Reveleson 19 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im penūri imo su tiame yaū morigi sugkū navianda sai nūsian netevokontū ūnpokop, dūmūnūwi mūmokū, Alelūya; Nēyōwara, ĭm nilasilaswi, ĭm faneteme, umante isen Nōbū enugkos;

² popōwo Itnesog ĭm nogko netevarū isen iran neteme; popōwo iyi yemūrian nasiven tore nūsian, mori yemumpi ūr nemap ugi tampalaū isen, ĭm yemūrian tampenigi de enirora ōvun lĭvsaū eni iran iyi.

³ Im nempugon saimōmū dūmūnūwi, magkū, Alelūya. Im nūgon nom isen umesah indowi indowi.

⁴ Im ōvun elder twente-for mori ĭm ōvun nūrah mori devat dūmumol ĭm dūmūteveta iran Nōbū mori umentesep ra potnumputūwo, mūmūnūwi mūmokū, Amen, Alelūya.

⁵ Im sai navian yivelum marugi potnumpūtūwo, memenūwi memokū, Uvugi Nōbū enugkos numpeleves, kĭmi sū ōvun lĭvsaū isen, kĭmi mori kūmamtetugi iyi, kĭmi mori ōveteme wokon ĭm ōveteme horog.

⁶ Im yaū morigi sai navian sugkū navianda sai netevokontū tamas, ĭm sugkū navian ōvun nū sikat, ĭm sugkū navian yowar horog wokon, dūmūnūwi mūmokū, Alelūya; popōwo Narisah Nōbū enugkos, Tantevakepe, umnari.

⁷ Aremai kos kelen avos memampekotekat tamas, ĭm aremai kos kelampugi iyi nilasilaswi: popōwo nempokelah eni Lam okovelum, ĭm otavesves sū retepon eni.

⁸ Im yeti novugi worevaiugi iyi ugi linen aremai, nilareves ĭm sentevives; popōwo linen aremai oti ōvun numpūrak aremai isenda ōveteme tanepo.

⁹ Im iyi yemenūwi poyaū, memokū, Etaiyi, memagkū, Navaives irora dūmūvrokonda ra nevag ra nempokelah eni Lam. Im iyi yemenūwi poyaū, memokū, Imo sū oti ōvun nam ĭtnesog eni Nōbū.

¹⁰ Im yaū momal ōnowon woreteveta iran. Kō yemenūwi poyaū, memokū, Etū umpi sugkū, tawi; Yaū sai lĭvsaū dal kĭk ĭm dal irora revensaime sorum mori ūmofinte nam numpūvsok eni Tesū: teveta iran Nōbū; popōwo nam numpūvsok eni Iesū oti fan nam ra nam dūmūnūatumpeni.

¹¹ Im yaū mokesi pokop yemtaipelah; ĭm yaū mokesi sai hors nesebo, ĭm dūmaotvnin iyi mori yemetesep ran tan, magkū neteme Tavniri ĭm tanepo; ĭm ugi tanepo iyi umnūrian ĭm iyi umnimpi navakat tanepo sugkū.

¹² Im nipmi eni sugkū selūamen nom, ĭm sikat kraūan ra numpūn; ĭm dūmūtaiyi nin sai isen, kō tawi sai umagkili nin mori, iyi saiteven wokon umagkili iyi pe iyi.

¹³ Im yetn nevaiugi iyi ra sai nemas dūmavwi ra de: ĭmdūmatvonin isen, magkū, Nam eni Nōbū.

¹⁴ Im ōvun ūvrami umante unpokop dūmūri iyi mūtesep ran tanvōrun hors nesebo, dūmūvaiugi irora ugi nemas linen aremai, nesebovos ĭm sentevives wokon.

¹⁵ Im yemne marugi nūgon sai naūitūga nayo, ma iyi ontai ōveteme ra nūrū sū ugi: ĭm iyi onari iranda ugi saū airon: ĭm iyi okowai wainpres ra narakai nugkugko eni Nōbū Tantevakepe.

¹⁶ Im dūmūtaiyi sai nin ra nemas isen ĭm ra nevan eni, memagkū. FAN LO RA OVUN FAN LO, IM NARISAH RA NARISAH.

¹⁷ Im yaū mokesi sai nagelo yemetūr, ra nipminen; yemenūwisah pun ora ōvun menūōk omwisū mori ūmagkep ūneai, memokū. Uvelum mūsesimugkūm

¹⁸ saiteven ra nūsian nevag eni Nōbū; memagkū kwoneni kĭmi fan isenda ōvun fan lō, ĭm fan enirora ōvun nivūō ra ūvrame, ĭm fan isenda ōveteme horog, ĭm fan enirora ōvun hors ĭm ra irora ūmenteeep ran tanda, ĭm fan isenda ōveteme, isenda mori ūtūm nagelaū wokon ĭm isenda mori ūmnagelaū wokon, ōveteme wokon ĭm ōveteme horog.

¹⁹ Im yaū mokesi nūrah mori, ĭm ōvun fan lō ra nemap, ĭm ōvun ūvrame isenda, dūmūsemokonda saiteven worumpi navakat iran iyi mori yemetesep ran tan hors mori, ĭm iranda ōvun ūvrame isen.

²⁰ Im dūmūlekavi nurah nagon mori, ĭm dal iyi profet nimpri mori yemumpi ōvun nokesinapūp ūnipmi eni, mori ugi ima pe yemempiriwokonda mori dū mūvai safi eni nūrah iranda, ĭm irora mori ūmenteveta ra safi isen:

²¹ ĭm dūmūtafugi dūrū sū amūrep ra mumpon nūr umnaū ugi narukas: ĭm dūmūtalokonda nugkon dūmetor ugi naūitūga eni iyi mori yemetesep ran tan hors, naūitūga mori yemne marugi nūgon isen: ĭm vetin talira ōvun menūōk ugi fand isenda.