Reveleson 3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im pugi nagelo Sardis konetaiyi momagkū, Yemenūwi, iyi mori umante isen Naviat eni Nōbū seven, ĭm mosi seven, memokū: yaum magkili ōvun numpūrak enugkĭk, ma kĭm magkū kĭm amūrep, kō kĭk kĭm amas.

² Avlis kĭk, mafinte aremai tiame mori umante tovunok, kō yempotipot nemas; popōwo yaū mesorugi metokesi sai numpūrak enugkĭk omwisū aremai ūnipmi Nōbū enyaū. Popōwo pe enteme netevarū enugkĭk polekū kim pai nam aremai ĭm kĭm mūrigi ugi pe; vai aremai ĭm moravsivsi, ĭm torileki ūnōwam omwisū. Pot nagkū kotū avlis, ya ampelum sugkū neteme numprok, ĭm kĭk otū agkili dan kū nugkon dan mori ya ampelum pun ok.

³ Nenteme nokowĭ kĭk kĭmpai nam nem origi; aremai ravsivi, momen uatumpeni ūnōwam. Nagkū kĭk otū woravelis, ya ampelum sugkū neteme numprok, ĭm kotū agkili nempugon mori ya ampelum iram.

⁴ Kō umante dal kĭk ra Sardis nugkon ōveteme tawi sikat mori dūtū umpi ūr nemas isenda ugi satĭ ĭm irora wnoavan dal yaū memevaiugi, nemas nesebo; popōwo irora aremai.

⁵ Iyi moru ummatēkisah wonevaiugi iyi ra nemes nesebo; ĭm ĭtnesog ya otū oiyoiki nin isen marugi netaiyi nomūrep, kō ya anūatumpen nin eni ūnipmi eni Nate enyau, im ūniminda ōvun nagelo isen.

⁶ Iyi mori ĭm telugon eni, aremai iyi andigi se Naviat Tumpora emanūwi pun ora nilepon sai lō tumpora.

⁷ Im pugi nagelo ra nilepon sai lō tumpora Filadelpea konetaiyi, memagkū; Iyi mori tanepo, iyi mori umafinte Ki eni Dēvĭd, iyi umentaipelah ĭm tawi sai waneteme woresompat, mōīm sompat ĭm tawi sai faneteme woretaipelah;

⁸ ya um magkili ōvun numpurak enugkĭk, ya um mantipe unimetemi bukitampet umnovag, ĭm tawi sai faneteme woresompat. Umanti tovunok nugkon torugat virok, ĭm kĭm sendiukives nam emyaū, ĭm kĭmetū enūaveni nin enyaū.

⁹ Urigi, ya ontorora nugkon morokonda mori irora umentevita iran Sētn, ĭm irora ūmagkū irorairora ōveteme Yūdia, kō irora tawi, kō ūmnamlai; ūrigi, ya ontoror pe nokowo, ĭm irora wampelum wonteveta ra pot nowomi ĭm worokili memagkū ya um nelintugkĭk.

¹⁰ Im popōwo kĭm sugkū, ya konafinte kĭk marugi nempugon tapmi, nempugon mori ampelum iranda ōveteme omwisū ra nemap, woretapmi iranda mori ūmante ra nemap.

¹¹ Ya ampelum marima; ravsivsi imo mori kovai, ma tawi ampai kraūan enugkĭk.

¹² Iyi mori umatekisah mōmentantevakepe, ya onumpi iyi woreti sai pĭlar netūrtūr ra nimo tumpora eni Nōbū enyaū, ĭm otū ampe ilat marugi nempugon sai mōmū; ĭm ya onetaiyi iran nin eni Nōbū enyaū, ĭm nin eni sĭti eni Nōbū enyaū, mori Yerūsalem ĭtevaū, mori ampelum marugi ūnpokop marugi Nōbū enyaū, ĭm ya onetaiyi iran nin ĭtevaū enyaū—nin enyaū peyaū.

¹³ Iyi mori im telugon eni aremai iyi andigi sie mori Naviat Tumpora umanūwi punora nilepon sai lō tumpora.

¹⁴ Im pugi nagelo eni nilepon sai lō; tumpora Leodesia konetaiyi memagkū. It anūwi imosū ōvun nam Amen, neteme mori umesūli aremai ĭm tanepo nam, iyi mori yemeti mĭpmovūm iranda ōvun sie mori Nōbū yemumpi; iyi umagkū; ya um magkili ōvun numpūrak enugkĭk, ma kĭk netepont ĭm tawi naūwaū;

¹⁵ ya um nakaiugi ma kĭk netepont kū naūwaū.

¹⁶ Kō popōwo kĭk mōmūgo wokon, ĭm tawi naūwaū kū netepont ya konalawug kĭk marugi nugon enyaū.

¹⁷ Kĭm magkū, yaokevai omwisū, nōēti sorūg tamas, tawi norumkora enyaū, metūkili ma kĭk nililiki, ĭm nasaū, ĭm norumkora, ĭm nimte ĭm navan ewokon:

¹⁸ ya magkū mōmū aremai kampasigi tovun yaū kold umnumpi aremai ra nom, ma kĭk anti neteme nōēti; ĭm nemas nesebo, ma konevakĭkugi, memagkū kotū narumprum ugi nokosiwe navan ewokon enugkĭk; mampai woresoveli nimtom mesoveligi ugi, ma kĭk agesi.

¹⁹ Irora sū mori ya um nelintokonda, ya um mesūli pun ora mūyavora: atekisah tamas kĭk, memenūatokili satindi enugkĭk ĭm paieves nowan.

²⁰ Urigi, ya um mantūr ra negon selat, mementetai: nagkū me sai andigi navig sorūg ĭm taipelah bukitampet, ya ampelum pugi ūnisog, ĭm ya ampag ūndū iyi miyi ūndū yaū.

²¹ Iyi mori umtantevakepe ugi natekisah ra imo nam aremai, ya ampugi iyi woretesep ūndū yaū ra potnumpūtūō enyaū, ra potnumpūtūō isen.

²² Iyi mori ĭm telugon wororigi aremai iyi andigi sie mori Naviat emanūwi pun ora ōvum nilepon sai lōtumpora.