Biblia Todo Logo
Bìoball air-loidhne

- Sanasan -

Reveleson 14 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

1 Im yaū im topotnemi, mokesi, Lam mori yemetūr ra numpūō Saion, ĭm nandū iyi ōveteme wan hunder im forte-for taūsan, dūmūtaiyi ra nafinen enirora nin eni Itemen isen.

2 Im yau morigi navian sai marugi pokop sugkū navian ōvun nū tamas, ĭm sugkū navian yowar horog: ĭm navian mori yaū morigi yeti sugkū navian naūrugis nagkū ōveteme tamas ūmnumpi:

3 ĭm irora ūcesemsi sugkū nagkū narūfo itevaū ūnipmi potnumpūtūo, ĭm ūniminda ōvun nurah nomūrep devat ĭm ūniminda ōvun elder: ĭm tawi sai neteme faneteme worokili narūfo mori kō irora mori wan hunder ĭm forte-for-taūsan, mori irora pe mori dūmūsevasi irora murugi nemap.

4 Im irora ima mori dūtū umpi irora ūr ugi ōvasiven; popōwo irora ōvun nefi sentevives wokon. Im irora ima mori ūmnūri Lam ia ĭm ia mori iyi emagkū emampewi. Im dūmūvasi irora tampoli morokonda ōveteme, woreti novwan ĭtmampūn pugi Nōbū ĭm pugi Lam.

5 Im tawi sai nimpiri enirora: kō irora aremai wokon.

6 Im yaū mokesi sai mōmū nagelo yemokep imelūo ūneai, ĭm yevai nam navosavos ūnam worotorenūwi pun ora umante ra nemap, ĭm punora ōvun lō sū ĭm savūta sū ĭm ōvun netevokontū sū ĭm pun ora ūmanūwi ōvun nam sū omwisū ra nemap;

7 ĭm iyi yemenūwi ugi navian sah, memokū, Wamtitugi Nōbū, ĭm wumpi nilasilaswi nisekon; popōwo nempugon nurian eni okovelum; mūtevita iran iyi mori yemumpi pokop ĭm namep ĭm tok ĭm ōvun nipmi nū itokili.

8 Im sai mōmū nagelo, mori dūrūgi, yemūri, memeūwi memokū. Umol Babelon, Itnesog umol nusian nūrū mori, mori yemumpi nugkugko iranda lōsū omwisū woremoneki wain narakai ugi tampalaū isen.

9 Im sai mōmū nagelo, deselugi, yemūr ora, yemenūwi ugi navian horog, memokū, Nagkū sai neteme onteveta iran nūrah mori ĭm safi eni, mampai safi ra nafinen isen,

10 kū ra nokoven isen, iyi sugkū onemoneki wain ra narakai eni Nūbū, mori umnumpi wokon nugkugko ra kup ra narakai tamas eni; ĭm wonililiki iran ugi nom ĭm narokas ūniminda, ōvun nagelo tumpora, ĭm ūnipmi Lam:

11 ĭm emesah nūgon nom ra nililiki nūsian enirora ūvūm nevi sū indowi indowi; ĭm tawi nemolsep enirora dan ĭm būmrok, mori irora mori ūmenteveta ra nūrah mori ĭm safi eni, ĭm dūmūvai safi ra nin eni.

12 Imo oti nivnak enirora ōvun tanepo, ĭt irora umafinte nam alma eni Nōbū, ĭm tavniri eni Iesū.

13 Im yaū morigi sai navian yemne ūnpokop, memenūwi memokū, Etaiyi, memagkū, Nevaieves irora mori umamas ra Novsūromon, ĭm randan sū indowi: miyi Naviat Tumpora emagkū, ĭtnesog, magkū irora wampai nemindog marugi ōvun nagelaū enirora; popōwo ĭtnesog ōvun novwan ōvun numpūrak enirora wonūrora.

14 Im yaū mokesi, ĭm pah, sai numpwaū nesebo; ĭm yaū mokesi ĭm sai yemiatesep ran tan numpwaū mori ĭm iyi sugkū netni eni neteme, ĭm yemevaiugi kraūan kold ra numpūn, ĭm ra nokoven sai sikel naiyoh,

15 Im sai mōmū nagelo yivelum marugi tempel, ĭm yemasor ugi navian horog pugi iyi mori yematesep ra numpwaū, memenūwi memokū, Vai sikel enugkĭk ĭm tantevi popōwo novwan ra nemap popōwo nempugon woralekon okevelum, ĭm um umkaives wokon.

16 Im iyi mori yematesep ra numpwaū yemetipe sikel eni ra nemap; ĭm novwan ra nemap yetin tantevi.

17 Im sai mōmū nagelo yivelum marugi tempel mori ūnpokop, ĭm iyi sugkū yivai sai sikel naiyoh.

18 Im sai mōmū nagelo yivelum marugi nefati, iyi mori okovai horog iran nom; miyi yemasor ugi navian horog pugi iyi mori yivai sikel naiyoh, memenūwi memokū, Vai sikel naiyoh enugkĭk, ĭm semsimugi ōvun nifir vain ra nemap; popōwo novwan isen umumkaives.

19 Im nagelo yemetipe sikel eni ra nemap, memsemsimugi novwan vain ra nemap, ĭm yemtafugi ra wainpres, wainpres nūsian, ugi narakai tamas eni Nōbū.

20 Im dūmūwai wainpres ratilat siti, ĭm yemne de marugi wainpres mori, mafeli braidel isenda ōvun hors, yem orari ran tan nemap tū hunder mail.

Erromangan New Testament © British and Foreign Bible Society, 1909,1979.

Bible Society of the South Pacific
Lean sinn:



Sanasan