Reveleson 4 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im penūri imo tiame, yaū mokesi, ĭm pah sai poketampet ra pokop ĭtaipelah, ĭm yaū morigi nivian, nivian ĭtonampūm, sugkū tovū, yemenūwi poyaū memokū, Sah pelum igko, ĭm ya kosesi pun ok tiame, mori antepū penūri lap.

² Marimago yaū meti ra Naviat Tumpora: ĭm yaū mokesi, ĭm sai potnumpūtūō dūmūtipe ūnpokop, ĭm sai yemetesep ra potnumpūtūō mori;

³ ĭm iyi mori yemetesep iran, yaū mokesi ĭm iyi sugkū nevat mori yasper ĭm sugkū nevat sardius: ĭm yaū mokesi ĭm sai nūmitar magkaūugi potnumpūtūō mori,

⁴ ĭm nōmitar mori, yeti sugkū naviat emerald. Im yeti potnumpūtūō twenti-for magkūwugi potnumpūtūō mori; ĭm ōvun elder twenti-for dūmūtesep ra potnumpūtūō mori, ĭm dūmūvaiugi irora ugi ōvun nemas nesebo; ĭm yemeti ōvun kraūan kold ra numpūnda.

⁵ In yemne marugi potnue-pūtūō torepis ĭm ōvun navian ĭm yowara. Im yeti ūnipmi potnumpūtūō seven lamp sugkū nom yemtūgon, mori, oti ōvun naviat seven eni Nōbū;

⁶ ĭm ūnipmi potnumpūtūō mori, sugkū tok nainaū, sugkū kristal; ĭm ilobotevin potnumpūtūō, ĭm magkaū mevtit iran, ōvun nūrah mamūrep for ĭm niminda sikat ūniminda ĭm kitanda sugkū.

⁷ Im nūrah mori saiugi yeti sugkū laion, ĭm nūrah dūrūgi sugkū kaf, ĭm nūrah devatugi sugkū ūmelekom okepwi umprokokep.

⁸ Im yeti sikis nivlokonda, sai ĭm sai, ōvun nūrah amūrep mori, ĭm sikat niminda ūnisog ĭm agkaūiranda: ĭm tawi sai nemindog enirora dan ĭm pūmrok, kō ūmanūwi indowi, memagkū, Novsūromon Nōbū oti tumpora, tumpora tumpora, iyi Tantevakepe, iyi mori yemete emante ĭm ampelum,

⁹ Im pol sugkū ōvun nūrah amūrep mori wanūwi nilasilaswi ĭm narigi ĭm umpalugi pugi iyi mori emantesep ra potnumpūtūō, pugi iyi mori emamūrep indowi,

¹⁰ wamol ūnipmi isen mori emantesep ra potnumpūtūō ōvun elder twenty-for mori, eni irora wontevita iran iyi mori emamūrep indowi indowi, ĭmirora wontafugi ōvun kraūan isenda ūnipmi potnumpūtūō, mōmenūwi memagkū,

¹¹ Kĭk aremai indowi, Novsuromon enugkanv ĭm Nōbū enugkam, worevai nilasiwi, ĭm narigi ĭm horog: popōwo kĭm mumpi ōvun tiamisū, ĭm popōwo ugi tarū enugkĭk dumumpi irora ĭm irora ūmanti ra nempugon marima sugkū popōwo ugi tarū enugkĭk.