Matiyu 3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Penūri imo nempugon Yōane baptiso yivelum memtorenūwisah ra nūrū wokon ra Yūdia memokū,

² Uvĭeves nōwami ĭt lō ūnpokūp umpotipot;

³ ĭt Isēya profet yep-menūwi ugi iyi memokū, Navian eni sī umentorenūwisah ra nūrū wokon, Utĭ selat alam nĭsekon Novsūro-mon, wumpi nugko ōvun selemsug eni.

⁴ Miyi Yōane yemevīugi noveliran kamel memetōetĭgi nokolistan, ĭm nevag eni yeti wōfi, ĭm huni ra nūrū wokon.

⁵ Mirora sū ra Yerūsalem ĭm nūrū sū Yūdia,

⁶ ĭm nū ū sū nagkaūugi Yordan dūmūve pugi mūrnūvĭ baptĭsma iranda marugi iyi ra Yordan mūmūnūatumpeni sat sū enirora.

⁷ Miyi yemokesora ōvun Faresi mōvum Somūl sikat dūmūvelum ra baptĭsma eni, memenūwi punora memokū, Ovun netnime neskil! mē okosemevsi pugkūm woralō marugi narakĭ umampelum?

⁸ Uvūo kĭmi ugi ōvun novūan ves marugi nōwami ĭtevaū;

⁹ mūtūsepen enūwi pugkūm tuagkū, Ebraham ĭtemen enugkos; ĭt ya umanūwi pugkūm memagkū, Nōbū faneteme wore-vitūohsah ōvuu netnime iran Ebraham marugi imo nevat sū.

¹⁰ Im marima otipe ūtevil ra nōatnin nē sū; ĭm nē sū mori ūtūmampūo novūan aremī, wandevi muntafugi ra nom.

¹¹ Ya umbaptiso irami ugi nū wokon ma kĭmi kwampĭeves nōwami; kō iyi mori umampelum penūri yaū mōmū horog irag, yaū tawi aremī mamsi woravan eni ra nōwon; iyi ambaptiso irami ugi Naviat Tumpora ĭm nom;

¹² sĭv eni ra nokoven miyi onaroven sū ōvun novūan eni mō menalekon semsimugi whit eni ūnisog woretavĭnapon eni; kō novkĭlien iyi atni ugi nom otū onesili.

¹³ Im Iesū yemne ra Kalĭli mĭmpelum ra Yordan pugi Yōane worevĭ baptĭsma iran marugi iyi.

¹⁴ Kō Yōane yematipotni worenūali pugi, memenūwi memokū, Mōmū aremī kĭk ambaptiso irag, ĭm kĭk okovelum po yaū.

¹⁵ Im Iesū yemtamsi memenūwi pugi memokū, Etū atekĭsah marima, ĭt aremī kos kwagkompeli entiame tanepō: miyi yetū atekĭsah.

¹⁶ Im pol sugkū Iesū yivī baptisma iran, marimago yivesah marugi nū; ĭm pokūp yemtīpelah iran, miyi yemokesi Naviat eni Nōbū yemyep sugkū ūmpon memtasi iran;

¹⁷ ĭm sī navian yemne ūnisog pokūp mori memenūwi memokū, Imo Netūg, paū, ya ūmampekotekat ugi iyi.