Reveleson 2 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Pugi iyi nagelō ra nelepon sai lō tumpora Efesus etaiyi memagkū; yemetaiyi imo tiame, iyi mori emelekavi ōvun mosi seven ra nokoven mevis eni, iyi mori umnavan ilevotevin ōvun lamp kold seven:

² ya magkili ōvun numpūrak enugkĭk, ĭm nagelaū enugkĭk, ĭm nemolsep enugkĭk, ĭm ma kĭk otumnakaiwokonda ōvun narekisat, ĭm kĭm esorugi numpurak enirora mori ūmagkū irora ōvun apostol, kō irora tawi, im kim mokesi sū ma irora ōvun nimpiri;

³ ĭm kĭm origi sat, kō kĭm meti ugi nemolsep tamas ūnōwaui, ĭm kim atekisah indowi ūnōwam tamas popōwo ugi nin enyau, ĭm kĭm metūwi ugi netromoro, tawi.

⁴ Kō sie sai ilam ya magkili ugi, mori imo; kim owisep nelintugi, nelintugi mampum enugkĭk.

⁵ Popōwo pe sugkū enteme mentarugi nomol nokowo mori enugkĭk, ĭm enūatumpeni ūnōwam ugi, ĭm umpi ōvun numpurak enugkĭk mori kim movum mumpi; kū entawi ya ampelum pun ok itnum, ĭm ya a paipelah lamp enugkĭk marugi nampon, nagku kĭk otū torileki ūnōwam.

⁶ Kō kĭm mumpi imo sai aremai, mori kĭm mokesi sat numpūrak enirora mori ūmnūri Nikolas, ĭm yaū sugkū yaum magesi sat irora.

⁷ Iyi mori ĭm telugon wororgi, aremai iyi andigi nam mori Naviat Tumpora umanūwi pun ora ōvun nielepon sai lo tumpora. Iyi mori aremai wokon, ya ampugi iyi woreni ra nē nomurep, mori umante ra Paradais eni Nōbū.

⁸ Im konetaiyi pugi nagelo eni nielepon sai lō ra Smerna, memagkū, yemenūwi imo tiame iyi mori yeti neteme yĭpmovūn, ĭm ra nisah, mori yetin mas, yōĭmomūrep,

⁹ mmokū, yaum magkili ōvun norineteme noete, ĭm yaum magkili nam sat tamas enirora, mori ūmagkū irora ēveteme Yūdia, kō tawi, kō irora ōvun nufwaki tavniri eni Setan.

¹⁰ Etumtitugi tiame norigumpūnū mori wampelum iram: antipi nugkon ra kĭmi ra mumpon nimo nugkugko Tiabolo; woretapmi kĭmi; ĭm kĭmi kwandigi norigumpūnū ōvun dan omwisū ten. Eti ūnam ūnōwam ra tavniri kĭk, ĭm ya amponok krown nomūrep ūvrūni.

¹¹ Iyi mori ĭm telugon eni wororigi, aremai iyi andigi sie mori Naviat Tumpora umanūwi pun ora nielōpon sai lō tumpora. Iyi mori umatikesah ūnōwan indowi ra tavniri ōtū umpi sie iran nemas dūrūgi mori.

¹² Im konetaiyi pugi nagelo ra nielepon sai lō tumpora Perkamos, tiame imo sū memokū, yaū mori yakovai naūitūga nayōk nugkon ĭm nugkon:

¹³ yaum magkili nete enugkĭk, mori iye umante potnumpūtūo eni Setan: kō kĭk umeravsivsi nin enyau, ĭm kĭm eti unam ra tavniri irag, ran dan mori dūmūtalugi Antipas dal kĭmi, iye mori Setan umante, kō iyi yeti neteme numpūvsok tanepo enyau.

¹⁴ Kō yaum magkili nugkon numpūrak tawi aremai iram, popōwo umante dal kĭk nugkon ra irora mori ūmnūri tavsogi eni Belam, mori yemtavsogi Belak woretipe nevat netakili iranda ōveteme Isrēel, memagkū ma irora woneni tiame mori dūmufwaki ugi nisekonda ōvun natemas, ĭm worumpi tampalaū.

¹⁵ Im mōmū sai, umate dal kĭk irora mori ūmnūri tavsogi eni Nikolas sugkū.

¹⁶ Torileki marimago kĭk ūnōwam marugi imo sū; kū entawi ya ampelum pun ok ĭtnum, worumpi navokat iranda ugi naūitūga mori umamne ra nugog.

¹⁷ Iyi mori ĭm telugon eni aremai iyi andigi sie mori Naviat Tumpora umanuwi pon ora ōvun nielepon sai lō tumpora. Im iyi mori umatekisah indowi, ya ampugi mana atiumpeni nisekon woreni, ĭm ya ampugi nevat, nesebo, ĭm ra nevat mori umnetaiyi sai nin itevaū, ĭm tawi sai umagkili, kō iyi mori wokon yivai.

¹⁸ Im etaiyi kĭk pugi nielepon sai lō tumpora Thaiataira memagkū; Imo tiame umanūwi Netni eni Nōbū, mori nipmi eni oti sugkū selūamen nom,

¹⁹ ĭm nowon oti sugkē bras mori umesentevi tamas aremai, memagkū: yaum magkili ōvun numpūrak enugkĭk, ĭm nelintugi enugkĭk, ĭm tavniri ĭm nagelaū ĭm nemolsep enugkĭk, ĭm ma iroramo imosū ōvun numpūrak ra nisah enugkĭk oti mōmū tamas ra irora mori kĭm movūm mumpi.

²⁰ Kō imo sai sat enugkĭk ya okesi iram, pe imo; kĭm metūrian iran nasiven Yesebel, mori emagkū, iyi sai porfet; ĭm iyi umentavsokonda memtorora ōvun lĭvsaū enyaū worumpi tampalaū, ĭm woreni tiami mori umnofwaki iran nisekonda ōvun natmas.

²¹ Im ya ovugi nimpugon woretoriliki ūnōwan marugi imosū; kō yetu torileki marugi tampalaū eni.

²² Kō marima ĭtnesog ya ontafugi iyi ra nevlok, ĭm irora mori dūmumpi tampalaū iran wampai nusian nesorū iranda, nagku irora ūtū wontū toriliki indowi ūnōwanda marugi numpurak eni iyi.

²³ Im ya ontalokonda ovunyan eni ugi nemas; ĭm ōvun nielepon sai lō omwisū wagkili magkū yaū iyi mori yaum mesorugi tarū ūnōwanda ōveteme ĭm netevarū enirora: ĭm ya onūrian irami sugkū numpurak enugkimi kĭmi.

²⁴ Kō yaum manuwi pugkūm, ĭm pun ora ra Thaiataira, pun ora omwisū mori dūtūvai tavsogi mori, ūtūmagkili tiame numpōū impwap eni Setan, sugkū irora ūmanūwi: ya otū antipe irami sai mōmū numpokentum.

²⁵ Kō ūravsivsi ima mori kūmūvai sū mafeli nimpugon ya ampelum.

²⁶ Im iyi mori umnatekisah unam, mōīmafinte numpurak enyaū mafeli aveni ugi, ya antipe iyi woretantevakepe iranda lō sū:

²⁷ ĭm iyi anti narisah iranda, ĭm iyi onūrian iranda ugi iron saū; ĭm iyi ontavtiti irora ovrok-ovrok wokon sugkū nevat;

²⁸ sugkū ya okevai marugi Itemen enyaū; ĭm ya ampuig mosi ūyaros.

²⁹ Iyi mori ĭm telulon eni aremai iyi andigi imo tiame mori Naviat Tumpora umanūwi pon ora ōvun nielepon sai lō tumpora.