Matiyu 5 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Miyi yemokesora ōvun numpūn lō memsah ra numpūo; memetesep, mōvun nūrie eni dūmūvelum pugi;

² miyi yemenūwi nam memtavsokonda memokū.

³ Nevĭeves ōvun narumkor ra ōvun naviat enirora, ĭt enirora lō ūnpokūp.

⁴ Nevĭeves ōvun norugumpūnū, ĭt irora wonavos.

⁵ Nevĭeves ōvun noramel, ĭt irora wampĭ nemap enirora.

⁶ Nevĭeves irora mori umampieni mūmampamoneki tanepō, ĭt ontalira.

⁷ Nevĭeves ōvun togesoveli, ĭt ontogesovelora.

⁸ Nevĭeves ōvun sentevives ūnōwanda, ĭt irora wagesi Nōbū.

⁹ Nevĭeves ōvun tasiasie, ĭt wonatov ninda ōvun netnime eni Nōbū.

¹⁰ Nevĭeves irora mori ūmampīĭndi popōwo ugi tanepō, ĭt enirora lō ūnpokūp.

¹¹ Nevĭeves kĭmi pol sugkū wuntavūntan sat irami, mam-pĭĭndi kĭmi, manūwi narolī sat irami, popōwo ugi yaū.

¹² Wavos mūvokotekat, ĭt nĭpmi enugkĭmi ūnpokūp tamas; ĭt irora dūpmampīĭndi ōvun profet sugkū, mori dūm-mūbūm irami.

¹³ Kĭmi netūkūs ra nemap; kō nagkū netūkūs umpū wokon andūleki nokowo? ūr wokon, wontaf ugi ilat wonavanwi.

¹⁴ Kĭmi nilara ranemap; sĭ sĭti ra numpun teretnsĭsah tawi faneteme woramon.

¹⁵ Pol sugkū sĭ umentūgon lamp iyi otūmantipe ra numpon nūrah, kō ran tan wore-tipe, memneliugesĭgi omwisū ūnisog nimo.

¹⁶ Aremī nilara enugkĭmi woneliugesi sugkū ūniminda ōveteme, ma irora wagesi ōvun numpūrah ves enugkĭmi mōmam-pietivesep Itemen enugkĭmi ūnpokūp.

¹⁷ Utōkū ya okovelum woresumpoliora ōvun selnivi nam kū ōvun profet; ya otūvelum woresumpolora, kō woro-kompelisū; ĭt ĭtsenog, ya umanūwi pugkūm memagkū,

¹⁸ afeli nempugon pokūp mūnemap wampia, sĭ nam ūrekis, kū nĭpmi nam otū ampia marugi ōvun selnivi nam afeli nempugon wonekompeli omwisū.

¹⁹ Popōwo pe sugkū iyi sĭ osumpoli sĭ ra imo ōvun selnivi nam momentavsokonda ōveteme sugkū, iyi amplūtenū ra lō ūnpokūp; kō iyi sĭ onekompelisū, momentavsokondugi, iyi anti nūsian ūnimĭnda ōveteme ra lō ūnpokūp.

²⁰ It ya umanūwi pugkūm memagkū nagkū, tanepō enugkĭmi otū ontantevakepe enirora ōvun Somūl, mōvun Faresi kūtūonentorempe ra lō ūnpokūp.

²¹ Kĭmūrĭgi yemenūwi punora ōvun ūvūmle memokū, Owi kĭmentalugi; miyi sĭ ontalugi onūrian iran nampon.

²² Kō ya umanūwi pugkūm memagkū, iyi sĭ umarakĭ wokon pugi avensĭ eni onūrian iran nampon; miyi sĭ anūwi pugi avensĭ eni memagkū, Kĭnĭndūabū, ōvun natemonōk mori ra nūsian wonūrian iran; miyi sĭ anūwi magkū, Kĭk narekĭndi, onumpi nampon iran ra neswate.

²³ Popōwo pe sugkū nagkū kĭmandiuki ĭmpelum ĭteraas enugkĭk ra nefati, ĭm yūi konentemi ma apmisĭ umalakoi punok, ōwi yūi ĭtemas enugkĭk ra nokoren nefati mempe,

²⁴ ĭm mampūm ūitkūmūndū apmisĭ, mōmampelum memsa-krifĭs ugi itemas enugkĭk.

²⁵ Oretevetewi mūitekūm ūndū novsen nakan neugkĭk pol sugkū kĭmnavan ūselat ūndū, ma novsen nakan enugkĭk otū ontōrok pugi natemonōk nūrian, miyi natemonōk nūrian ontenĭmpe kĭk pugi nivūo sĭ mori osumpat amtugkĭk ūnisog nimo nugkugko;

²⁶ ĭtnesog ya umanūwi pugkĭk kotūōmontūratumpeni ilat afeli nempugon kontampenĭgi omwisū.

²⁷ Kĭmūrĭgi yemenūwi punora ōvun ūvūmle memokū,

²⁸ Owi kimenatampalaū; kō ya umanūwi pugkūm memagkū, iyi sī umagesi nasiven worelasevi iyi, osĭ Im tampalaū ūndū ūnōan.

²⁹ Kō nagkū nĭmtum meves umnempiri-wugkĭk, evsi ĭm tafugimarugkĭk; ĭt aremī sī nevlugkon kĭk metevavteti, ĭm tawi nokolesiram omwisū ontafugi ra neswate.

³⁰ Im nagku nokopmū meves onempiriwugkĭk tantevi ĭm tafugi marugkĭk: ĭt aremī nĭsekom ma sī nevlugkon kĭk metevavteti ĭm tawi nokolosiram omwisū ontafugi ra neswate.

³¹ Im yemenūwi memokū, Iyi sī osatevugi ratepon eni, aremī iyi ampugi netīyi ugi satevugi.

³² Kō ya umanūwi pugkūm memagkū, iyi sī osatevugi retepon kū entawi popōwo ugi tampalaū eni, umnumpi iyi worōmentam-paīaū; miyi sī ōmenetovrugi iyi mori satevugi, umen-tampalaū.

³³ Im sĭ mōmū nam kĭmūrĭgi yemenūwi punora ōvun ūvūmle memokū, Owi kīmentesūĭ namlī, kō konampesog nam ūnarn enugkĭk ūnĭpmi eni Novsūromon;

³⁴ kō ya umanūwi pugkūm memagkū, Utū tesūĭ namūnam mōkū ugi pokūp ĭt potnumpūtūo eni Nōbū;

³⁵ ĭm tawi ugi nemap, ĭt woretipe nōwon eni; Im tawi ugi Yerūsalem, ĭt sĭti eni Natemonōk ra nūsian;

³⁶ ĭm tawi ugi numpum kontesūī namūnam, ĭt kĭk tawi faneteme worumpi sĭ novlempū nesebo kū nakomsū Enūwi mokū,

³⁷ Monokowo; monokowo; Tawi; tawi; ĭt mōmū ra imosū emamne ra sat.

³⁸ Kĭmūrĭgi yemenūwi memokū, Sī nĭpmi ra sī nĭpmi; Im sī nis ra sī nis;

³⁹ kō ya umanūwi pugkūm memagkū, Utū umpi nampon ra sat; nagkū sĭ onatugkĭk ra waū nugūn meves, ovoli pugi moor sugkū.

⁴⁰ Im nagkū sĭ ontōrok pugi natemonōk nūrian magkū ampĭ parug kĭk netaūsep, ovugi semplaūon enugkĭk sugkū.

⁴¹ Miyi sĭ oselielok woravan sĭ mīl, avan ūndū mīl endūrū.

⁴² Ovugi iyi mori umnesenugkik; Im polsugkū sĭ umnakĭugi worevīugi lap enugkĭk, etūsiugi.

⁴³ Kĭmūrĭgi yemenūwi memokū, Elentugi numpūnaram makan pugi novsen nakan enugkĭk;

⁴⁴ kō ya umanūwi pugkūm memagkū, Ufielentokonda ōvum novsen nakan enugkĭmi; ūnūwi nam paū punora mori urunelelugkūm; ūvĭeves iranda mori umnakan pugkūm; mufwaki nĭsekonda mori umuntavūntan sat irami mūmanpīĭndi kĭmi;

⁴⁵ ma kĭmi wanti ōvun netnime eni Itemen kĭmi ūnpokūp ĭt iyi umeselieli nĭpminen umentūok iranda ōvetemĭndi mōveteme aremī, mementamūli nebĭp iranda ovun tanepō īnōvun sempiri.

⁴⁶ It nagku kūmnelentokonda wokon mori umnelentugkūm, kĭmi, kwampĭ nĭpmi entie? ĭt Ovun lĭvsaū nalekon umnumpi sugkū kū? Im nagku kūmanūwi mūmagkū,

⁴⁷ kĭmi paū, punora rapmisĭeme wokon, kūmnumpi mōmū aremī iranda ovun nelebōkevat kū? Ovun lĭvsaū nalekon umnumpi sugkū kū?

⁴⁸ Uti kĭmi aremī ĭndōwi sugkū Itemen kĭmi ūnpokūp aremī ĭndōwi.