Ovun Apostol 3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im Piter im Yōane dūmūsah ra Tempel ra nempugon worufwaki poarap.

² Im sī neteme yumprokomol ugi noetet dūmandiuki mumantipe dan sū ra nokorin buketampit ra Tempel nin Nilaswi, woresenigora ugi ōvun ĭtemas mori dūmūve ūnisog Tempel;

³ miyi yemokesi Piter im Yōane dūmumprokeve ūnisog Tempel yemesenigora ugi ōvun itemas.

⁴ Im Piter otopotnemi iran ūndū Yōane memenūwi pugi memokū, Okosokam.

⁵ Miyi yemendugi irora memokū irora wampugi sī sesi.

⁶ Im Piter yemenūwi memokū, Tawi silver kū kold sorūg; kō ya kum mampunok (sugkū ya kum mantipe). Ra nin isen Iesū Krĭstō, neteme Nasaret, etūok mavan.

⁷ Miyi yimelekavi nokoven mevis mevitūok iyi: ĭm marimago nowon mōv novwan nemli dūēpoipo;

⁸ Miyi yĭmiraūsah memetūrū memavan; memtorimpe dal irora ra Tempel memavan memiraūsah mem arūfoves numplin Nōbū.

⁹ Im netevokontū omwisū dūmokesi iyi yemavan memarūfo ves numplin Nōbū:

¹⁰ mirora dūmokili iyi neteme mori yemandūnetesep memandūn esenigi ra nokoren buketampet Nilaswi ra Tempel: mirora dūmavlugi tamas mūinuvkeritwi ugi mori yivelum iran.

¹¹ Impolekū yemorūlukonda Piter ĭm Yōane netevokontū omwisū dūmalo semsimokonda punora ūnorĭyū isen Solomon, dūmovkeritwi.

¹² Im Piter yemokesi, memenūwi punora netevokontū memokū, ōveteme Isrēel, kĭmi kūmnavlugi ugi imo irasie? kūmūntupotneme kam (nagkū) sugkū ka kū umpi imo neteme woravan ugi horog kū pe tumpora soreman kū?

¹³ Iyi Nōbū isen Ebraham, ĭm Isak ĭm Yēkob, Nōbū isenda ritemendeme soret otipe nilasewi iran Iesū Netni isen; mori kĭmi kūmempirigi mo mūnūavuni Iyi ūnipmi isen Pīlat, nempugon iyi yemenūwi nam memokū wusūli.

¹⁴ Im kĭmi kūmūnūavuni iyi mori Tumpora ĭm Tanepoves wokon mūmakĭugi iyi worevugkūm neteme temelemel, ĭm kĭmi kū mūtalugi iyi Novsūromon nomūrep;

¹⁵ mori Nōbū yemtorisah marugi nemas; ĭm kam ōvun numprok ugi.

¹⁶ Im ugi tavniri ra nin eni imo neteme kūmagesi mūmagkili iyi oti horigives; nin isen umpi iyi faneteme; itnesog, tavniri umpi iyi horigives wokon ūnemitemi omwisū.

¹⁷ Kō ravūgsĭeme yakum magkili ma kĭmi kūm umpi imo ugi numgī, mov natemonok soremi sugkū.

¹⁸ Kō omwisū mori Nōbū yipmovūm menūwi ugi ra naveranda ōvun profet omwisū isen memokū Krĭstō osahūmūlep iyi yemekompeli sū.

¹⁹ Popōwo imo sugkū ūvĭeves nōwami mūtorileki ma sugkū ĭyukuyeki sat sū soremi mōv nempugon nevĭeves wampelum ra nipmi isen;

²⁰ miyi ontamūli Iyi mori Iyi yepmetipe memokū ugi Iesū Krĭstō.

²¹ Iyi mori pōkop umampi mafeli nempugon omantevūreves ugi siame sū mori Nōbū yemandūnenūwi memagkū ugi ōvun profet tumpora isen ra palsi sū.

²² It Moses yemenūwi punora ōvun ritemendeme memokū Iehōva Nōbū soremi ontori sī Profet nisekomi marokonda rapmisĭeme sūgkū yaū; kĭmi kwandigi nam omwisū mori iyi anūwi pug kūm:

²³ Mirora mori ūtū wandigi Profet mori ontevavtiti irora sū marokonda netevokontū.

²⁴ Mōvun profet omwisū marugi Samūel, mirora mori dūomūri iyi omwisū dūmūnūwi nam, dūmokū ugi ōv nempugon mori.

²⁵ Kĭmi ōvun nitnime ōvun profet ĭm nam nievūos ūnam mori Nōbū yimenūwi punora ritementeme, yemenūwi pugi Ebraham memokū, Lōsū lōsū ra nūrūsū nūrūsū wampīeves irora ugi novsen sorum.

²⁶ Nōbū yemtorisah Iesu Netni isen memtamūli iyi pugkūm mampūm, miyi yipmandūn nevīeves kĭmi polekū iyi yemandūntorokūm omwisū marugi sat sū soremi.