Netiyi Eni Pol Apostol Punora Oveteme Rom 14 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Uvī iyi mori mōmū virok lap tavniri isen, kō ūtū vī ma iyi anūwi nam ra ōvun nam mori umentarūtarū ugi.

² Sī neteme ūmagkū aremī ōvun nevag omwisū; kō sī umandromoro ugi ōvun nevag kō umneni wokon tampele mōvun nugkelin nē umnumpūteugi.

³ Iyi mori umneni otū agesi sat iyi mori otūmneni; ĭm iyi mori otūmneni iyi otū tarū tarū iran iyi mori umneni: popōwo Nōbū yivi sū iyi.

⁴ Kĭk mē kĭm nūrian iran lĭvsaū ra nimo neteme sī? iyi pe iyi natemonok isen worenūwi ves iran kū woreyevi. Itnesog, onesesewok iran; popōwo Nōbū fanteme woresitū iran woretūr ūnam.

⁵ Sī neteme umagkū sī dan mōmū aremī (tompora) ran dan sī: kō sīmōmū umagkū aremī ōvun dan omwisū siteven. Aremī oveteme omwisū wagkili aremī ūnōwanda mū tavnirigi.

⁶ Iyi mori umentarū worevi tompora sī dan, umentarūgi ugi pugi Novsūromon: iyi mori umneni, umneni pugi Novsūromon, popōwo iyi umumpalugi ra Nōbū; ĭm iyi otūmneni, otūm neni popōwo ugi Novsūromon, miyi umumpalugi ra Nōbū ugi.

⁷ Tawi sī neteme amūrep ugi iyi pe iyi, ĭm tawi sī anūwi magkū isen iyi nemas isen.

⁸ Popōwo pol sugkū kos kel amūrep, kos kel amūrep pugi Narisah; kū kos kel amas, kos kel amas pugi Narisah; ĭm popōwo pe nagkū kos kel amūrep, kū kos kel amas, kos isen Narisah.

⁹ Popōwo ugi imo pe Kristo, yimas, mōmōmūrep, ma iyi ante Narisah enirora ōvun nemas mōvun nomūrep sugkū.

¹⁰ Kō kĭk, irasie kĭk umnūrian apmisī? ĭm irasie kem agesi sat apmisi? popōwo kos sū kos kel antūr ra potnumpūtūo nūrian eni Nōbū.

¹¹ Popōwo umetiyi, Novsūromon yemenūwi memokū, sugkū nomūrep enyaū, itnesog wonumpūneteren poyaū oveteme omwisū ra nūrū sū, Im irora sū omwisū wanūwi nin eni Nōbū.

¹² Im popōwo pe sugkū kos kelanūatumpeni sat sū enugkos pugi Nōbū, kos sū,

¹³ Aremai kos keletū ūrian irant ūnōwant mōmū indowi: kō mōmū aremai kos kelen tarū memagkū, ma tawi sai neteme antipe woretakeli ra selat eni avin sai isen,

¹⁴ kū sie sai woretori naugkū iyi. Yakūm magkili aremai ūnōwag ra Iesū Novsūromon, magkū tawi nililūwo sie sai iyi pe iyi: kō pugi iyi mori wokon umagkū ugi memagkū, it ūr sie sai sai,

¹⁵ ĭtnesog it oti nililūwo nisekon iyi pe iyi. Popōwo nagku apmi sai umnesorū ūnōwan ugi sai nevag kĭk umneni, itnesog tawi nelintugi enugkĭk. Etū umpi woretori naugkū sai mē sai ugi nevag kĭk umneni,

¹⁶ iyi mori Krĭstō yimas nisekon. Aremai efinte ma ūtū faneteme woretavūntan ra numpūrak aremai enugkĭk:

¹⁷ popōwo tanepo eni lō eni Nōbū tawi woreni (nevag) ĭm woremoneki, kō tanepoves ĭm ninparata ĭm navosavos ra Naviat Tumpora.

¹⁸ Popōwo iyi mori umentorugat iran Krĭstō sugkū imo ūnipalug ūnipmi Nōbū, ĭm umanuwi aremai ugi oveteme.

¹⁹ Popōwo pe aremai kos kelenumpi tiame imo sū umnumpi ninparata ugi,

²⁰ ĭm tiame mori ūmnesitū nōwant kos pe kos. Utū talepasi ōvun numpūrak eni Nōbū popōwo ugi nevag isenda oveteme. Tiame sū oti sentevives; kō itnesog ĭt ūr nisekon iyi mori umneni memokesi sat ugi.

²¹ It aremai iram woretū oni nelat, kū

²² woremoneki wain nagkū kim mumpi woretakeli iran apmi sai. Tavniri mori kĭk okevai, aremai afinte nisekom kĭk ūnipmi Nōbū. Aremai nisekon iyi mori otūm nūrian iran iyi pe iyi ugi imo mori iyi umagkū ugi umagkū, aremai.

²³ Kō iyi mori umneni sie sai mō menūrian iran iyi ugi tarū tarū umnoworepatevi, popōwo yetū oni ugi tavniri: ĭm tiame sū mori tawi ugi tavniri oti sat.