Reveleson 7 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im penūri imo yaū mokes ora ōvun nagelo devat dūmūtūr ra ōvun nevlūtnen nemap devat, ĭm dūmūlekavi ōvun nemetagi ra nemap devat mori, ma tawi sai nemetagi olemsi ra nemap, kū ran tok, kū iran sai nē.

² Im yaū mokesi sai nōmū nagelo isah marugi nūrū mori nipminen umprokesah, ĭm pivai woresompat eni Nōbū nomūrep: ĭm yem asor ugi navian horog pun ora ōvun nagelo devat, mori dūmūvun ora worumpi ūr nemap ĭm tok, yemenūwi,

³ memokū ūtū umpi ūr remap, kū tok, kū ōvun nē, mafeli nempugon pol sugkū wosafi ōvun levsaū eni Nōbū enugkos ra nafinen eneirora.

⁴ Im yaū morigi deve mori dūmūtipe safi iranda, mori wan hunred ĭm forti-for taūsan, mori dūmūtipe safi iranda marokonda ōvun safūtasū enirora ōvun netnimi Isrēel.

⁵ Ra Savetasū Yūda dūmūsafi twel taūsan: Ra Savetasū Rūben twel taūsan: Ra Savetasū Kad twel taūsan:

⁶ Ra Savetasū Aser twel taūsan: Ra Savetasū Naftalai twel taūsan: Ra Savetasū Manasa twel taūsan:

⁷ Ra Savetasū Simeon twel taūson: Ra Savetasū Livai twel taūsan: Ra Savetasū Isakar twel taūsan:

⁸ Ra Savetasū Sebūlon twel taūsan: Ra Savetasū Yosep twel taūsan: Ra Savetasū Benjamin dūmūsafi twel taūsan.

⁹ Im penūri imo sū tiame yaū mokesi, ĭm pah, sai semsimak ōveteme tamas wokon, tawi sai neteme faneteme worespi irora, dūmne morugi ōvun lō, ĭm marugi savetasū, ĭm marugi ōveteme ra ōvun nam sū, ĭm irora dūmūtūr ūnipmi potnumpūtūō ĭm ūnipmi Lam, ĭm irora dūmūvaiugi iranda nemas nataūsep nesebo, ĭm dūmūvai nugklen pam ra nokovenda,

¹⁰ Im irora ūmasor ugi navianda horog, mūmūnūwi, mūmagkū umamne Neyōwara marugi Nōbū enugkos mori umatesep ra potnumpūtūō, ĭm pugi Lam.

¹¹ Im ōvun nagelo dūmutūr magkaū ugi potnumpūtūō, ĭm ōvun elder ĭm ōvun nūrū nomūrep devat mori; ĭm dūmomol ra neminda ra nemap ūnipmi potnumpūtūō, ĭm dūmōtevita ra Nōbū,

¹² mūmūūnūwi, mūmoku, Amen: Nevaieves, ĭm nilasilaswi, ĭm nointanwi, ĭm umpalug, ĭm sesie, ĭm horog, ĭm narigi wanti manti pugi, Nōbū enugkos ūvūm nevisū indowi indowi, Amen.

¹³ Im sai ra irora ōvun elder yemtamsi memenūwi po yaū, memokū, Irora mē mori ūmnevaingi irora ra ōvun nemas nataūsep nesebo, ĭm irora dūmnea?

¹⁴ Im yaū menūwipugi, Narisah, kĭk emagkili. Im iyi yemenūwi poyaū, memokū, Imo irora mori dūmūvelum marugi norigumpūnū tamas, ĭm irora dūmūsentivi ōvun nemas naūtaūsep enirora, ĭm dūmūsentivi irora ra de eni Lam.

¹⁵ Im popōwo pe sugkū it irora ūnipmi eni potnumpūtūō eni Nōtū, ĭm irora ūmentorugat iran dan ĭm pūmrok ra tempel eni: ĭm iyi mori em antesep ra potnumpūtūō onafiafi iranda ugi nafinte aremai isen.

¹⁶ Im irora ūtū wandigi entemas nempugon saimōmū, mūtū ampiumpnūk nempugon saimōmū; ĭm otū atnor nipminen, ĭm otū umpi nugkugko iranda nen:

¹⁷ popōwo Lam mori ileboteven potnumpūtūō anti shepherd enirora, ĭm iyi ontoror ra ōvun nū itakeli nomūrep: ĭm Nōbū osentevi marugi niminda ōvun nūlipmi omwisū.