Reveleson 17 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im yivelum sai ra irora ōvun nagelo mori seven mori dūmūvai ōvun bēson seven, miyi yemenūwi poyaū, memokū, Elum igko, ĭm ya osesi punok nūrian iran nasiven tori nūsian mori umantisep ra ōvun nū sikat;

² iyi mori ōvun natemonok ra nemap dumumpi tampalaū ūndū, ĭm dūmemlū ugi wain ra tampalaū isen ōveteme ra nemap.

³ Im yemoriuki pelah yaū ra Naviat ra nūrū wokon: ĭm yaū mokesi sai nasiven yemetesep ran tan sai nūrah navlar, ĭm sikat nin isen, nam sat nūsian ōvun nin mori, ĭm yeti numpūn seven isen ĭm nimpati ten.

⁴ Im nasiven mori yivaiugi iyi nemas purpel ĭm navlar ĭm yemevaiugi iran tan omwisū kold ĭm ōvun nevat aremai wokon ĭm ōvun perl, ĭm ra nokoven sai kup kold ovwarugi ugi tiame sat omwisū,

⁵ mori tiame nililūwo ra tampalaū isen ĭm ra nafinen dūmūtaiyi nin sai, memagkū, Tiame natiumpene,

⁶ Babelon nusian, dinemenda ovasiven tori ĭm tiame ur wokon omwisū ra nemap. Im yaū mokesi nasiven mori, miyi yememlū ugi de isenda ōvun tanepo ĭm ugi de isenda mori dūmūtalokonda popōwo dūmumpūvsok ra Iesū.

⁷ Im pol sugkū yaū mokesi nasiven mori yaū mavlugi tamas. Im nagelo yemtagkoyaū, memenūwi memokū, Kĭm avlugi irasie? Ya anūwi pon ok natiumpeni eni nasiven mori, ĭm ugi nūrah mori yemoriuki iyi ran tan, mori yeti nimpati seven ĭm numpūn ten iran.

⁸ Nūrah mori kĭm mokesi yemete, ĭm tawi iyi faneteme marima; ĭm iyi ampelum mōmū marima marugi nokol numpoū impwap isūt, ĭm umampe ra niswate. Im wonavlugi irora mori ūmante ra nemap, mori irora mori dūtūtaiyi ninda ra netaiyi nomūrep marugi natipotnin nemap, pol sugkū irora wagesi nūrah mori, ma yemete, ĭm tawi iyi marima, ĭm momampelum.

⁹ Imo oti nelekon nūintanwi. Ovun numpūn mori oti ōvun numpūō seven, mori nasiven umentesepwi;

¹⁰ ĭm irora sugkū ōvun fan lō seven faiv dūmūmol, saiteven umante, ĭm sai mōmū otūvelum lap; kō polsugkū ampelum, iyi antindowi nempugon virok.

¹¹ Im nurah mori yemante, ĭm tawi iyi marima, iyi pe iyi oti sūkrimdeselugi, ĭm iyi sai iranda seven mori; ĭm iyi umampe ra niswate.

¹² Im ōvun nimpati ten mori kĭm mokesi oti ōvun fan lō ten, mori dūtū vai sai lō lap; kō irora ūvaisū narigi sugkū ōvun fan lō, dal nūrah mori, ugi nempugon botibot wokon.

¹³ Im tarū saiteven enirora, ĭm irora ūmetinimpe faneteme ĭm narisah enirora pugi nūrah mori.

¹⁴ Im irora wonavakat iran Lam, Kō Lam ontantevakepe iranda, popōwo iyi Narsah iranda ōvun narisah, ĭm Fan lō iranda ōvun fan lō; ĭm irora mori ūmante dal iyi wontantevakepe sugkū, mori dūmūvrokonda ōvuntampoli ōvun tanepo.

¹⁵ Im iyi yemenūwi poyaū, memokū, Ovun nū mori kĭm mokesi, iye mori nasiven tori yemetesep, irora oti ōveteme ra nūrū sū nūrū sū, ĭm ōveteme semsimak nūsjan, ĭm ōvun lō sū, ĭm ōveteme ūmanūwi ōvun nam sū.

¹⁶ Im ōvun nimpati mori kĭm mokesi, ĭm ōvun nūrah mori, irora wonakan pugi nasiven tori, ĭm irora wonumpi iyi nimakalep ĭm norumkor wokon, ĭm irora woneni fan isen ĭm watni eveni nokolisiran ugi nom.

¹⁷ Popōwo Nōbū yemetipe ūnōwanda worumpi tarū isen, ĭm worevai tarū saiteven ūnōwanda, ĭm worevugi nūrah lō isenda, afeli ōvun nam eni Nōbū onekompeli sū. Im nasiven mori kĭm mokesi oti siti nūsian mori, mori umnari iranda ōvun fan lō ra nemap.