Matiyu 23 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im Iesū yemenūwi punora ōvun numpūm lō, mōvun nūrie eni memokū,

² Ovun Somūl mōvun Faresi ūmantesep ra woretesep eni Mōses;

³ ĭm tiame sū irora wonempasewugkūm worefĭnte, ūfĭnte mumpi, kō ūtūumpi sugkū irora umnumpi,

⁴ ĭt irora ūmanūwi mūtūmnumpi. Irora umĭeti en tiame numpōhentom mori ūmnelĭleki iranda ōveteme, mūmantipe ra nevlokonda woretantĭlni; kō irora ūtūonaverora ugi sĭ dugerugon enirora.

⁵ Irora ūmnumpi tiamesū ma sugkū ōveteme wagesora, mūmnumpi fĭlakteri enirora tamas, mōv nemas enirora tantop,

⁶ mūmnelintugi ōvun woretesep ra nūsian aremĭ ra ōvun narĭgari, ĭm ra nimo sū tavsogi sugkū, ĭm nam paū ugi nelintokonda ra nūrū sū nevasi,

⁷ mōveteme worovrugi ninda magkū, Rabĭ, Rabĭ.

⁸ Kō kĭmi ūtūnūwi nimi ugi ōveteme, Rabĭ; sĭteven Novsūromon enugkĭmi, Krĭstō, ĭm kĭmi sū ravensĭeme;

⁹ mūtūtōkū sĭ ra nemap, Nate, ĭt iyi sĭteven ūnpokūp, Itemenekūm;

¹⁰ mūtūnūwi nimi ugi ōveteme ōvun Atemonōk, iyi sĭteven natemonōk enugkĭmi Krĭstō.

¹¹ Kō iyi sĭ kĭmi ra nūsian anti lĭvsaū enugkĭmi; miyi sĭ asepen mesendiukisah iyi, antinwīsep iyi;

¹² miyi sī asepen nevĭsep iyi, anti nevīsah iyi.

¹³ Owĭ irami ōvun somūl, mōvun Faresi, ōvun nĭmpiri! ĭt kĭmi kūmūsumpat pokūp morokonda ōveteme; kĭmi kūtū mĭntorĭmpe, ĭm kĭmi kūmūsumpatamtokonda mori ūmagkū worĭntorĭmpe.

¹⁴ Owĭ ĭrami, ōvun Somol, mōvun Faresi, ōvun nĭmpiri! ĭt kūmĭntoreforugi en tiame isenda ōvun neviumpewi, mō mūmnufwaki nĭmpugon tantop worĭmpiri ugi; atĭn tampenĭgi mōmū tamas irami; kwonumpi iyi netemĭndi mōmū irami.

¹⁵ Owī irami, ōvun Somol, mōvun Faresi, ōvun nĭmpiri! ĭt kĭm wavrivrū ran tok, mō ĭm nesorugi magkaū nemap, woretōri sĭ nūriē, ĭm pol sugkū kūmampī iyi, kūmnumpi iyi netemĭndi mōmū tamas irami.

¹⁶ Owī irami ōvun tavsogi nĭmtēi, kūmanūwi magkū, Iyisĭ nūwi nam ūnam magkū ugi nimo tumpora, anūwi nam wokon; kō iyi sī anūwi nam ūnam magkū ugi kōld ra imo tumpora, andūleki iyi.

¹⁷ Ovun sempia mōvun nĭmtēi! itokowo nūsian aremī, kōld kū nimo mori umnumkōld tumpora?

¹⁸ Miyi sĭ anūwi nam ūnam ugi nefati anūwd wokon; kō iyi sĭ anūwi ugi ĭtemas woresakrefĭs ugi ran tan, andūleki.

¹⁹ Ovun numgī mōvun nĭmtēi! itokowo nūsian aremī, ĭtemas mori kū nefati mori umnumpi pe sakrefĭs tumpora.

²⁰ Popōwo imo sugkū, iyi sī umanūwi nam ūnam ugi nefati, iyi umanūwi nam ūnam ugi ĭm tiamesū ran tan sugkū.

²¹ Miyi sī umanūwi ugi miyi mōri umantendōwi ūnisog.

²² Miyi sī umanūwi nam ūnam ugi pokūp, iyi umanūwi ugi potnumpūtūo eni Nōbū, ĭm Iyi mori umantesep ran tan sugkū.

²³ Owī irami ōvun Somūl, mōvun Faresi! ōvun nempiei! ĭt kūmūntalōkugi nugkon ran topavo nēmpen ves, ĭm anĭs, ĭm topavo nakan, kō kūtūumpi sugkū sēlnivinam ugi nūrian tanepō, ĭm togesoveli, ĭm tavniri; aremī kūp-mūmnumpi imosū mūtūwi mori mōmū.

²⁴ Ovun tavsogi nĭmtēi! Kūmnetĭ marugi nū ūlag, mūmūtagule kamel.

²⁵ Owĭ irami ōvun Somūl, mōvun Faresi, ōvun nempiri! ĭt kūmūsendumsi kup ĭm plēt ratilat, kō ratūnisog ūvūarugi torefora ĭm nelasivian sat.

²⁶ Faresi nĭmtēi! sendumsi mampūm ratūnisog kup ĭm plēt ma sugkū imo ratilat anti sentevives.

²⁷ Owĭ irami ōvun Somūl mōvun Faresi, ōvun nempiri! ĭt kĭmi sugkū ōvun velitenemi ūmnumpi nesebo, umagesi ratilat aremī, mūnisog umampūarugi ōvun nōiran ōveteme nemás, ĭm tiame nelĭlūo.

²⁸ Unimĭnda ōveteme kĭmi sugkū tanepo, kō ūmnovūarugi ūnōwami nempiri ĭm satĭndi.

²⁹ Owī irami ōvun Somūl mōvun Faresi! popōwo kĭmi kūmnumpi ōvun velitenemi enirora ōvun profet mūmumpietovtam ōvun nokol enirora ōvun tanepō, mūmanūwi mūmagkū,

³⁰ Nagkū kos dal irora ritemendeme enugkos, kos pletūwosĭlĭgi de enirora ōvun profet dal irora.

³¹ Im kĭmi kūmūsepen numpūvsok pugkūm ma kĭmi ōvun netnime enirora mori dūmūtalokonda ōvun profet.

³² Ukompeli sū satĭndi enirora ritemendeme enugkĭmi.

³³ Ovun neskil mōvun vīper! kĭmi kwalevi navoret ra neswate nokowo?

³⁴ Urĭgi, ya umentamūlora ōvun profet mōveteme nōĭntanwi, mōvun tavsogi, ĭm nugkon ra irora kĭmi kwontalugi, nugkon ra nēūmparum, ĭm nugkon kwamselatevora ūnisog ōvun nimo tavsogi enugkĭmi, montelesora marugi ōvun sĭti;

³⁵ ma sugkū wonesovolekūm ugi de sū umandūnwosĭlĭgi ra nemap sū, marugi de eni Ebel neteme tanepō mafeli de eni Sakarīa netni eni Barakĭa mori kūtalugi iyi ĭlebōteven nimo tumpora ĭm nefati;

³⁶ ĭtnesog ya umanūwi pugkūm magkū, wonesovolekūm ra imo palsi ugi imosū omwisū.

³⁷ Yerūsalem, Yerūsalem kementalokonda ōvun profet, memantevorugi nevat yemorūn tandekōwora pugkūm, yaū morūnakīugi woresemsimokonda ōvun netnime enugkĭk sugkū netūo umentenakevokevora ōvun netnime eni ĭm kūmūtūakĭugi.

³⁸ Pah, nimo enugkĭmi ōwi sep pugkūm nimakelep;

³⁹ it ya umanūwi pugkūm memagkū kĭmi kūtūōmagkusi yaū afeli nempugon kwanūwi nĭagkū, Nevĭeves iyi mori ōmemampelum ra nin eni Novsūromon.