Tītus 1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Pol livsaū eni Nōbū ĭm apostol eni Iesū Krĭstō, popōwo ugi tavniri enirora ōveteme tampoli eni Nōbū, ugi sesie ra Nōbū, ĭm ugin tavniri ugi nomūrep ūvrūni,

² mori Nōbū mori umanūwi nam ĭtnesog wokon, yemenūwi ugi pe ra nempugon mori tawi nemap;

³ kō ra ōvun nempugon isen yemenū-atokeli nam isen ra nempasewugi, mori dūmūtipe nisekūg sugkū nam alam eni Nōbū Nēyōwara enugkos;

⁴ pugi Tītus netūg ĭtnesog, sugkū ugin tavniri enugkos omwisū: Itemas-paū ĭm ninparata marugi Nōbū Itement ĭm Iesū Krĭstō Novsūromon enugkos.

⁵ Im popōwo pe sugkū yaū mowi kĭk Krit, ma kĭk konumpi nugko siame mori dūtūkompen, mantipe ōvun elder ra ōvun nūrū nĭmote sū, sugkū yaū ĭmpasiwugkĭk ugi;

⁶ nagkū sī neteme ĭm nam numpūvsok aremī ugi iyi, retepon sīteyen wokon, ĭm ovunyan isen ōvun tavniri, ĭm tawi nam iranda ugi nelevokevat kū ugi nesesaū.

⁷ Popōwo ĭtnesog iyi mori bĭsop anti neteme tanepo wokon tawi nam iran, sugkū neteme nefinte eni Nōbū; tawi ugi nowan nugkugko, otūm nakan itnum, tawi neyōĭmpele, tawi otū tī neteme, otūm nelintugi noete;

⁸ kō umnavgunora ōveteme, umnelintokonda ōveteme aremī, umantindowi aremī ran tavniri tanepo, tumpora, umesompat nakiugi ūr isen;

⁹ ĭm worete ūnam ra nam tavniri sugkū dūmūtavsogi iyi ugi antin faneteme woresūlives ra nam aremī, ĭm woramtekonda ōvun sendoekiye.

¹⁰ Popōwo umante sikat ōveteme sendoekiye, umanūwi sebet-nam ōvun nimpiri, ĭm mōmū tamas irora mori ōveteme mori dūmūvī namon iranda, kō ĭtnesog aremī wasompat nogūnda;

¹¹ irora ovragi mori dūmūtalepasi tavniri isenda ra ōvun temne sikat, dūmūtavsogi tiame tawi aremī, memagkū irora wampi ugi nōēte ūr.

¹² Sī ra irora, sī profet isenda, yemenūwi ugi irora memokū, Irora ōveteme Krit ōvun namli indowi, ōvun nurah ĭtokoveti, ūtūm numpurak tawi, ōvun tampeli nevag. Imo nam ĭtnesog.

¹³ Popōwo pe sugkū ūyevora nugkugko, ma irora wante faneteme ran tavniri;

¹⁴ ūtūm mandigi sebet-nam ugi siame etūwī isenda lō Yūdia, ĭm ōvun nam alam enirora ōveteme mori ūmnelani nam ĭtnesog.

¹⁵ Ovun sentevives ūmentarū sentevives wokon ūnōwanda: kō irora mori nelilūo ūnōwanda ūmentarū nelilūo iran siame sū omwisū; kō nowanda ĭm tarū isenda ūr ĭm tokoveki wokon. Irora ūmagkū irora ūmagkili Nōbū;

¹⁶ kō ra numpūrak enirora irora umesendoekiye iran, irora ōvun ĭtokoveki wokon, ʼmōvun nareki nam, ĭm ūmnĭmrū wokon ra ōvun numpūrak aremi omwisū.