Netiyi Eni Pol Apostol Punora Oveteme Rom 5 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im popōwo umagkū kos ōvun tanepo ugi tavniri, aremī ko kel umpi irant nĭnparta eni Nōbū ugi Iesū Kristo Novsūromon enugkos;

² mugi iyi ko kel lentorĭmpe ugi tavniri ra itemas mori ko kel evī, memavos memtavetūwi ugi nilasilaswi eni Nōbū.

³ Im tawi imo wokon, kō aremi ko kel lenavos ūg norĭgumpūnū enugkos, popōwo ko kem lagkili ma norĭgumpūnū umnumpi nemolsep:

⁴ ĭm nemolsep nokili; ĭm nokili tevetūwi nakiugi:

⁵ ĭm tawi otū ampī narumprum ugi tevetūwi; popōwo nowant ūmovwarugi naviat eni Nōbū ugi Naviat Tumpora dūmūvugkos.

⁶ Popōwo pol sugkū kos kem leti ōvun netromoro itnesog Krĭstō yimas, ra nempugon dūmūnūwi ugi, nisekonda ōvun narekisat.

⁷ Tawi sī umagkū iyi amas woretampenum iran neteme mori tanepo netevani isen: kō nĭgī nisekon neteme aremī nugkon sī ontapmi woreti nemas woresitū iran.

⁸ Kō Nōbū yemsesi nilentugi isen iyi pugkos, memagkū (ugi imo), pol sugkū kos kem leti ōvun narekisat, Krĭstō yimas nisekont.

⁹ Im ĭtnesog sugkū, nagku marima kos ōvun tanepo popōwo ugi de isen, anti semsempari irant marugi naraki eni Nōbū ugi iyi.

¹⁰ Im nagku, pol sugkū kos kem leti novsin nakan, yetin toro kos pugi Nōbū ugi nemas eni Netni isen, mōmūgo sugkū, nagkū yemtoro kos, wumkosēyōwara ugi nomurep isen;

¹¹ ĭm tawi imo wokon, kō kos kem linavos ra Nōbū ugi Iesū Krĭstō Novsūromon soret, mori kos kem levī marugi iyi mori imo nemolsep (tovūne Nōbū).

¹² Im popōwo pe sugkū, nemas yivelum ra nemap ugi neteme siteven, ĭm nemas popōwo ugi sat; ĭm sugkū, nemas yemekopelĭgi ōveteme omwisū, popōwo omwisū dūmumpi sat:—popōwo mafeli nam alam sat yemeti ra nemap:

¹³ kō otū asepi sat nagkū tawi nam alam.

¹⁴ Kō nemas yimne mafeli ra Adam mafeli ra Moses, miranda mori sugkū dūtū umpi sat sugkū sendoi ye eni Adam, mori sī safi eni iyi dūmokū ampelum.

¹⁵ Kō tawi sugkū sat mori, sugkū Itemas paū. Pot nagku ugi sat eni neteme siteven dūmas ōveteme sikat, mōmūgo tamas ĭtemas paū eni Nōbū ĭm nelintugi ugi ĭtemas paū eni neteme siteven, Iesū Krĭstō, okampelĭgi iranda ōveteme sikat.

¹⁶ Im tawi sugkū ugi neteme sīteven yemumpi sat, sugkū yivelum ĭtemas paū: popōwo nūrian yivelum ugi neteme sīteven pugi noworepatevi, kō itemas paū yivelum ugi sat sū sikat ma otū onūrian.

¹⁷ Pot nagku, ugi sat eni sī, yemyetĭndowi nemas popōwo ugi sī; mōmūgo nisekonda umampi ĭtemas paū horog ĭm ĭtemas paū tanepo ugi wamūrep aremi ugi sī, mori Iesū Krĭstō.

¹⁸ Popōwo pe sugkū ugi sat siteven nūrian yivelum iranda ōveteme omwisū tcvūne nowarepatevi; ĭm sugkū ugi numpūrak sĭteven tanepoves ĭtemas paū yivelum pun ora oveteme omwisū tovūne tanepoves ra nomurep.

¹⁹ Im popōwo ugi sendoeke eni neteme sīteven satĭndi yemekopelĭgi oveteme sikat, ĭm sugkū ugi nalekoleki eni neteme sīteven wanti tanepo ōveteme sikat.

²⁰ Im nam alam yivelum, ma sat ante sikat; kō yei sat yemtandamsah, ĭtemas pau mōmū tamas nusian:

²¹ ma sugkū sat yemtantevakepe ra nemas sugkū ontantevakepe itemas paū ugi tanepoves nomurep ūbrūni ra Iesū Krĭsto Novsuromon enugkos.