Tītus 3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Enūwi aremī punora woresesieves iranda ovatemonok, ĭm woralekoleki ōvun nam isenda ōveteme horog, mori ūmanūwi nam alam,

² ĭm woretavesves worūmpūrak ra ōvun numpūrak aremī omwisū, woretūnūwi nam ūr iran sī kū sī neteme, woretūwaūor, worete nemolsep, moĭmsesieves aremī iranda ōveteme omwisū.

³ Popōwo kos kĭm lete etūwi ōvun numgi, ōvun sendoekiye, dūmūmpīriwugkos, ĭm torugat iranda ōvun nakiugi ūr ĭm ōvun navos ra nemap, ĭm kos ĭm lumpi nakan ĭm norĭgisat, ōvun nokesi sat, ĭm mūspen nakan pugkos pe kos.

⁴ Kō pol sugkū yemumpi netevarū aremi isen Nōbū Nēyōwara enugkos, ĭm nelintugi isen nisekon neteme yemetūratumpene,

⁵ kō tawi popōwo numpūrak tanepo enugkos, mori kos kĭm lumpi pe kos, kō popōwo ugi ĭtemas-paū isen yemumkosēyōwara ugi norowugi umesendumsives ĭm ugi numpi ĭtevaū ugi Naviat

⁶ Tumpora, mori yemwosilegi ugi tamas irant ugi Iesū Kristo Nēyōwara enugkos;

⁷ ma, popōwo yemumpi kos tanepo ugi ĭtemas-paū isen, kos kel ete ovunyan isen ĭm lentevetūwi nomurep ūvrūni.

⁸ Nam ĭtnesog imo, ĭm ugi imo sū siame yakum nakiugi ma kosūlives ugi dan sū, ma sugkū irora mori dūmūtavniri ra Nōbū, wafinte aremī worumpūrak ra imo sū aremī indowi. Imo sū siame oti aremī nisekonda ōveteme mirora wampi nipmi ugi:

⁹ kō owi nam nĭndewavū, ĭm nam ugi ninda ōvun ūvūmle, ĭm ōvun nesesaū, im naūwor ugi nam alam; popōwo irora ūtū wonumpi aremi, im irora nindewavū.

¹⁰ Enūwi nempugon endūrū pugi neteme umnatipotnin naūwor, nagkū entawi, owi;

¹¹ popōwo kokilives ma sī neteme sugkū omentorileki, umnumpi sat, it nowan isen iyi umaspen nūrian iran.

¹² Pol sugkū ya ontamūli Artemas, kū Tikikus punok, atekisah worevelum poyaū Nikopolis: popōwo ya magkū ya antindowi yūi ra nakas.

¹³ Kontori Sinas neteme umesūli nam alam ĭm Apolos ra navan enirora aremī, ĭm ma irora ūtūwante norumkora ugi sī entie sī.

¹⁴ Im tavsokonda ravetsīēme soret kĭk ma irora wonatekisah worumpūrah numpūrah aremī nisekonda ōveteme, memagkū irora worenug.

¹⁵ Irora sū ūmante dal yaū ūmagkū kĭk-e-pau mori ūmnelĭntugkam ran tavniri. Itemas-paū pugkūm omwisū.