Netiyi Eni Pol Apostol Punora Oveteme Rom 4 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Tie mōmū ko kelanūwi ugi, ma Ebraham itement, ra netevarū ugi nokolisiran, yivi?

² Pot nagkū Ebraham yeti tanepo ugi nalekoleki nam alam, umante tovuni narigi eni ugi; kō tawi ūnipmi eni Nōbū.

³ Umagkū sie netiyi yemetiyi ugi imo? Im Ebraham yemtavniri iran Nōbū, dūmokū iyi yeti tanepo ugi imo.

⁴ Kō otū magkō nipmi itemas nisekon iyi mori umnalekoleki nam alam, kō sugkū yetū tampenĭgi.

⁵ Kō iyi mori otū umpi sugkū nam alam, kō umentavnirigi iran iyi mori umnumpi tanepo ōvun narekisat ūmagkū tavniri isen umnumpi iyi tanepo ugi.

⁶ Sugkū Dēvid yemenūwi ōvun nevieves iran iyi mori, Nōbū yemokū ugi tanepo,

⁷ ĭm tawi ugi nesitū nam alam, yemokū, Nevieves irora mori otū menūrian satindi enirora, Im irora ūm eyekoieki sat sū enirora.

⁸ Nevīēves iyi mori Iēhōva otū anūwi iran, ugi satindi isen.

⁹ Umanūwi imo nevieves iranda wokon dūmūmpi namon iranda, kū umanūwi iranda sugkū mori dūtū vī namon iranda? popōwo ka kĭm lanūwi ĭm lagkū, Dūmokū ugi tavniri eni Ebraham memagkū tanepo nisekon.

¹⁰ Im nokowo im nigĭ dūmokū iyi tanepo ugi? pol sugkū yivi namon iran, kū nimpugon pol sugkū yetū vī namon iran? Tawi pol sugkū yeti ugi namon iran, kō pol sugkū tawi namon iran: ĭm yivi numpi namon iran sugkū safi,

¹¹ worumpi ūnam tanepoves ugi tavniri isen ra nimpugon yetū vī surkumsisen: ma iyi ante itemenda omwisū dūtū vī surkumsisen, kō dūmū tavnirĭgi;

¹² ma wanūwi memagkū nogko netevarū enirora, ĭm itemenda surkumsisen pun Ora mori ōvun surkumsisen, kō ūmnavan ra nampon ra tavniri mori isen Ebraham itement yemete isen pol sugkū tawi surkumsisen iran.

¹³ Popōwo dūtūnūwi pugi Ebraham, kū pun ora ōvun novsen isen, ma imo ante isen popōwo ugi nam alam, kō ugi tanepoves eni tavniri.

¹⁴ Popōwo nagkū isenda mori ūmentasūwĭ ra nam alam, umnumpi tavniri nam wokon, ĭm otū nekompelĭgi nam ūpmūnūwi.

¹⁵ Popōwo nam alam umnumpi nūrian; kō yei tawi nam alam, tawi nareki nam alam.

¹⁶ Popōwo pe ĭt enirora ugi tavniri, ma ante sugkū, ĭtemas; ma sugkū nievūwos ante unam pun ora ōvun novsen omwisū; tawi pun ora wokon ūmentesūwi ra nam alam, kō pun ora sugkū mori dūmūvī tavniri sugkū tavniri isen Ebraham,

¹⁷ mori ĭtemen enugkos omwisū (sugkū dūmūtĭyi, Ya kumpi kĭk ĭtemenda ōvun lō sikat) ūnĭpmi eni mori yetūnūwi iran, iyi Nōbū, mori umnumpi nomurep ōvun nemas, mō menūwi nam ugi siame umanteumpeni sugkū nagkū dūrnūvī ateumpeni.

¹⁸ Iyi mori yematekisah mimtavnirĭgi isūtitūgo ugi nakiugi isen, ma iyi ante ĭtemenda ōvun lō sikat, sugkū dūmūtīyi ugi memokū, Ante sugkū novsen sorum.

¹⁹ Iyi yemo kili ma nokolisiran tawi torugat kō imo yeti faneteme worumpi netromoro tavniri eni (yeti nevisū iran sugkū wan hunder) kū ugi Sēra, ma iyi yetū umlat kō yemtavetūwi nam nievūwoe eni Nōbū,

²⁰ yeti tavrivri ugi netū tavnirigi, kō popōwo ugi tavniri yematekisah ugi horog,

²¹ memumpi nilasilaswi iran Nōbū, memokili ves ma iyi faneteme worumpi siame mori yemyeviwos ugi.

²² Popōwo pe dūmokū nugko netevani isen popōwo ugi tavniri eni.

²³ Im dūtūnūwī imo nam nisekon iyi wokon, memokū yeti nugko netevarū isen iyi;

²⁴ kō nisekont sugkū, wanūwi magkū nugko netevarū enugkos mori ūmintavniri iran iyi mori yemtori Iesū Novsūromon enugkos marugi nemas,

²⁵ iyi mori dūmū tinimpe sokomulep tīwi ugi sat sū enugkos, ĭm dūmūtori marugi nemas ma kos kel et tanepoyes ugi.