Matiyu 25 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ra imo dan lō ūnpokūp anti sugkū ōvun ĭtnumpokon narōlem mori dūmūvĭ ōvun lamp enirora mūmūve worevtet iran neteme yempōhelah;

² ĭm sūkrĭm ra irora ōvun nelekon, ĭm sūkrĭm ōvun numgī.

³ Ovun numgī dūmūvĭ ōvun lamp enirora mūtūvĭ dumpon nĭmsĭn;

⁴ kō ōvun nelekon dūmūvĭ dumpon ra ōvun nūrah sugkū, nĭmsĭn ōvun lamp enirora.

⁵ Miyi asūon yetuvelumĭtnum, mirora sū dūmūselah malēepo.

⁶ Yetūnemes pūmrok dūmasora mūmōkū, Asūon umamprokovelum, ūve worevtet iran.

⁷ Mōvun ĭtnumpōkon omwisū dūmūtūok mūmaroven ōvun lamp enirora.

⁸ Mōvun numgĭ dūmūnūwi punora ōvun nelekon mūmōkū, Uvugkam wi dumpon enugkĭmi ĭt ōvun lamp enugkam ūmnoremismis.

⁹ Mōvun nelekon dūmūnūwi punora mūmōkū, Onevirok nĭsekomam ĭm nĭsekomi, kū? ūveve punora ūmantipe enirora mūvasĭgi nĭsekomi.

¹⁰ Im pol sugkū iroro dūmūve worevasĭgi asūon mori yivelum, mirora mori dūtavesves dūmūve ūnisog dal iyi ra nempōhelah; mūmūsumpat būkitampet.

¹¹ Penūri imo nugkoneme ōvun ĭtnumpokon mori dūmuvelum, mūmūnūwi mūmōkū, Narisah, narisah, tĭpelah iramam;

¹² kō iyi yemenūwi punora memokū, Itnesog ya umanūwi pugkūm memagkū, Ya otūmagkilokūm.

¹³ Wavles kĭmĭ, popōwo kūmūtūmagkili dan, kū nugkon dan pol sugkū Netni eni neteme ōmampelum.

¹⁴ It iyi Netni eni neteme sugkū sĭ neteme mori yemokū iyi ampe ra nūrū sĭ, memovrokonda ōvun lĭvsaū eni, memafēokondugi netevote eni.

¹⁵ Iyi yemovugi sĭ ōvun peni tūrti taūsan, ĭm sĭ twelv taūsan; ĭm sī wun taūsan, sugkū nōĭntanwi enirora irorago; miyi yive.

¹⁶ Neteme mori yivĭ ōvun peni turti taūsan yive memsēevasi dal mōĭmpĭ ōvun peni turti taūsan mōmū dal;

¹⁷ miyi mori yivĭ twelv taūsan iyi yōĭmpĭ twelv taūsan mōmū dal;

¹⁸ miyi mori yivĭ wun taūsan yive memokol ra nemap memetiumpeni muni eni Narisah eni.

¹⁹ Penūri nempugon tantop narisah enirora ōvun lĭvsaū mori yōĭmpelum memesorugi ōvun numpūrah enirora.

²⁰ Miyi mori yivĭ ovun peni turti taūsan yivelum mempī ĭm pelum ōvun peni turti taūsan mōmū dal, memenūwi memokū, Narisah, kemovoyaū ōvun peni turti taūsan; okesi, ōvun peni turti taūsan mōmū sugkū, mori ya ōĭmpi ugi sēevasi Narisah eni yemenūwi pugi memokū, Aremī lĭvsaū aremī ĭpn tanepō;

²¹ kemumpi tanepō ugi virok, ya antipe kĭk worivūo ugi sikat, elum ūnisog navos ūndū Narisah enugkĭk.

²² Miyi mori yivī ōvun peni twelv taūsan yivelum memenūwi memokū Narisah, kemovoyaū ōvun peni twelv taūsan; okesi, ōvun peni twelv taūsan mōmū sugkū, mori ya ōĭmpī ugi sēevasi.

²³ Narisah eni yemenūwi pugi memokū, Aremī lĭvsaū aremī ĭm tanepō; kemumpi tanepō ugi virok, ya antipe kĭk worivūo ugi sikat; elum ūnisog navos ūndū, Narisah enugkĭk.

²⁴ Miyi mori yivĭ ōvun peni wun taūsan yivelum memenūwi memokū, Narisah, yaū mokilok, ma kĭk neteme nugkugko, kemnalekon ra nūru kemetūmnaseviugi novsen, ĭm kemesemsimugi yūi kotūmantipe,

²⁵ ĭm yaū memtetug kĭk, mempe memetiumpeni ōvun peni Wun taūsan enugkĭk ra nemap; okesi, enugkĭk.

²⁶ Narisah eni yemtamsi memenūwi pugi memokū, Lĭvsaū sat ĭm nĭmrū, kemokili ya umnalekon ra nūrū yūi yaū metūn naseviugi novsen; memesemsimugi yūi yaū metūmantipe;

²⁷ ĭm popōwo imo sugkū, irantie kemetūtipe muni enyaū punora ōveteme nevasi ma yaū pol sugkū pivelum pivī enyaū ĭm mōmū sugkū?

²⁸ Uvī marugi ōvun peni mori, mūvugi iyi mori pepĭmpi turti taūsan.

²⁹ Popōwo iyi sī ūmantipe eni ampĭ mōmū, miyi antipe eni sikat; miyi sĭ otūtipe eni, wampī parugi imo iyi umantipe;

³⁰ mūtafugi ratilat lĭvsaū nĭmrū ra nūrū nelebōkevat tamas; yūi wontugagerisah moneltirit nogūn.

³¹ Pol sugkū Netni eni neteme ōmampelum ra nilasilaswi eni, mōvun agelō tumpora omwisū dal, iyi antesep ran tan potnumpūtūo nilasilaswi eni,

³² ĭm lōsū omwisū wosemsimokonda ūnĭpmi eni, miyi ontevavwora, sugkū sĭ neteme mantevavwora ōvun pugipugi, mōvun nani.

³³ Miyi antipe ōvun pugipugi ra nokoven meves eni, mōvun nani ra moor.

³⁴ Miyi Novsūromon anūwi punora ra nokoven meves eni magkū, Uvelum kĭmi ōvun nevĭeves eni Itemen yaū, ūvĭ lō yepĭmsiman nĭsekomi marugi natipotni nemap;

³⁵ ĭt yaū ĭm temas ĭm kĭmūvo yaū nevag; yaū meviumnok ĭm kĭmovoyaū nū, yaū dōmo ĭm kūmūtōri yaū ūnisog;

³⁶ tawi nemas enyaū ĭm kĭmevĭ yaū ugi; yaū mamarat ĭm kĭmūtnemi yaū; yaū ra nimo nugkugko ĭm kĭmūvelum po yaū.

³⁷ Movun tanepō wontamsi manūwi pugi magkū, Novsūrom, Nĭgoi lokesok ĭm temas ĭm lavugunok? kū meviumnok ĭm lovunok nū.

³⁸ Nĭgoi kam lokesok dōmo ĭm litōrok ūnisog? kū mavan wokōn ĭm levakugi?

³⁹ kū nĭgoi kam lokesok mamarat, kū ra nimo nugkugko, ĭm livelah?

⁴⁰ Miyi Novsūromon ontamsi manūwi punora magkū, Itnesog ya umanūwi pugkūm magkū, Popōwo kĭmumpi nĭsekon sĭ iroramo virok ravūgsieme, kĭmumpi nĭs kog.

⁴¹ Miyi anūwi punora ra nokoven moor eni magkū, Uve pelah marokoyaū, kĭmi ōvun navoret, ra nom ĭndōwi, mori yepĭmsiman nĭsekon Sētan mōvun agelō eni;

⁴² ĭt yaū ĭm temas ĭm kĭmūtūavuguni yaū; yaū meviumnōk, ĭm kĭmūtovo yaū nū;

⁴³ yaū dōmo, ĭm kĭmetū tōri yaū ūnisog; yaū mavan wokon, ĭm kĭmūtūevĭ yaū ugi; yaū mamarat, ĭm ra nimo nugkugko, ĭm kĭmūtūvelum woratnemi yaū.

⁴⁴ Mirora wontamsi montagkeli magkū, Novsūromon, nĭgoi kam lokesok ĭm temas ĭ kū meviumnōk? kū sī dōmo memavan wokon ĭ kū mamarat, ĭm ra nimo nugkugko, im letūm torugat iram?

⁴⁵ Miyi ontamsi manūwi punora magkū, Itnesog, ya umanūwi pugkūm magkū, Popōwo kĭmetūumpi nĭsekon, sĭ ra imosū virok, kĭmetūumpi nĭsekog.

⁴⁶ Im imosū wampe pelah ra tampenĭgi ra sokomulep ĭndōwi ĭndōwi; kō ōvun tanepō ra nomūrep ūbrūni.