Netiyi Eni Pol Apostol Punora Oveteme Rom 16 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Yakum manūwi aremai iran Fibi vevent pumkūm,

² ĭt iyi lĭvsaū ra nilepon sai lō mori ra Senkria: ma kĭmi kwampai iyi ra Novsūromon, sugkū aremai ugi irora ōvun tanepo, ĭm ma kwonesitū iran kĭmi ra siame omwisū mori umagkū kwon esitū iran ugi: popōwo iyi pe iyi yemesitū iranda oveteme sikat, ĭm yemesitū irag yaū pe sugkū.

³ Unūwi kĭmi nam paū nempasewugi pugi Prĭsilla ĭm Akwila ōvun torugat dal yaū ra Iesū Krĭstō,

⁴ popōwo ugi nomūrep enyaū dūmokū woretasevivoa nomūrep enirora yakum umpalug iranda ĭm ōvun nilepon sai lō tumpora Ityentail sugkū ūmumpalug nisekonda:

⁵ im irora paū nilepon sai lō tumpora mori ran temne enirora. Iyi paū Epinetus avūg sai paū, mori novwan ĭtmampūm ra Esia isen Krĭstō.

⁶ Iyi paū Mēre: mori yemtorugat tamas nisekomi.

⁷ Iyi paū Andronaikus imo Jūnya, ōvun numpūnarig yaū, mori dūmūte ūndū yaū ra mumpon nimo naugkugko, irora ōvun horog, dal ōvun apostol, ĭm irora dūmūte ūndū Krĭstō ugi tavnirigi opmovūm irag.

⁸ Iyi pau Ampliētus, mori umesitū iramam ra Krĭstō,

⁹ ĭm Stēkis avug sai paū sorūg.

¹⁰ Iyi paū Apelles, umagkū iyi aremai ra Krĭstō. Irora paū mori ran temne eni Aristobulus.

¹¹ Iyi paū Herodion numpūnarig. Irora paū ran temne eni Narsissus, irora ūmante ra Novsūromon.

¹² Iyi paū Traifina ĭm Traifosa, mori dūmūtorugat ra Novsūromon. Iyi paū Persis, mori vevenūg aremai, mori yemtorugat tamas ra Novsūromon dan sū.

¹³ Iyi paū Rūfus, ĭt iyi tampoli eni Novsūromon, ĭm dineme isen ĭm enyaū sugkū.

¹⁴ Iyi paū Arsinkritus, ĭm Flikon, ĭm Hermas, ĭm Patrobes, ĭm Hermas, ĭm ravitsaieme ūmante dal irora.

¹⁵ Iyi paū Filolokus, ĭm Jūlia, ĭm Nereus, ĭm veven eni, ĭm Olimpas, ĭm irora sū omwisū ōvun tanepo ūmante dal irora.

¹⁶ Ufielintugkūm kĭmi ugi sūgū tanepo. Ovun nilepon Sai lō eni Krĭstō omwisū ūmagkū kĭmi paū.

¹⁷ Im, ravūgsaieme, yakum nesenugkūm, ufinte netevarū enirora mori ūmnupi sendūekia ĭm tarū sikat ĭm nitakeli, ĭm tawi sugkū nam mori kum urigi mūvai: ĭm torileki morokonda kĭmi.

¹⁸ Popōwo irora mori umnumpi sugkū ūtūm torugat iran Krĭstō Novsūromon enugkos, kō irora ūmuntorugat ra netnint enirora, wokon: ĭm popōwo nam nemolsep nimpiri enirora ūmumpiriwokona nowanda ōvun nemlū.

¹⁹ Popōwo tavnirigi enugkimi umevsor ūniminda ōveteme omwisū. Im popōwo ugi imo yakum avos tamas ugi kĭmi: kō yakum nakaiugi ma kwante nointanwi kĭmi ugi ima mori tiame aremai, kō ōvun nemlū netūkili pugi siame ūr.

²⁰ Im Nōbū ninparata ontasoso Sētan marima ra mumpon nowomi kĭmi. Itemas paū eni Iesū Krĭstō Novsūromon ante mante dal kĭmi.

²¹ Timote mori umentorugat ūndū yaū, emagkū, kĭmi paū; ĭm Lūsyus, ĭm Jēson, ĭm Sosipater ōvun numpūnarig.

²² Yaū Tertius, yaū mori yakum netaiyi imo netaiyi, ya magkū kĭmi paū ra Novsūromon.

²³ Kēus mori umafinte yaū ugi nevag ĭm umfinte sugkū ugi nevag nilepon sai lō tumpora omwisū, emagkū, kĭmi paū. Erastus, mori tresurer ra Sĭti, emagkū, kĭmi paū, ĭm Kwartus avitsai sugkū.

²⁴ Wante mante dal kĭmi omwisū ĭtemas paū eni Iesū Krĭstō Novsūromon enugkos. Amen.

²⁵ Im pugi iyi mori faneteme worumpi kĭmi ūnam sugkū nam navosavos enyaū ĭm nam umumtorenū-wisah eni Iesū Krĭstō, sugkū ugi nenuatumpeni ra atiumpeni mori yetin afinte ugi neseni natepū ugi ra ōvun nempugon indowi,

²⁶ kō ra nempugon marima umantūratumpeni, ĭm ugi netaiyi tumpora enirora ōvun profet, sugkū ugi nam alam isen Nōbū ūnam indowi, ĭm otin sūli pun ora ōvun lō sū omwisū, pugi nalekoleki ra tavnirigi; pugi iyi Nōbū nelekon saiteven wokon, marugi Iesū Krĭstō, pugi iyi ante mante nilasilasewi ūvūm nevisū. Amen.