Reveleson 20 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im yaū mokesi sai nagelo yemyep marugi pokop, ĭm yivai ki ra nūr nompōū ĭm sai nūsian ĭtyen ra nokoven.

² Im yemūrūlcki drakon, mori neskil ĭtalam, mori oti Diabolo ĭm Setan, ĭm yemeiti nempugon ōvun nevi sū wan taūsan,

³ ĭm yitafugi ra nūr ūnompōū, memsumpat, ĭm yemumpi nūgon nigar iran ugi wororūloki nugkugko, ma iyi tawi faneteme mōmū woroumpiriwokonda ōvun lō ra nemap mafeli onekompeligi ōvun nevi sū wan taūsan mori: ĭm penūri wonosōli iyi nempugon bolibot wokon.

⁴ Im yaū mokesi ōvun potnumputūwo ĭm irora mori dūmūtesepwi iranda, ĭm dūmūtipe irora worūrian iranda ōveteme: ĭm yaū mokesi naviat enirora mori dūmūtantevi numpūnda popowo ugi numpūvsok enirora ra Iesū, ĭm popōwo ugi nam eni Nōbū, ĭm irora sugkū dūtūtevetá ra nūrah nagon mori, kū safi eni, ĭm dūtū vai safi mori ra nafininda ĭm ra nokovenda; ĭm irora dūmamūrep, ĭm dūmari dal

⁵ Krĭstō ōvun nevisū wan taūsan. Im dūtū evsorasah nevisū wan taūsan. Im dūtū evsorasah nugkon ōveteme nemas yemetor mafeli yetin okompeli nevi sū wan taūsan mori. Imo oti nevsorasah mampūm.

⁶ Nevaieves Im aremai iyi mori isen dal irora ra imo nevsorasah mampūm: popōwo iranda, iroro mo, nemas dūrūgi tawi faneteme worumpi sie; kō irora wante ōvun lĭvsaū tumpora eni Nōbū ĭm isen Krĭstō, ĭm irora wonari ūndū iyi nevi sū wan taūsan.

⁷ Im nagkū onekompeli nevi sū wan taūsan mori; antin suli Sētan marugi nimo nugkugko isen, miyi onavan-avan worumpiriwokonda ōvun lō sū

⁸ ūmante ra ōvun novlūtnin devat ra nemap, ōveteme Kok ĭm ōveteme Makok, woresemsimokonda saiteven woravakat: irroa tamas wokon sugkū ōvun narevin ran tok.

⁹ Im irora dūmavan ra ōvun nemap omwisū, ĭm irora dūmūramtugi nare isenda ōvun tanepo, ĭm ra siti paū iyalepi mori: kō yemyep nom marugi pokop iranda, mūmūtni irora.

¹⁰ Im dūmūtafugi setan mori yempiriwokonda ra nūrū nemsin nom ĭm narukas, ĭm yūi sugkū ūmante nurah nagon mori ĭm profet nimpiri; ĭm irora wantindowi ra sokomūlep nūsian wokon dan ĭm pūmrok ūvum nevisū indowi indowi.

¹¹ Im yaū mokesi sai nūsian potnumpūtūō nesebo, ĭm iyi mori yemetesep ran tan, ĭm nemap ĭm pokop dūmalo marugi nipmi isen; ĭm yetūte sai nūrū mōmū nisekonda.

¹² Im yaū mokosora ōvun nemas ōveteme horog ĭm irora ōveteme wokon, ūnipmi potnumpūtūwo; ĭm dūmūselevlevi ōvun netaiyi; ĭm dūmūselevlevi sai mōmū netaiyi, mori netaiyi ugi nomurep ūvrūni; ĭm dūmūrian iran da ōvun ne mas sugkū tiame dūmūtaiyi ra mumpon ōvun netaiyi, sugkū ugi ōvun numpūrak enirora.

¹³ Im tok yemtenimpe ōvun nemas ra mumpon iran iyi; ĭm nemas ĭm Hēdes dūmūtinimpe ōvun nemas mori dūmūte ra irora: ĭm dūmūrian iranda ōveteme omwisū sugkū ugi ōvun numpūrak enirora.

¹⁴ Im dūmūtafugi nemas ĭm Hēdes ra mumpon nūrū nimsin nom. Imo oti nemas dūrūgi, mori nūrū nimsin nom.

¹⁵ Im irora sū mori dūtūtaiyi irora ra mumpon netaiyi nomurep ūvrūni, dūmūtafugi irora ra mumpon nūrū nimsin nom.