Reveleson 1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Nesesi eni Iesū Krĭstō, mori Nōbū yemovugi woressūli pun ora ōvun lĭvsaū torugat eni, mori tiame pe wampelum marimago; ĭm yemtamūli nagelo eni woresūli pugi Yōane lĭvsaū isen;

² mori yemumpūvsok ugi nam eni Nōbū, ĭm ugi nesūlives eni Iesū Krĭstū, ugi iroromo mori omwisū yemokesi.

³ Nevaieves iyi mori umaspi, ĭm irora mori ūmandigi ōvun nam mori yepmenūwi, momefinte tiame umnetaiyi ra mumpon netaiyi mori: popōwo umpotipot nempugon mori.

⁴ Yōane pun ora nilepon sai lō tu pora seven ra Esya. Itemas paū pugkum ĭm ninparata, marugi iyi mori umante ĭm yemeti imo ampelum; ĭm morokonda ōvun Naviat seven mori ūmanti ūnipmi

⁵ potnimpūtūō eni; ĭm marugi Iesū Krĭstō, numpūvsok tanepo, mori oti nevsorasah yipmovūm marugi nemas,

⁶ ĭm narisah iranda ōvun fan lō ra nemap. Pugi iyi mori yemorowugkos marugi sat sū enugkos ugi de isen; ĭm yemumpi kos woreti ōvun fan lō ĭm ōvun tavsogi tumpora pugi Nōbū ĭm Itemen isen: pugi iyi anti mante nilasilasewi ĭm narisah ūvūm nevi sū indowi indowi. Amen.

⁷ Urigi, iyi ampelum ra numpūaū; ĭm ōveteme omwisū wagesi iyi, ĭm irora mori dūse iyi; ĭm wantintogageri sah lō sū omwisū ra nemp. Aremai sugkū, Amen.

⁸ It yaū Alfa ĭm yaū Omeka, yaū mori Novsūromon Nōbū, mori yemeti, umanti, ĭm ampelum, mori Tantevakepe.

⁹ Yaū Yōane, avinsai enugkimi, ya mori saiteven dal kĭmi ra norigumpūnū enugkos, ĭm ra tiami ra narisah isen Iesū, yaū meti ra ailand mori, nin Patmos, popōwo ugi nam eni Nōbū, ĭm ugi numpūvsok ra Iesū Krĭstō.

¹⁰ Yaū meti ra Naviat ran dan eni Novsūromon, ĭm yaū morigi kitag sai navian horog, sugkū tovwi, yemokū,

¹¹ Sie mori kĭk emagesi, etaiyi ra netaiyi, ĭm tamūli pun ora nelepon sai lō tumpora, pugi Efesus, ĭm pugi Smerna, pugi Perkamos, ĭm pugi Thaiataira, ĭm pugi Sardis, ĭm pugi Filadelfea, ĭm pugi Leodesia.

¹² Im yaū melagkaū, worokili navian mori yemenūwi poyaū. Im polekū yaū melagkaū, yaū mokesi seven kold lamp;

¹³ ĭm ilevoteven ōvun lamp mori sai lamp sugkū netni neteme, yemevaiugi iyi omwisū ugi nemas mafeli nowon, memetoitigi nemindegon ugi netoitigi kold.

¹⁴ Im numpūn ĭm novlin numpūn eni dūti nesebo sugkū wūl, nesbo sugkū sno;

¹⁵ ĭm nipmi isen sugkū nelūwamen nom, ĭm nowon sugkū bras dūmūsentevi aremai wokon, sugkū nagkū dūmūsentevi ugi nom nusian; ĭm navian sugkū nūsian tok intan.

¹⁶ Im yempai ra nokoven mevis mosi ĭt seven: ĭm yemne marugi nogon naūitūga naiok nogon nugkon ĭm nugkon: ĭm nipmi isen yeti sugkū nipminen polekū umeselai ugi nugkugko eni.

¹⁷ Im polekū yaū mokesi, yaū momol ra nowog sugkū neteme mas. Miyi yem sugkori yaū ugi nokoven meves, memenūwi memokū, etumtitugi;

¹⁸ yaū neteme mampūm, ĭm yaū neteme ra nisah, ĭm iyi mori Amūrep; ĭm yaū meti nemas, ĭm yaum amūrep ūvūm nevi sū indowi, ĭm umante tovūn yaū ki ra nemas ĭm ra Hēdes.

¹⁹ Im popōwo pe sugkū, etaiyi tiame mori kĭm moksi, ĭm tiame mori umante, ĭm tiame mori umampelum penūri;

²⁰ momagkū ugi natiumpeni nokowo ugi mosi seven mori kĭm mokesi ra mumpon nokepmū mevis, ĭm ugi kold lamp seven mori ōvun mosi seven mori oti ōvun nagelo ra ōvun nilepon sai lō tumpora: ĭm ōvun lamp kold oti ōvun nilepon sai lō tumpora mori.