Netiyi Eni Pol Apostol Punora Oveteme Rom 13 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Aremī oveteme omwisū wosendiokives ōveteme umnare iranda: popōwo ūmante ovatemonok ugi Nōbū wokon;

² ĭm Nōbū yemetipe ōvun horog mōvun lō. Iyi mori umsendoeki ōvun natemonok, umsendoeki nam alam eni Nōbū: ĭm irora mori ūmsendoeki wampī nurian iranda.

³ Popōwo ōvun natemonok nurian ūmnūrian ra siame sat, tawi ra siame aremi. Im nagkū kem nakiugi woretūūmtetokonda ōvun natemonok?

⁴ umpi aremī, ĭm kampi narĭgives ugi pe: po pōwo imo sugkū lĭvsaū eni Nōbū worumpi aremī nisekom. Kō nagkū kumpi siame ūr, emtetugi; popōwo ĭt iyi lĭvsaū eni Nōbū, ĭm worumpi nampon ra naraki iran iyi umnumpi ūr.

⁵ Im popōwo pe aremī kwanteteven momandegora kĭmi, tawi popōwo ugi naraki mori, kō popōwo ugi tarūves ūnōwami sugkū.

⁶ Popōwo pe sugkū kwampun ora woresitu; popōwo irora ōvun lĭvsaū eni Nōbū, mirora umentorugat ra imo siame ĭndowi.

⁷ Uvun ora ōveteme sū enirora ugi tanepo: nesitū punora ĭt isenda ugi itnesog nesitū, nugkon ra siame punora sugkū ĭt enirora ugi netevarū; emtetugi iranda ūmagkū kwamtetokonda; sesie pun ora ūmagkū kwoses eves iranda.

⁸ Utū vī wokon lap sie eni sī neteme kō okompeli, kō ūfielĭntugkūm kĭmi: iyi mori umnelintugi neteme sī umenekompeli aremī nam alam eni Nōbū.

⁹ Popōwo pe ugi imo, Kotū omĭntampalaū, Kotū omĭntalugi, Kōtū omĭnumprok, Kotū akīugi ugi norĭgisat sie, ĭm nagkū umante sī kū sī mōmū nam alam, fan ugi sīteven botibot sugkū imo, memagkū, Konelintugi numpūnaram sugkū kĭk pe kĭk.

¹⁰ Imo nelintugi otū onumpi ūr iran numpūnaram: popōwo pe worelintugi oti nekompelĭgi nam alam.

¹¹ Im sī imo, kĭmi kūmagkili otanepugon sū marima ma kwontūok kĭmi marugi nalēpo: popōwo nēyōwara mo mū botibot ra nĭmpūgon kos kĭmumproko tavnirigi.

¹² Yivia sū pūmrok, umrokorag marima: popōwo pe sugkū aremī kos kelen tafugi ōvun numpūrak nilevokevat, ĭm lĭvakosugi siame tavesves ra nilara.

¹³ Aremī kos kelenavan ra tanepo, sugkū ra navan pūakas; tawi ugi neyompele ĭm namoneki, tawi ugi nilasĭvian ĭm tampalaū, ĭm tawi ra nesesaū ĭm nakiugi norĭgisat.

¹⁴ Kō ūvakūmugi ra Iesū Krĭstō Novsūromon, ĭm kotū mĭntarūgi siame ūnōwami ūr etūwi.