Teselonia 3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im ya magkū, ravugsieme, ūfwaki nisekūg, ma nam eni Novsūromon onaloves mōĭmnarĭgi ugi, sugkū umante ugi pe dal kĭmi;

² ĭm ma antin afinte yaū marokonda oveteme nugkugko mōvun narekisat; popōwo ōveteme omwisū tawi ōvun tavniri.

³ Kō Novsūromon oti tanepo, miyi onumpi kĭmi woreti horog ra nam, mōmefinte kĭmi marugi netemĭndi mori.

⁴ Im yakum tavniri ra Novsūromon ugi kĭmi, memagkū, kĭmi umnumpi siame yaū menūwi ugi pugkūm ĭm ma kĭmi kwonnumpi sugkū.

⁵ Im aremī Novsūromon onesitū irami, ma kwonelĭntugi Nōbū ūnōwami, mōmūte ugi nemolsep ūnōwami eni Krĭstō.

⁶ Im, ravūgsīēme, yakum manūwi ugi nam horog pugkūm, ra nin eni Iesū Krĭstō Novsūromon enugkos, ma kwante isūt kĭmi marokonda raveteme mori ĭt ōr ĭm nagkū numpūrak enirora, ĭm tawi sugkū nam alam mori dūmūvī marokoyaū.

⁷ Popōwo kĭmi kūmagkili magkū aremī kwonumpi kĭmi sugkū safi enyaū: popōwo yaū metūte ugi neyompele kū netevarū ūr dal kĭmi;

⁸ ĭm yaū metūoni wokon nevag eni sī neteme, tawi, kō ugi nesorū ĭm nagelaū yaū ĭm mumpūrak dan ĭm būmrok, ma ya otū onĭlasewoni iran mē sī irami:

⁹ ĭm tawi popōwo tawi enyaū worevi, popōwo ĭt oti tanepo worovoyaū, kō ma ya anti safi nisekomi, ma kĭmi kwonumpi sugkū.

¹⁰ Popōwo pol sugkū yaū mete dal kĭmi, yaū menūwi nam horog pugkūm memokū, Nagkū sī kū sī onĭmrū ugi numpūrak, iyi otū oneni nevag, tawi.

¹¹ Popōwo yaū morĭgi ugi nugkon umante dal kĭmi mirora umnumpi neyompele, mūtūm numpūrak, tawi Indowi, kō irora ūmnumpi ūr ugi sebet nam enirora dan sū.

¹² Kō yakum manūwi punora mori ūmnumpi sugkū, memeyevora ra Iesū Krĭstō Novsūromon, ma irora wanteteven menumpūrak, meneni nevag enirora.

¹³ Kō, ravūgsīēme, ūtūte ugi netromoro kĭmi ra numpurak aremī.

¹⁴ Im nagkū sī otū onalekoleki nam enyaū ra imo netiyi, ūkili neteme mori, mūtūte botipot iyi mūtū ovovū dal, ma sugkū iyi onarumprum.

¹⁵ Kō ūtokū iyi novsin nakan enugkimi, kō ūyevi iyi mūsūlives pugi sugkū rapmūsī.

¹⁶ Im iyi Novsūromon ninparata ampugkūm ninparata dan sū ra siame sū. Novsūromon antemante dal kĭmi omwisū.

¹⁷ Nimpasewugi enyaū Pol ugi nokovūg yaū, imo safi ra ōvun netiyi omwisū; yakum netiyi sugku. Itemaspaū eni Iesū Krĭsto Novsūromon enugkos pugkum omwisū.