Matiyu 6 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ufĭnte kĭmi mūtūumpi ovun numpelēves ūnimĭnda ōveteme ma sugkū irora wagesi kĭmi; nagkū sugkū kūtū ampĭ nĭpmi marugi Itemenekūm ūnpokūp.

² Pol sugkū kemnumpi ovun numpelēves etū olentovūi mampūm sugkū ovun nempiri ūmnumpi ūnisog ovun nimo tavsogi, ĭm ra ovun selat alam, mūmagkū ōveteme wamoietivesep iranda; ĭtnesog, ya umanūwi pugkūm memagkū, irora ūmampĭ, nĭpmi enirora.

³ Kō pol sugkū kemnumpi ovun numpeleves, aremī nokopmū moor otūagkili ugi imo nokopmū meves umnumpi,

⁴ ma ovun numpeleves enugkĭk aropon amon, ĭm Itemen enugkĭk mori umagesi vamon ontampenĭgi iram amsok.

⁵ Im pol sugkū kemnufwaki etūte sugkū ōveteme nempiri, ĭt irora umnelentugi worufwaki mūmantūrū ūnisog ovun nimo tavsogi, im ra selemsug ovun selat alam ma sugkū ōveteme wagesora; ĭtnesog ya umanūwi pugkūm memagkū, irora ūmampĭ nĭpmi enirora.

⁶ Kō pol sugkū kemnufwaki eve ūnisog selebōk enugkĭk, sumpat pūketampet, mufwaki iran Itemen e kĭk mori vamon, miyi Itemen e kĭk mori umagesi vamon ontampenĭgi iram amsok.

⁷ Im pol sugkū kūmnufwaki ūtūrūnenūwi nam wokon sugkū ovun nelebōkevat, ĭt irora umagkū andigora popōwo umandūnenūwi.

⁸ Utūte kĭmi sugkū irora, ĭt iyi Itemen e kĭmi umagkili ugi imo aremī nĭsekomi pol sugkū kūmūtūsenĭgi.

⁹ Ufwaki sugkū imo: Itemen e kam ūnpokūp, eti tumpora nin enugkĭk.

¹⁰ Elum lō enugkĭk. Uti numpi sugkū tarū sū enugkĭk ra nemap sugkū ūmnumpi sū ūnpokūp.

¹¹ Ovugkam irē nevag nĭsekomam.

¹² Mefielentugkam sat sū enugkam, sugkū ka kemlafielentokonda mori umnumpi sat iramam.

¹³ Metūtōrokam ran tapmi, kō semsimpari iramam marugi sat sū; ĭt lō enugkĭk, ĭm horog, ĭm nilasilaswi, ūvūrn nevisū, ĭndōwi, ĭndōwi. Amen.

¹⁴ Nagkū kūmafielentokonda ōveteme sat sū isenda, Itemen e kimi ūnpokūp afielentug kūm sat sū enugkĭmi;

¹⁵ kō nagkū kūtūmafielentokonda, Itemen e kĭmi otū afielentugkūm sat sū enugkĭmi.

¹⁶ Im pol sugkū kūmantovokon ūtūte-sugkū ōvun nempiriugi nimĭnda nevivat; it irora ūmampūli nimĭnda ma sugkū ōveteme wagkū irora umantovokom; ĭtnesog ya umanūwi pugkūm irora ūmampī nĭpmi enirora.

¹⁷ Kō pol sugkū kemasepen netevokom, esovelĭgi dumpon numpūm morowugi nĭmtum ma sugkū ōveteme utū wagesok kemantevokom,

¹⁸ kō Itemen enugkĭk mori vamon; ĭm Itemen enugkĭk mori umagesi vamon ontampenĭgi iram amsok.

¹⁹ Utūotovtam ra nemap yūi ūrivinē mūlevok umnumpi ūr, movun numprok ūmampelugi mōūmnumprokugi;

²⁰ kō wotovtam ūnpokūp yūi tawi ūrivinē kū ūlevok umnumpi ūr, ĭm yūi ōvun numprok ūtūwampelugi worumprok; ĭt nūrū yūi nōete enugkĭmi, yūi nōwami sugkū.

²¹ Lamp ra nokolĭsiram nĭmtum;

²² ĭm nagkū nĭmtum nelumpalam umampūarugi nilara nokolisiram omwisū;

²³ kō nagkū nĭmtum umīi, nokolisiram omwisū nelebōkevat; ĭm nagkū nilara mori ūnisog kĭk nelebōkevat wokon, pe nelebōkevat mori tamas.

²⁴ Tawi sĭ faneteme worotorugat iranda ōvun natemonōk endūrū; ĭt iyi onakan pugi sĭ menelentugi sĭ; kū iyi osari iran sĭ magesĭndi sĭ. Kimi tawi faneteme worotorugat iran Nōbū ĭm Nōete.

²⁵ Popōwo pe sugkū ya umanūwi pugkūm memagkū, Utūtovatorūgi nomūrep enugkĭmi sie kwoneni, ĭm sie kwamoneki; mugi nokolĭsirami, sie kwonevakūmugi. Nomūrep mōmū ra nevag kū? ĭm nokolisiran mōmū ra nemas ku?

²⁶ Utarūgi ōvun menōk ūnei, ĭt irora ūtūm mōwi, mūtū malekon semsimugi ūnisog ōvun nimo, ĭm Itemenekūm ūnpokūp umnavugunora; kĭmi mōmū aremĭ iranda kū?

²⁷ Mē sĭ ra kĭmi mori umantovatarūgi faneteme worumpi mōmū tantop virok nevisū eni?

²⁸ Im kūmantovatarūgi nemas kwamsugi? Weveleveli ugi ōvun novugon nesebo ra nete nūrū, irora umampūa nokowo?

²⁹ Irora ūtūm nagalaū, mūtfimampĭ; ĭm ya umanūwi pugkūm memagkū Solomon ra nilasilaswi eni omwisū yetūvĭugi nemas nilaswi sugkū sī ra irora.

³⁰ Im nagkū Nōbū umnevīugi topavū sugkū, mon umante irē, ĭm mran wontovuni ra nom, iyi onevakūmugi kū? Ah kĭmi en tavniri ūrekis!

³¹ Utū tovatarūgi magkū, Sie kos keleneni? kū, Sie kos kelenamoneki? kū, Sie kelenavakosugi? ĭt lōsū ōvun nelebōkevat umnesorugi imosū,

³² miyi Itemen ekĭmi ūnpokūp umagkili ma imosū aremī nĭsekomi.

³³ Kō ūsorugi mampūm lō eni Nōbū ĭm tanepo eni; ĭm imosū omwisū ampugkūm sugkū.

³⁴ Utūtovatarūgi mran: ĭt mran ontovatarūgi tiamesū mori wantepū mran. Etorataseviōwi ugi norĭgi sat dan sĭ.