Matiyu 7 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Utūtarū sat iranda ōveteme ma irora ūtū ontarū sat irami; wontarū irami sugkū kūmuntarū iranda;

² ĭm wontampenĭgi irami sugkū kūmūtampenĭgi iranda.

³ Mirantie kĭk emnelareki navivon nē ūnĭpmi apmisī, metūmagkū ugi nelumpoi nē ūnĭmtum.

⁴ Im nokowo kanūwi pugi apmisī memagkū, Aremī ya osemsi navivon nē marugi nĭmtum, ĭm sĭ nelumpoi nē ra nimtum kĭk.

⁵ Neteme nempiri, mampum masepen nevī nelumpoi nē marugi nĭmtum kĭk, ĭm penūri kōmagesi nelampalam mesemsi navivon nē marugi nĭpmi eni apmisī.

⁶ Utūvunora ōvun kūri sĭ entie sĭ tumpora mūtūtafugi ōvun nempes nilaswi enugkĭmi ūnimĭnda ōvun numpekasi, kū entawi wavan iranda, mō menelagkaū worelentovo kūm.

⁷ Wosenigi mampugkūm; wosorugi ĭm kĭmi kwagesi; ūtetī montĭpelali irami; ĭt iyi sĭ umnesenĭgi ampĭ;

⁸ miyi sĭ umnesorugi memagesi; umentipelah iran iyi sĭ mori umentetĭ.

⁹ Mē sĭ ra kĭmi ōveteme, nagkū netni ĭtnateman eni onesenĭgi yōūp ampugi nevat?

¹⁰ ĭm nagkū onesenĭgi noroū ampugi neskil?

¹¹ Im nagkū kĭmi mori ōvun narekisat kūmagkili mampunora ōvun netnime enugkĭmi entiame aremī, Itemen ekĭmi ūnpokūp ampunora mori umnesenĭgi entiame nevĭeves kū?

¹² Popōwo imo sugkū, tiamesū kūmnakiugi ōveteme wonumpi nĭsekomi, wumpi sugkū nĭsekonda; ĭt imo ōvun selnivi nam mōvun profet.

¹³ Wintorĭmpe kĭmi ūnisog būkitampet neworekerĭki, ĭt būkitampet ĭm selat mori umeyep ra neswate nūwaveran, ĭm sikat umampe yūi ūnisog.

¹⁴ Kō sī būkitampet neworekerĭki Im selamgis mori umampe ra nomūrep, mirora mori umagesi tawi sikat.

¹⁵ Ukilora ōvun profet mempiri mori umampelum pugkūm ūmnevarugi noveliran pugipugi kō ūnōwanda umnelatop sugkū ōvun wulf.

¹⁶ Kĭmi kwagkilora ugi ōvun novūan enirora. Oveteme umnesevi weve ra nē nemlowongo kū?

¹⁷ Kū taū ra topavū sat kū? Nē sū aremĭ umampūo ugi novūan aremĭ; ĭm nē sū ūr imampūo ugi novūan ūr.

¹⁸ Sĭ nē aremĭ otū ampūo ugi novūan ūr; ĭm sĭ nēūr otū ampūo ugi novūan aremĭ.

¹⁹ Nē sū mori ūtūmampuo ugi novūan aremĭ wontantevi mūmuntafungi ra nom.

²⁰ Kĭmi kwagkilora ugi novūan enirora.

²¹ Tawi omwisū mori ūmanūwi magkū, Novsūromon, Novsūromon wonintorĭmpe ra lō ūnpokūp; irora wokon mori um nokompeli nam eni Itemeneyaū ūnpokūp.

²² Sikat wa ūwi po yaū ra dan mori magkū, Novsūromon, Ntivsūromon, kam litorenūwisah nam ra nin enugkĭk, kū? ĭm kam litevelugunora ōvun naviatĭndi ra nin enugkĭk kū? ĭm kam lumpi ōvun numpūrah sikat ĭm horog ra nin enugkĭk kū?

²³ Im ya anūwi punora magkū, Yaū metūkilokūm, ūve pelah maroko yaū kĭmi ōvun numpindi.

²⁴ Miyi sĭ umandĭgi imo nam enyaū menumpi sugkū, ya anūwi magkū iyi sugkū neteme nelekon mori yemetipe nimo eni ra vetūnam; yemebĭp memetepū nōisap;

²⁵ ĭm nemetagi yelemsi, mevlugi nimo mori metūtalepasi popōwo yepmatipotni ra vetūnam.

²⁶ Miyi sĭ umandĭgi imo nam enyaū motūmnumpi sugkū, ya anūwi magkū iyi sugkū neteme numgĭ mori yemetipe nimo eni ra nareven; yemebĭp memetepū nōisap,

²⁷ ĭm nemetagi yelemsi mevlugi nimo mori mumol; talepasi tamas.

²⁸ Im pol sugkū Iesū yemenūwi sū imo ōvun numpūn lō dūmavlugi ra nam eni;

²⁹ ĭt iyi yemtavsokonda sugkū sĭ mori yemesepen netipe horog eni, ĭm tawi sugkū ōvun somūl.