Reveleson 12 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im dūmokesi sai safi nūsian ūnpokop; sai nasiven yemevaiugi iyi ra nipminen, ĭm itais ra nowon, ĭm ra numpūn sai kraūan ĭm yeti ōvun mosi twel ra kraūan mori;

² ĭm iyi yemtanteokumpok; ĭm iyi yemasorsah, yamesorūves memagelaū tamas ugi nalaū worevai.

³ Im dūmokesi sai mōmū safi ūnpokop; ĭm pah, sai nūsian drakon navilar, ĭm yeti numpūn seven iran ĭm nimpati ten, ĭm yemevaiugi ōvun numpūn ugi seven kraūan.

⁴ Im yemnesemperi ra novlaiven isen nugkon saiteven ra nugkon desel iranda ōvun mosi ūnpokop, ĭm yemtafugi irora re nemap; ĭm drakon mori yemetor ūnipmi nasiven mori yempotipot worevai nitni, ma sugkū amol sū, iyi oneni.

⁵ Im yivai nitni ĭtnateman, ĭm iyi mori onari iranda ra nūrū sū nūrū ugi sū iron saū; ĭm dūmūvaisah nitni isen pugi Nōbū, ĭm ra potnumpūtūō isen.

⁶ Im nasiven yemalo ūntompoi, ĭm yūi Nōbū yemtavesves sai nūrū nisekon, ma yūi irora wonavgoni wan taūsan tū hunder ĭm siksti dan.

⁷ Im dūmumpi navakat ūnpokop: Maikel ĭm ōvun nagelo isen dūmūve woravakat iran drakon;

⁸ ĭm iyi drakon yematekisoh memavokat endal irora ōvun nagelo isen; kō tawi, irora dūtūfaneteme woretantevakepe, ĭm tawi sai nūrū ūnpokop nisekonda nempugon sai mōmū.

⁹ Im dūmūtafugi ilat drakon horog mori, mori neskil italam, iyi mori ūmatovnin magkū Diabolo ĭm Setan, mori emnumpiri iranda ōveteme omwisū ra nemap; dūmūtafugi iyi ra nemap, ĭm dūmūtafugi irora ōvun nagelo isen ūndū iyi.

¹⁰ Im yaū morigi sai navian horog ūnpokop, yemenūwi, memokū, Okovelum nēyōwara nisekont, ĭm horog, ĭm lo eni Nōbū, ĭm narisah eni Krĭstō; popōwo otafugi ilat wokon iyi mori yemtavūntan iranda ravetsaieme enugkos, mori umentavuntan iranda ūnipmi Nōbū enugkos dan ĭm pūmrok,

¹¹ Kō irora dūmūtantevakepe iran popōwo ugi de eni Lam, ĭm popōwo ugi nam numpūvsok enirora; ĭm irora dūtūasiugi nomūrep enirora, kō dūmumpūvsok indowi, ĭm dūmas ugi numpūvsok enirora.

¹² Popōwo pe avos, Ah pokop, ĭm kĭmi mori kūmante ūnpokop. Owai irami mon ūmante ra nemap ĭm rantok: popōwo diabolo okoyep ran nemap pugkūm, ĭm nūsian nakan isen, popōwo iyi emagkili ma umpotipot nempugon isen.

¹³ Im polsugkū drakon yokesi ma dūmūtafugi nemap, yemumpi nesesau iran nasiven mori yivai nitni ĭtnateman.

¹⁴ Im dūmūvugi nasiven nevlokon dūrū eni sai nusian ūsokwavi, magkū iyi agkep ra nūrū wokon ra nampon isen, ĭm yūi ūmnavgoni sai nevi, ĭm nugkon ōvun nevi, ĭm nugkon nevi, marugi nipmi neskil.

¹⁵ Im neskil yemtafugi marugi nūgon iran nasiven nū horog, sugkū sai nūrah ūreva, ma nōisap ampai iyi.

¹⁶ Kō nemap yemesitū iran nasiven, ĭm nemap yemtaipelah nugon ĭm yemetegoli ūreva mori drakon yemtafugi marugi nūgon isen.

¹⁷ Im iyi drakon yemtūgon nakan tamas iran nasiven, ĭm yive worumpi navakat iranda nugkon ovunyan isen mori dūmūte, mori dūmūrav-sivsi ōvun selnivi nam eni Nōbū, ĭm dūmū finte ūnam numnūvsok eni esu: ĭm yemctūr ra naravin ra telegon tok.