Matiyu 26 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Iesū yemenūwi aveni imo nam mōmenūwi punora ōvun nūrie eni memokū, kūmagkili paska winag,

² mirora wonempirĭgi Netni eni neteme montalugi ra nēūmparum.

³ Mōvun tavsogi tumpora, mōvun somūl mōveteme talam marokonda ōvun netevokontū dūmūsepen semsimokonda ūnisog nimo eni Kēafas tavsogi tumpora mūmnaūor,

⁴ mūmōkū wonelekavi Iesū ugi nempiri, montalugi.

⁵ Kō irora dūmūnūwi mūmōkū, Tawi ra nempugon paska, kū en tawi ōvun numpūn lō wonumpi nesesaū.

⁶ Im pol sugkū Iesū ra Betani, ra nimo eni Sĭmon neteme lepros,

⁷ sī nasiven yivelum pugi memuriuki bokis alabaster ugi dumpon ves, tamas aremĭ, memwosĭligi ra numpūn eni Iesū polekū iyi yemtesĭgi.

⁸ Mōvun nūrie eni dūmōkesi mūmūrakĭ mūmūnūwi mūmōkū Mamsugi umagkĭmi imo?

⁹ Nagkū pemampasĭgi nagi mori, pivī nĭpmi tamas worovunōra ōvun narumkor.

¹⁰ Iesū yemokili ugi, iyi yemtagkelora menūwi memokū, Irantie kūmoiugūri nasiven? iyi umpi numpūrahves irag.

¹¹ Ovun narumkor dal kĭmi dan sū; kō ya otūantendōwi dal kĭmi dan sū.

¹² It iyi okowosĭlĭgi imo dumpon ra nokolĭsirag nĭmsĭn wortenumi yaū.

¹³ Itnesog, ya umanūwi pugkūm memagkū, ra nūrūsū nūrūsū yūi wontorenūwisah imo nam navosavos, yūi wanūwi sugkū magkū ugi imo, imo nasiven umpi, warentemi iyi.

¹⁴ Im sĭ ra irora twelv, Yūdas Iskariot yive punora ōvun tavsogi tumpora, memenūwi punora memokū,

¹⁵ Kĭmi kwampo yaū tie woretenĭmpe iyi pugkūm? Mirora dūmūnūwi mūmōkū, Ovun peni wun hunder ĭm fīfti.

¹⁶ Marugi imo nempugon iyi yemeserugi nempugon aremĭ worenempirĭgi iyi.

¹⁷ Ra dan nōbūm woreni paska, ōvun nūrie mori dūmūvelum pugi Iesū, mūmūtagkeli mūmōkū, Ia kemagkū ka kelisiman nisekom woreni paska?

¹⁸ Miyi yemenūwi memokū, Uve ra sĭti pugi sī neteme mūnūwi pugi mokū, Iyi Novsūromon onūwi mokū, Okovelum nempugon mori enyaū; ya oneni paska dal ōvun nūrie enyaū ra nimo enugkĭk.

¹⁹ Mōvun nūrie dūmumpi sugkū iyi yempasiwokonda, mūmūsiman paska mori.

^20-21 Im pōarap-arap iyi yemtesĭgi dal irora Twelv. Im polekū irora dūmoni, iyi yemenūwi memokū, ĭtnesog, ya umanuwi, sī ra kĭmi onempiriwokoyaū.

²² Mirora dūmūrĭgi sat tamas wokon, mūmatipotni woresepen tagkeli iyi mokū, Novsūromon, yaū kū? irorago sugkū.

²³ Miyi yemtamsi memenūwi memokū, Iyi umantipe nokoven eni ūnisog nūrah ūndū yaū, iyi mori onempiriwoko yaū.

²⁴ Iyi Netni eni neteme umampe sugkū yepmetĭyi memokū ugi, kō ōwi iran neteme mori onempirĭgi iran Netni eni neteme! aremĭ nĭsekon neteme mori nagkū iyi petūmumprokomol.

²⁵ Im Yūdas mori yempirĭgi iyi, yemtagkeli memokū, Rabĭ, yaū kū? Iyi yemenūwipugi memokū, kĭk onūwi.

²⁶ Im pol sugkū irora dūmoni paska Iesū yivī yōūp, memumpalugi, memorūsevi, memovunora ōvun nūrie eni, memenūwi memokū, Uvĭ, moni; imo nokolĭsirag.

²⁷ Miyi yivī kup mōmumpalugi, memovunora, mōmenūwi memokū, Umoneki, kĭmi sū, marugi;

²⁸ ĭt imo de enyaū ugi nam ūnam ĭtevaū, umwosĭlĭgi mori nĭsekonda sikat nĭmsĭm nefielĭntugi sat sū.

²⁹ Im ya umanūwi pugkūm memagkū, Ya otūōmamoneki marugi imo dumpon vin afeli dan ya ōmamoneki ĭtevaū dal kimi ra lō eni Itemen yaū.

³⁰ Mirora dūmūsemi narūfo, mūmūtūratumpeni ilat, mūmūve ra numpūo Olivet.

³¹ Im Iesu yemenūwi punora memokū, kimi sū kwonatōriki popōwo ugi yaū imo pūmrok, ĭt yepmetīyi memokū, Ya ontĭ neteme navles ra ovun pugipugi im umnaseviokonda ovun pugipugi ĭsūt;

³² kō penūri nevsorasah enyaū ya opmampūm irami ra Kalĭli.

³³ Piter yemtamsi memenūwi pugi memokū, Nagkū omwisū wontōriki ugi kĭk, tawi yaū; ya otūontōriki popōwo ugi kĭk, tawi.

³⁴ Iesū yemenūwi pugi memokū, Itnesog imo pūmrok, pol sugkū netūo otūonasora, kĭk anūaveni yaū nempugon desel.

³⁵ Piter yōmenūwi pugi memokū, Nagkū ya amas ūndū kĭk, tawi sugkū, ya otūavenok. Movun nūrie omwisū dūmūnūwi īnūmōkū sugkū.

³⁶ Iesū yivelum dal irora ra sī nūrū, nin Ketsemane, memenūwi punora ovun nūrie memokū, Utelap ĭgko, ĭm ya ampelah memufwaki nĭmpe.

³⁷ Miyi yemtori Piter, mov netnime endūrū eni Sepedi, mematipotni morĭgumpūnū tamas, memlaswoni iyi tamas.

³⁸ Miyi yōmenūwi punora memokū, Naviat enyaū umandĭgumpūnū tamas wokon sugkū nagkū yaū yōimas; ūrokotelap ĭgko mavles dal yaū.

³⁹ Miyi yemorokavan lap, memokolugi nĭpmi memufwaki memokū, Itemen yaū, nagkū imo faneteme woreti sugkū, tenĭmpe pelah maroko yaū imo kup; kō tawi sugkū ya uinagkū ugi, kō kĭk.

⁴⁰ Miyi yivelum punora ovun nūrie mori memokesora dūmalēepō, memtagkeli Piter memokū, Pah, kimi tawi faneteme woravles dal yaū nempugon virok kū?

⁴¹ Wavles kimi, mūfwaki ma sugkū kūtūomol ra tapmi; po navaiat umagkū ugi, kō nokolisiran oturomorō.

⁴² Im nempugon dūrūgi iyi yōĭmpe mōmufwaki memokū, Itemen yaū, nagkū imo kup otūampe pelah marokoyaū, kū en tawi ya amoneki, aremi sugkū tarū enugkĭk.

⁴³ Miyi yōĭmpelum memokesora dūōmalēepō, ĭt nimĭnda yemumpoh.

⁴⁴ Miyi yōwi irora mōĭmpe mufwaki nempugon desel, memorūnenūwi nam siteven.

⁴⁵ Miyi yōĭmpelum punora ovun nūrie eni mōmenūwi punora memokū, Walēepō marima mūvenukūm; nempugon mori okovelum, umnempirĭgi Netni eni neteme ra nokovenda ovun numpindi.

⁴⁶ Utūok, kos lampe; okesi, iyi ĭgko mori umnempiriwokoyaū.

⁴⁷ Im pol sugkū iyi yetūnūwi sū, Yūdas, sĭ ra irora Twelv, yivelum, mōvun telienlō dal, sikat, mirora dūmūvĭōvun naūitūga tantop, mōvun ninum, mori ovun tavsogi tumpora, mōveteme Talam, dūmūvun ora.

⁴⁸ Miyi mori yempirĭgi iyi yepmovunora safi memenūwi memokū, Iyi sĭ Iyi mori ya osūgū iran, iyi pe iyi; ūrūleki.

⁴⁹ Marimago iyi yivelum pugi Iesū, memenūwi memokū, Kĭk e paū Rabĭ, memsūgū iran.

⁵⁰ Im Iesū yemtagkeli memokū, Avūg, kokevelum magkūo?

⁵¹ Mirora dūmūvelum, mūmūiūleki Iesū. Im sĭ ra irora mori dal Iesū yemēevan memasenduri naūitūga tantop eni, memtī sĭ lĭvsaū eni tavsogi tumpora, memtantevi telugon eni.

⁵² Kō Iesū yemenūwi pugi memokū, Ometipe naūitūga enugkĭk ra vēwon; ĭt irora mori ūmampĭ naūitūga wamas ugi naūitūga.

⁵³ Kĭk emagkū yaū tawi faneteme woresenĭgi, miyi Itemen yaū ontamūlora, ōvun angelō, twelv lĭdyon, ra nokorĭg, kū?

⁵⁴ Kō nagkū sugkū wonampesog nokowo nam ra ōvun netīyi tumpora, mori yepmenūwi memokū, imosū wanti sugkū?

⁵⁵ Ra imo nempugon Iesū yemenūwi punora ōvun telien lō memokū? Kĭmi kūvelum ugi ōvun naūitūga mōvun nirum, sugkū nagkū neteme neforugi, kū? Dan sū yaū morūn netesep dal kĭmi, memtavsogkūm ūnisog nimo tumpora, ĭm kūmūtūvi yaū.

⁵⁶ Kō dūmumpi imosū sugkū, mūmokompeli sū nam ra ōvun netīyi tumpora enirora ōvun profet memokū. Mōvūn nūrie eni omwisū dūmūwi iyi mūmalo.

⁵⁷ Mōveteme mori dūmūrūloki Iesū dūmūtōri pugi Kēafas tavsogi tumpora, yūi dūmūsemsimokonda ōvun Somūl, mōveteme Talam.

⁵⁸ Im Piter yemūri iyi ĭsūt ra nimo eni tavsogi tumpora, mive ūnisog, metesep dal ōvun lĭvsaū memokū, iyi agesi sū.

⁵⁹ Mōvun tavsogi tumpora, mōvun Talam, ĭm semsimak ōvun natemonōk nūrian omwisū dūmocorugi ōvun numpūvsok namlī iran Iesū, mūmōkū wontalugi.

⁶⁰ Mirora dūtōkesi; ōvun numpūvsok namli sikat dūmūvelum mūmūtesūĭ namlī; kō dūtōkesi. Im ra nĭsah dūrū ōvun numpūvsok namlīdūmūvelum mūmūtesuĭ namlī, mūmūnūwi mūmōkū,

⁶¹ Imo neteme yemenūwi memokū, Yaū faneteme woretasi nimo tumpora eni Nōbū, mōmenumpi ran dan desel.

⁶² Miyi tavsogi tumpora yemtūok metagkeli pugi memokū, kĭk otūmuntamsi, kū? Tie irora umuntesūi iram?

⁶³ Kō Iesu yematepū. Miyi tavsogi tumpora yōmenūwi pugi memokū, Ra nin eni Nōbū umnomūrep, ya umanūwi pugkĭk, Enūwi pugkam, nagku kĭk Kristo, Netni eni Nōbū.

⁶⁴ Iesu yemenūwi pugi memokū, kĭk onūwi. Im ya umanuwi pugkūm memagkū kimi kwagesi Netni eni neteme umantesep ra nokoven meves ugi horog, mōmampeltim ra ovun numpūaū ra pokūp.

⁶⁵ Miyi tavsogi tumpora yemtevaseri semplaūon eni mōmenūwi memokū, īyi onūwi nam sat; tie kos kĭmlawo woresorugi ovun numpūvsok mōmū? marima kūrĭgi nam sat eni.

⁶⁶ Kūmagkūo? Mirora dūtamsi mūmūnūwi mūmōkū, Iyi umnoworepatevi tovuni nemas.

⁶⁷ Mirora dūtūvani ra nĭmpi eni, mūmateki nĭpmi eni;

⁶⁸ ĭm nugkoneme dōmateki gi mumpon nokovenda, mūmūnūwi pugi mūmōkū, Enūwi pugkam Kristo, Mē oketak?

⁶⁹ Im Piter yemetesep pelah ra nimo; ĭm sĭ nasiven yive pugi memenūwi memokū, Im kĭk sugkū kemetendōwi ūndū Iesū neteme Kalĭli.

⁷⁰ Miyi yemenūaveni ūniminda omwisū memenūwi memokū, Ya umamgĭugi nam enugkĭk.

⁷¹ Im pol sugku iyi yive ra norĭyū sĭ mōmū nasiven yemokesi memenūwi punora yūi memokū, Iyi sugkū yetendōwi ūndū Iesū, neteme Nasaret.

⁷² Miyi yōmenūaveni memenūwi nam nugkugko memokū, Ya otūmagkili neteme mori.

⁷³ Penūri lap irora mori dūmūtūrū yūi dūmūvelum mūmūnūwi pugi Piter mūmōkū, Itnesog, kĭk sī ra irora; ĭt naviam umampĭatumpeni kĭk.

⁷⁴ Miyi yematipotni worenūwi nam navoret ĭm nugkugko wokon, memokū, Ya otūmagkili neteme mori; marimago netūo yemasora.

⁷⁵ Im Piter yementemi nam eni Iesū mori iyi yepmenūwi pugi memokū, Pol sugkū netūo otū onasora, kĭk anūaveni yaū nempugon desel. Miyi yive ilat, memageri tamas.