovun numpi ūr omwisū.

¹⁷ Kō nelekon mori umamne marugi pokop oti sentevives mampum, penūri iyi ninparata ĭm nemolsep, umandigi pe itnum, ĭm ūvwarugi nelĭntugi ĭm umamampūō ugi nowan aremī, ĭm tawi tarūtaru isen, ĭm tawi nimpiri.

¹⁸ Im umnowi ra nimparata novwan tanepoves nisekonda mori umnumpi ninparata.