Matiyu 22 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Iesū yemtamsi mōmenūwi punora ugi ōvun parabel, memokū,

² Lō ūnpokūp sugkū sĭ Natemonōk ra nūsian mori yemnaragū ra nempokelah nĭsekon netni ĭtnateman eni.

³ Miyi yemtamūlora ōvun lĭvsaū eni woretōrora mori iyi yepmemtantūrū ugi nempokelah mirora dūtnōkū ūtūampelah.

⁴ Miyi yōemtamūlora mōmū ōvun lĭvsaū memenūwi punora memokū, Unūwi punora mori yepmovrokonda mōkū, Urĭgi, ya okosiman narĭgari enyaū; ūralokonda ōvun kūrimataū enyaū, mōv nūrah nūval mūsiman sū; ūvelum ra narĭgari ugi nempōkēlah.

⁵ Kō irora dūtūtarūgi mūmuve pelah, sī ra denūok eni, ĭm sī woresēevasi;

⁶ ĭm nugkoneme dūmūvĭ ōvun lĭvsaū isen mūmagepī iranda, mō mūtalokonda.

⁷ Miyi fan lō yemorĭgi mō marakĭ memtamūĭora ōvun umpako eni, mō mūtalokonda ōvun temelemel, mō matni ūntemne isenda;

⁸ miyi yōmenūwi punora ōvun lĭvsaū eni memokū, Pah, narĭyari osiman sū, kō irora mori dūpmūtantūrū, tawi aremī;

⁹ ūveve ūselat sū alam mō mūtantūrū sū mori kĭmi kwagesi, wagkū irora wampelum ra narĭgari ra nĭmpokelah.

¹⁰ Mōvun lĭvsaū mori dūmūve ra selat sū alam mō mūvrokonda omwisū mori dūmōkesi, ūr ĭm aremī; ĭm ra mumpon sĭlebok ra narĭgari dūmūtesĭgi sikat.

¹¹ Im pol sugkū iyi fan lō yentorĭmpe ūnisog worokesora mori dūmovrokonda, yemokesi sĭ neteme dal, miyi yetūvīugi sĭmplaūon aremī ra narĭgari,

¹² miyi yemenūwi pugi memokū, Avūg, kĭk oleki nokowo, ĭm pelum ĭgko, ĭm mampūm metūvakugi nemas ra narĭgari? Miyi yematepū.

¹³ Fan lō yemenūwi punora ōvun torugat eni memokū, Uiti iyi ugi nokoven ĭm nōan, mō mūriuki mō mūtafugi ratilat ra mumpon nūrū iyūi nĭlebōkevat wokon;

¹⁴ wontugagerisah moneltirit nogūn; ĭt umam perokonda sikat, kō umuntampolora tawi sikat.

¹⁵ Penūri imo ōvun Faresi dūmūve irorago mūmūsepen enūwi mūmōkū nokowo wandūleki iyi ugi nam eni.

¹⁶ Mirora dūtamūlora pugi ōvun nūrie enirora dal ōvun nūrie eni Herod, mirora dūmūnūwi pugi mūmōkū, Tavsogi, Ka kemlagkili ma kĭk ĭtnesog, ĭm kĭk ementavsogi ves ugi selat eni Nōbū, ĭm kĭk otūmamtetokonda ōveteme;

¹⁷ Kemagkū tie? sugkū selnivi nam mampugi Sisar muni mori kū?

¹⁸ Enūwi pugkam. Kō Iesu yemelavenūri satĭndi enirora memenūwi punora memokū, Ovun nempiri kūmuntapmi yaū irantie?

¹⁹ Sesi po yaū sī peni. Mirora dūmūvugi sĭ. Miyi yemtagkelora memokū,

²⁰ Imo safi ĭm netīyi nam, ugi mē? Mirora dūmūnūwi mūmōkū, Sisar.

²¹ Miyi yōmenūwi punora memokū, Uvugi Sisar tiame eni Sisar mūvugi Nōbū tiame eni Nōbū.

²² Mirora dūmūrĭgi mūmovkeritwi mūmūwi iyi mūmūve pelah.

²³ Imo dan ōvun Sadūsi dūmūvelum pugi mori ūmagkū ōveteme ūtūamsorasah marugi nemas, mirora dūmūtagkeli iyi mūmōkū,

²⁴ Tavsogi, Moses yemenūwi memokū, nagkū sī neteme amas ĭm tawi netni, avensī eni ōmampī retepon eni mentorora ōvun netnime nĭsekon avensĭ eni.

²⁵ Ravensĭeme seven dūmūtendowi dalkam mĭtnetemefe yemetovrugi sī nasiven miyi yimas ĭm tawi netni eni, memtenĭmpe retepon eni pugi avinsĭ;

²⁶ miyi dūrūgi sugkū; ĭm deselugi sugkū mirora sū seven sugkū;

^27-28 Miyi nasiven yimas ra nisah; Im ra nevsorasah, iyi anti retepon enemē, ĭt irora seven dūmotovrugi iyi.

²⁹ Im Iesū yemtamsi memenūwi punora memokū, Kĭmi kūmasepen tarūgi wokon popōwo kūtūmagkili ōvun netīyi tumpora, kū horog eni Nōbū;

³⁰ Ra nevsorasah irora ūtūōmenetorugi, mūtūōmanteventorugi, kō wanti sugkū ōvun agelō eni Nōbū ūnpokūp.

³¹ Kō ugi nevsorasah marugi nemas Kĭmi kūtūsepi imo mori Nōbū yemenūwi pugkūm memokū,

³² Yaū Nōbū eni Ebraham, ĭm Nōbū eni Isak ĭm Nōbū eni Yakob, miyi Nōbū tawi Nōbū enirora ōveteme nemás, kō enirora mori emnomūrep.

³³ Mōv numpūn lō mori dūmūrĭgi mūmōvkeritwi ra nam tavsogi eni.

³⁴ Mōvun Faresi dūmūrĭgi nam ma iyi yemumpi natepū ōvun Sadūsi, mūmūsepen semsimokonda pugi;

³⁵ ĭm sī ra irora, neteme Somūl, yemtagkeli memokū,

³⁶ Tavsogi selnivi nam ra nūsian itokowo? memokū mentapmi iyi.

³⁷ Im Iesū yemenūwi pugi memokū, Konelintugi Iehōva Nōbū enugkĭk ugi nōwom omwisū mugi naviat omwisū enugkĭk, mugi nōĭntanwi omwisū enugkĭk;

³⁸ imo selnivi nam ra nōbūm ra nūsian; ĭm dūrūgū sugkū ra nōbūm,

³⁹ Konelintugi numpūnaram sugkū kĭk pe kĭk;

⁴⁰ imo endūrū potnĭnda ōvun selnivi nam mōvun profet.

⁴¹ Im pol sugkū ōvun Faresi dūmūsemsimokonda Iesū yemtagkelora memokū,

⁴² Kūmagkūntie ugi iyi mori Krĭstō ĭ Iyi Netni ene mē? Mirora dūmūnūwi pugi mūmōkū, Eni Dēvĭd. Miyi yōemtagkelora memokū,

⁴³ Im nokowo Dēvĭd yemenūwi ugi Naviat memokū, iyi Novsūromon eni; iyi yemenūwi memokū,

⁴⁴ Iyi Novsūronn a yemenūwi pugi Novsūromon enyaū memokū, Etesep ra nokovūg meves afeli nempugon ya osempelokepegi ōvun novsen nakan enugkĭk ūnōam.

⁴⁵ Nagkū Dēvĭd umanūwi magkū, Novsūromon enyaū, iyi netni eni nokowo?

⁴⁶ Im tawi sī faneteme worōmentamsi manūwi sī nam pugi; tawi sĭ yemsēemoiemo worōmen-tagkeli sī nam.