Teselonia 1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Pol, ĭm Silvanus, ĭm Tĭmote, punora nilpon sī lō tumpora Teselonia ra Nōbū Itement, ĭm Iesū Krĭstō Novsuromon;

² Itemas-paū pugkum ĭm ninparata marugi Nōbū Itement, ĭm Iesū Krĭstō Novsūromon.

³ It oti aremī, ravūgsīēme, ma ya onumpalugi pugi Nōbū dan sū nisekomi, ĭm imo tanepo, popōwo umnalam tamas tavniri enugkĭmi, ĭm nelintugi enugkimi omwisū umintandamsah;

⁴ ĭm popōwo yakum manuwi kĭmi ugi navos punora nilpon sī lō eni Nōbū popōwo ugi ratevetūwi ĭm tavniri enugkimi ra ōvun nugkugko ĭm ōvun norĭgumpūnū kĭmi kūmūvī;

⁵ ĭt imo woresesi netevarū nugko eni Nōbū; ma sugkū kĭmi kwante aremī worevi lō eni Nōbū,

⁶ mori kĭmi kūm mandegi nesorū ugi ĭt nagkū sugkū tanepo eni Nōbū worūrian tampenum iranda ūmnumpi nesesaū irami,

⁷ ĭm nisekomi mori kūmūvī nesorū nemindog dal yaū, pol sugkū Iesū Novsūromon antūratumpene marugi pokop dal ōvun nagelo horog isen ugi nom,

⁸ worumpi nurian naraki iranda ūtū magkili Nōbū, ĭm iranda mori ūtūm alekoleki nam navosavos eni Iesū Novsūromon enugkos:

⁹ mori wonūrian iranda, ĭm wontafugi irora indowi marugi nipmi eni Novsūromon ĭm marugi narigi ra horog isen,

¹⁰ pol sugkū iyi ampelum worevi nilasilaswi ugi ōveteme aremi isen, ĭm onavlugi iyi ugi irorasū mori dūmū tavniri (popōwo kūm mūtavniri nam ya osūli pugkūm).

¹¹ Popōwo pe sugkū yakum nufwaki dan sū nisekomi, ma Nōbū agkū kĭmi aremī ugi imo mori dumamperugkūm ugi, mōmovugkūm numpurak tavniri omwisū aremī, ugi horog;

¹² sia onumpi nilasilaswi nin eni Iesū Novsūromon enugkos ugi kūmi, ĭm kĭmi ugi iyi, ugi itemas paū eni Nōbū ĭm Iesū Kristo Novsuromon enugkos.