Netiyi Eni Pol Apostol Punora Oveteme Rom 9 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Yakum manūwi nam itnesog ra Krĭstō, ya otū manūwi namli, ĭm nōwug amumpūvsok irag ugi Naviat Tumpora,

² ma yakum mandegi norĭgumpūnū horog ĭm nesorū dan sū ūnowag.

³ Popōwo ya magkū aremī anti neworapatevi irag popōwo ugi nelintugi enyaū nisekonda ravugsieme, ōvun numpūnarag ra nokolisirag: irora oveteme Isrēel;

⁴ ōvun netnime eni Nōbū, umante tovun ora nilara, im netiyi tumpora, ĭm nam alam dūmūvun ora, ĭm nufwaki iran, ĭm nam neyeviwos;

⁵ dūmūvelum morokonda ōvun ĭtīseme, ĭm iyi Krĭstō yemne iranda ugi nokolisiran, iyi mori umentantevakepe ra siame omwisū, Nōbū itnesog nevīevēs ūvum nevi sū ĭndowi. Amen.

⁶ Kō tawi sugkū nagkū nam eni Nōbū yemyevia. Popōwo tawi irora ōvun Isrēel, mori dūmne ra Isrēel:

⁷ ĭm tawi irora sū ōvun netnime eni Ebraham mori dūmne ra iyi: kō, yetūnūwi memokū, Wanatovninda ōvun netnime ra Isak.

⁸ Im tawi irora ōvun netnime eni Nōbū dūmumprokomol ugi fanda ra sī; kō umagkū irora ōvun novsin mori dūmūyeviwos ugi irora.

⁹ Im nam niyeviwos oti imo, Sugkū ra nempugon dūmūtipe ya ampelum, ĭm Sēra ampi netni ĭtnateman.

¹⁰ Im tawi imo wokon; kō Rebeka wontantekompo ugi Isak pe nokowo ĭtement ——

¹¹ popōwo pol sugkū ovunyan dūtū umprokomol lap, ĭm tawi dūtū umpi sī sie sī aremī ku ūr, ma tarū eni Nōbū ante ūnam ugi tampoli isen,

¹² tawi ugi numpūrak, kō ugi iyi yemovrokonda ugi tampoli, yetin enūwi pugi. Itnetemefi ontorgat iran ĭtevirok.

¹³ Sugkū dūmūtĭyi, yaum nelintugi Yēkob, kō ya okesi sat Iso.

¹⁴ Kos kel anūwi sie? Sī sie sī eni Nōbū tawi tanepo kū?

¹⁵ Eyi tawi sugkū. Popōwo vemenūwi pugi Moses, ya osemsempari iran iyi mori ya magkū ya osemsempari iran, ĭm ya onelĭntugi iran iyi mori ya magkū ya onelintugi.

¹⁶ Popōwo pe tawi ugi iyi mori umnakĭugi, kū ugi iyi umnaloves, kō ugi Nōbū yemelintugi.

¹⁷ Im dūmūtiyi pugi Fēro, yaū ya okotorok ugi imo wokon, ma ya osesi ugi iram horog enyaū, ĭm ma atĭn torenūwi nin enyaū ra nemap omwisū.

¹⁸ Popōwo pe iyi umnelĭntugi mē mē iyi umagkū ugi,

¹⁹ ĭm iyi unumpi nugkugko nowan eni mē mē iyi umagkū ugi.

²⁰ Kĭk anūwi poyaū ugi imo, Irasie iyi umiveyi sī? Popōwo mē umesompat nam isen? Eyi atepū kĭk neteme. Kĭk mē sī ko tamsie pugi Nōbū?

²¹ Nūrah mori dūmumpi anūwi pugi iyi yemumpi memokū, Irasie kĭm mumpi yaū sugkū imo? Kū neteme mori umnumpi ōvun pot kū sī ōvun vesel ugi nĭvlugkon nemap siteven, tawi tantevakepe ra navivon tan nemap worumpi sī nurah aremī, ĭm sī nurah ūr?

²² Im nagku Nōbū yemokū iyi osesi naraki isen iyi, ĭm worenūatumpeni horog isen, yemelintugi nempugon tantop iranda ōvun nūrah (vesel) umnakan pun ora dūmūtipe irora nimsin woretavtiti:

²³ ĭm ma iyi anūatumpeni siame horog nilasewi aremī wokon isen iranda ōvun nurah yemelintugi, mori yipmovūm mumpi nimsin nilasewi, kos pe nokowo,

²⁴ mri yemovrugkos sugkū, tawi marugi ōveteme Yūdia wokon, kō morokonda ōvun Yentīĭlĭs?

²⁵ Sugkū yemetiyi ra Hosea, Ya anūwora oveteme enyaū, mori dūtūte oveteme enyaū. Im iyi mori umnelintugi ugi, mori yetūte nelintugi. Im ya nelintugi iyi Nasiven, mori yaū metū elintugi.

²⁶ Im anti sugkū, ma ra nūrū mori dūmūnūwi pun ora. Kĭmi tawi oveteme enyaū, Yūi wonatovninda ōvun netni ĭtnateman, isen Nōbū nomūrep.

²⁷ Im Isea yemenūwi ugi irora lō Isrēel memokū, Nagkū wasepi netnime Isrēel tamas sugkū narevin ran telugon tok kō wamkorēyōwara nilpon sī vilek wokon, tawi sikat:

²⁸ popōwo onakompeli imo numpūrak itnum, moĭmsompat marimago ugi tanepo: popōwo Iēhōva onūrian iran nemap ire ugi nugkugko domo.

²⁹ Im sugkū Isēa yepmenūwi memokū, Nagkū Novsūromon Tantevakepe yetūwi nugkon novsin soret nisekont, Petepū irant sugkū Sodom, mūmūte nisekont sugkū yetepū ra Komora.

³⁰ Kos kel anūwi sie ugi imo? Ma ōvun nelebokevat, mori dūtūri tanepo ra netevarū enirora, kō dūmūvĭ tanepo iranda, pe tanepo mori ra tavniri:

³¹ kō lō Isrēel, dūmokū worūri nam alam tanepo worevi tanepo ugi, dūtūvī. Im popōwo irasie?

³² Popōwo dūtūesorugi ugi tavniri, kō sugkū sū ugi ōvun numpi enirora ra nam alam popōwo dūmūtakeli ra imo nevat ĭtakeli;

³³ sugkū dūmūtĭyi memokū, Pah yakum mantine ra Sīon sī nevat ĭtakeli ĭm vetūnam okosĭndi: Im sī kū sī mori ontavnirigi iran otū onarumprum.