Reveleson 21 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im yaū mokesi sai pokop ĭtevaū ĭm sai nemap ĭtevaū: popōwo pokop ĭtevaū ĭm nemap ĭtevaū dūmūviya sū; ĭm tok pe tawi mōmū.

² Im yaū mokesi, siti tumpora mori Yarūsalem ĭtevaū, yemyep marugi pokop marugi Nōbū, yemtavesves sugkū itnumpūkon umnevaiugi iyi ra nempokelah nisekon asūon.

³ Im yaū morigi sai navian horog marugi potnumpūtūwo, yemenūwi memokū, ĭtnesog, mimo tumpora eni Nōbū ūmante dal ōveteme, miyi antindowi dal irora, ĭm irora wante ōveteme ison, ĭm iyi pe iyi Nōbū antindowi dal irora, miyi ante Nōbū enirora:

⁴ ĭm Nōbū onesentivi ōvun nūlipmi omwisū morugi niminda; ĭm tawi nemas nempugon sai mōmū; ĭm tawi mōmū norigumpūnū, kū tugageri,

⁵ kū nesorū, tawi indowi mōmū tiame ĭtnimpria dūmūviasū. Im iyi mori umantesep ra potnumpūtūroa yemenūwi, memokū, ĭtnesog yakum mumpi tiamesū ĭtevaū. Im iyi yemenūwi poyau, memokū, Etaiyi:

⁶ ĭtnesog imo sū ōvun nam, ĭm aremai woravsivsi. Im yemenūwi povaū, memokū ĭtnesog okompeli sū aveni. Yaū Alfa ĭm yaū Omeka, natipotni tiame ĭm aveni iran tiame.

⁷ Ya ampugi mori umampeumnek marugi navūanda nū nomūrep tamas woremoneki. Im mori umatekisah ampai nisekon imosū tiame,

⁸ ĭm ya ante Nōbū isen ĭm iyi ante netūg yaū. Kō ugi irora mori, ōvun netromoro, ĭm ōvun netūtavnirigi, ĭm ōvun nokosinda, ĭm ōvun talugi, ĭm ōvun tampalaū, ĭm ōvun sokowar, ĭm irora umenteveta ra ōvun natmas, ĭm ōveteme ūmanūwinamlai, irora wantindowi ra mumpon nūrū mori umnaū ugi nom ĭm narūkas; ĭm imo oti nemas ra nisah.

⁹ Im yivelum povaū sai ra irora ōvun nagelo seven mori dūmūvai ōvun bēson seven mori, mori dūmagelaū ugi ōvun sokomulep seven ra nisah mori; ĭm iyi yemenūwi pavoū, memokū, Elum ĭgko, ĭm ya osesi pun ok Itnumpokon, mori retepon eni Lam.

¹⁰ Im iyi yemuruki pelah yaū ra Naviat ra sai numpūō horog ĭm tantop, ĭm yisesi poyaū siti tumpora Yerūsalem,

¹¹ yemyep marugi pokop marugi Nōbū, ĭm nilasilas, wi eni Nōbū iran; ĭm nilar isen yeti sugku nevat norōor, ĭm sugkū ĭasper, ĭm nilar sugkū kristal;

¹² ĭm sai novūvent nūsian ĭm tantop; ĭm nūgon selat isen twel, ĭm ra nakoren ōvun nūgon ōvun nagelo atwel; ĭm dūmūtaiyi ōvun nin iran, mori ninda ōvun savūta isenda ōvun nitnimi Isrēel:

¹³ devsim narootū yeti nūgon selat desel; devsim ninporavū nūgon selat desel; ĭm devsim natūga nūgon selat desel; ĭm devsim naūritūga nūgon selat desel.

¹⁴ Im ra novūvent ra siti mori yeti ōvun nevat potnimo twel, ĭm yetin netaiyi iranda ninda enirora ōvun apostol twel eni Lam.

¹⁵ Im iyi mori yeman poyaū yivai sai denyūg kold woresafigi siti mori, ĭm ōvun nūgon selat wan, ĭm ōvun novūvent iran.

¹⁶ Im ĭt for nokorugi for nūr ra siti mori, ĭm tantop isen im nokorugi isen sugkūsū saiteven: ĭm yemsafigi siti ugi denyūg mori,

¹⁷ sugkū fiftin hunder mail ĭm tantop isen ĭm nokorugi isen ĭm ratekomsah imolūō horog sugkū wan hunder ĭm forte-for kūbet, sugkū safi eni neteme, nagelo yem safigi sugkū.

¹⁸ Im nimo novūvent ra siti mori yeti jasper: ĭm siti mori yeti kold wokon aremai, sugkū klas nilareves.

¹⁹ Im potnin novūvent ra siti mori yetin nilaswi ugi ōvun nevat norōor sikat ĭm aremai. Potnin saiugi ra novūvent yeti jasper; dūrūgi, safair, deselugi, kalsedone; devatugi, emerald;

²⁰ sūkrimugi, sardoniks; sūkrimmesekaiugi sardeus; sūkrimdūrūgi, Krisolait, sūkrim deselugi, beril; sūkrimmindevatugi, topas; norolemugi, kraisoprasus; norolemtavgonesaiugi, jesint; narolcintavgonesdūrūgi, amesit.

²¹ Im nūgon selat twel mori dūti perl twel; perl saiten nūgon selat sai, im sai sugkū, ĭm omwisū sugkū; ĭm selat alam ra siti yeti kold wokon aremai, sugkū klas umesentevi.

²² Im yaū metokesi sai nimo tumpora vūi ra mumpon; popowo Narisah Nōbū Tantevakepe, ĭm Lam ūmante nimo isen.

²³ Im siti otū magkū ugi nipminen, kū itais woreselai iran: popōpowo nilasilasiwi eni Nōbū yemeliugesi iran, ĭm iyi Lam oti lamp nimsin.

²⁴ Im ōvun lō sū wonavan ra ummpon nilar isen: ĭm ōvun fan lō ra nemap wampaiimpelum pugi nilasilasiwi enirora.

²⁵ Im ūtū wonesompat indowi ōvun nūgon selat isen ra nempugon pūwakas (popōwo tawi sai pūmrok yūi):

²⁶ ĭm lō sū wampaiimpelum tawi nilasilaswi ĭm narigi enirora:

²⁷ ĭm ūtū entorimpe yūi ra mumpon sie sai nililūwo, kū sai umnumpi sai entie sai umagesindi ugi pe, kū umnamlai: kō irora wokon dumūtaiyi irora ra netaiyi nomūrep ūvrūne eni Lam.