Tītus 2 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Kō enūwi kĭk siame aremī nimsin nam tavsogi nugko ĭm tanepo:

² memagkū ōveteme talam wafinte aremē netevarū aremī, monumpi aremī, nelekon nugko ūnōwanda, ĭtnesog ran tavniri, ra nelintugi ĭm nemolsep:

³ ĭm ovasiven talam sugkū wantetevin ĭm sesieves ra netevarū, tawi ōvun tavūntan ĭm sompeli win, ōvun tavsogi aremī ra imo sū aremī;

⁴ ma irora wontavsokonda ovasiven ōvun ĭtumpūkoneme worelintokonda ōvun rasūwondeme, worelĭntokonda ovunyan isenda, worete nemolsep aremī ūnōwanda,

⁵ sentevives, ōvun torugat ra nete enirora, ōvun nelintugi woralekoleki nam eni rasūwondeme, ma ūtū wanūwi nam sat ra nam eni Nōbū:

⁶ tavsokonda ōviarep sugkū worete nugko ĭm aremī ūnōwanda:

⁷ ra siame sū kĭk antin safi ra ōvun numpūrak aremī omwisū kosesi aremī ran tavsogi ra nam tanepo omwisū enugkĭk,

⁸ nōĭntawi, nam nugko, nugkugko woramtugi; ma irora mori umesendoekiye wonarumprum, popōwo tawi sī sie si ūr irant worenūwi.

⁹ Enūavsokonda ōvun torugat woralekoleki ōvun narisah enirora ĭm worumpalugi nisekonda ra ōvun siame sū;

¹⁰ irora ūtū wosendoekiye iranda; mūtū onomprok, kō wonumpi tanepo omwisū aremī; ma irora wanūwi narigi tavsogi isen Nōbū Nēyōwara enugkos ugi irora ran tiame sū omwisū.

¹¹ Popōwo okevelum ĭtemas-paū eni Nōbū memorioki nēyōwara punora

¹² ōveteme omwisū, ūmen tavsogkos, memagkū, ma kos kel aūwi ōvun satindi ĭm lasivien sat ra nemap ĭm lenumpi tanepo ĭm nemolsep ĭm sesieves aremī ugi Nōbū ra imo nemap;

¹³ nōĭmtevetūwi nevīēves mori ĭm netūratumpene ra nilasilasiwi eni Nōbū nūsian aremī ĭm Iesū Krĭstō Nēyōwara enugkos;

¹⁴ iyi mori yespentenimpe iyi nisekont, ma iyi amkosēyōwara marugi ōvun sat sū omwisū, ĭm sendomsi sentevives sī netevokontū nisekon, mori ūmnatekisah ra ōvun numpurak aremī.

¹⁵ Tavsogi ĭmo siame, ĭm sūlives punora ōveteme mū yevora, ugi horogesah omwisū. Efinte ma tawi sī neteme agesok sat.