Matiyu 21 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im pol sugkū irora dūmūvelum potipot Yerūsalem, mūmūvelum mefeli Betfake ra numpūo Olivet, Iesū yemtamūlora dūrū ra ōvun nūriē eni,

² memenūwi punora memokū, ūve kĭmi ūntemne ūnimetemi, ĭm kĭmi kwagesi as, ĭm netni eni, mori oti neleki,

³ sūli mō mūtorora poyaū ĭm nagkū si anu wi sī en tie si pugkūm, kwanūwi magkū, iyi Novsūromōn umnakīwokonda; marimago iyi ontamūlora.

⁴ Dūroūtepū imō sū sugkū worampesog nam mori yeti ugi profet, yĭpmenūwi memokū,

⁵ Unūwi pugi ĭtnumpūkon eni Sĭon magkū, Pah, Fan lō enugkĭk umampelum pugkĭk; miyi oti noramel, mōmumprokotesep ran tan as, ĭm netni eni netni as woruriuki gĭn tan.

⁶ Mōvun nūriē dūmūve mōmumpi sugkū Iesū yempasewokonda, mōĭmtori as, ĭm netni eni,

⁷ mōmūtipe ōvun némas isenda ran tan as, mōmūvkisah iyi ran tanda;

⁸ mōvun telien lōsū dūmūviēeve ōvun nemas isenda ūselat; dūmūtanteve nugkelĭn nēsū mōmūieve ra selat;

⁹ mōvun naviransū mori dūmūbūm, mirora mori dūmūwi, dūmumprokovrugi mūmōkū, Hōsana ra Netni eni Dēvĭd; nevīeves iyi mori unprokovelum ra nin eni Iehōva; Hōsana ūnūrūsū tantevakepe.

¹⁰ Im polekū yivelum ra Yerūsalem omwisū ra sĭti dūmūyōūmple mūmūtagkeli mūmōkū, Mē imo?

¹¹ Mōvnumpūnlō dūmūnūwi mūmōkū, Imo Iesū profet ra Nasaret ra Kalĭli.

¹² Im Iesū yive ūnisog nimo tumpora eni Nobū memsatevokondasū mori dūmūvasi ūnisog nimo tumpora, miyi yemtorepesi ōvun nevlok enirora mori dūmūvasi ūmpon;

¹³ miyi yemenūwi punora memokū, Yemetiyi memokū, Wonatov nin magkū Nimo enyaū nimo worufwaki, kō kūmumpi veli enirora ōvun toreforo.

¹⁴ Mōvun nĭmtēi mōvun nōwumti dūmūvelum pugi ūnisog nimo tumpora miyi yemumkororĭgives.

¹⁵ Kō pol sugkū ōvun tavsogi tumpora mōvun somūl dūmōkesi ōvun numpūrah sū navlugi mori iyi yemumpi, mōvalalaū dūmovrugisah ūnisog nimo tumpora mūmūnūwi mūmōkū, Nēōwara paū, Netni eni Dēvĭd, irora dūmalokoi pugi,

¹⁶ mūmūnūwi pugi mūmōkū, Kĭk orĭgi nam imosū ūman ūwi, kū? Im Iesū yemenūwi punora memokū, Monokowo; Kĭmi kūtūmasepi imo nam kū, Marugi naveranda ōvalalaū kĭmampī numplĭn ves nĭsekom.

¹⁷ Miyi yemōwi irora mempe marugi sĭti ra Betani memorokote lap yūi.

¹⁸ Im prūbokom yōemtorĭleki ra sĭti miyi yemtemas.

¹⁹ Miyi yemokesi nē fĭk ra nokoren selat mempe pugi metōkesi sĭ novūan, ōvun nugkelĭn wokon, memenūwi pugi memokū Isūma; kotūōmampūo mōmū; marimago nē yemetū.

²⁰ Mōvun nūrie dūmōkesi mūmavlugi, mūmūnūwi mūmōkū, Okesi nē mori okemetū ĭtnum.

²¹ Iesū yemtamsi memenūwi punora memokū, Itnesog, ya umanūwi pug kūm memagkū, nagkū kĭmi kūmūtavniri mūtūtevrevorūwi, kĭmi kūtūwonumpi imo wokon ugi nē fĭk, kō hagkū kĭmi kwanūwi pugi imo numpūo magkū, Eve pelah marugi imo nūrū ĭm tafugi ran tok, imo onumpi sugkū.

²² Im tiamesū kĭmi kwosenĭgi ugi nūfwaki ĭm tavniri kĭmi kwampĭ.

²³ Miyi yive ūnisog nimo tumpora, mōvun tavsogi tumpora mōveteme talam ra lō dūmūvelum pugi nempugon iyi yemtavsogi; mirora dūmūtagkeli mūmōkū, Kĭk emnumpi imosū ugi horog ene mē? Mē yavunok imo horog?

²⁴ Im Iesū yemtamsi memenūwi pun ora memokū, Yaū sugkū, ya ontagkolekūm sĭ nam, ĭm nagkū Kĭmi Kwanūwi pe po yaū, ya anūwi pug kūm ugi pe horog mori yakum numpi imō sū:

²⁵ pe baptĭsma eni Yōane, yĭmnea? marugi pokūp? kū marugi ōveteme? Mirora dūmūtampi punora mūmōkū, Nagkū kos ke lanūwi ĭm lagkū, marugi pokūp; iyi anūwi magkū, Im irasiē kūmūtū tavnirĭgi iyi?

²⁶ ĭm nagkū kos ke lanūwi ĭm lagkū marugi ōveteme, kos ĭm lamtetokonda ōvun telien lō, ĭt irora sū umagkū Yōane sī profet.

²⁷ Mirora dūmūtamsi mūmūnūwi pugi Iesū, mūmōkū, Ka ke letū Kili. Miyi yōmenūwi punora memokū, Im ya otū anūwi pugkūm magkū ugi horog ene mē yakum numpi imo sū.

²⁸ Kō kūmagkūntie? Dūmūti ōvun netni endūrū eni sĭ neteme, miyi yive pugi ĭtnetemefi memenūwi pugi memokū, Netūg, eve irē mumpūrah ran denūok enyaū.

²⁹ Kō iyi yemtamsi memenūwi memokū, Eyi, ya otū ampe; penūri yemorĭgi sat ugi mō ĭmpe.

³⁰ Miyi yive pugi dūrūgi mōmenūwi sugkū, miyi yemtamsi memenūwi memokū, Ya ampe kō iyi yetūve.

³¹ Itokowo ra irora endūrū yemumpi sugkū nakĭugi eni ĭtemenda? Mirora dūmūnūwi pugi mūmōkū. Iyi nōbūm. Iesū yōmenūwi punora memokū, Itnesog ya umanūwi pugkūm memagkū ōvun lĭvsaū nalekon mōvun tōri umampūm irami ra lō eni Nōbū.

³² It Yōane yivelum pugkūm ugi tanepō ĭm kĭmi mūtūtavnirĭgi iyi, kō ōvun lĭvsaū nalekon, mōvun tōri dūmutevnirĭgi iyi, ĭm kĭmi mūmokesi mūtūvīeves nōwami sugkū ma wontavnirĭgi iyi.

³³ Urĭgi sī mōmu parabel. Sī neteme miyi yemumpi denūok memōgwi ugi vĭn memempī nagkaūugi, memumpi nimo ĭlebōteven nĭmsĭn novūan woretani, memumpi sĭ nimo tantop, memovugi lap punora ōvun nasemnūok mempe ra nūrū ĭsūt.

³⁴ Im ra nempugon memovūo iyi yemtamūlora ōvun lĭvsaū eni punora ōvun nasemnūok, memokū iyi ampī dumpon.

³⁵ Mōvun nasemnūok dūmūlekavi ōvun lĭvsaū eni mūmūvselatevi sĭ, mūmūtalugi sĭ, mūmūtevi ugi nevat sĭ mōmū.

³⁶ Penūri imo iyi yōemtamūlora mōmū ōvun lĭvsaū eni mirora dūmumpi iranda sugkū.

³⁷ Im ra nĭsah iyi yōemtamūli netni eni memesepen enūwi memokū, Irora wosesiēves netūg.

³⁸ Kō ōvun nasemnūok mori pol sugkū dūmōkesi netni eni dūmūsepen enūwi punora irora mūmōkū, Imo tampenum eni ĭtemen, ūvelum kos litalugi ĭm lampĭ nūrū mori nĭsekont.

³⁹ Mirora dūmūrūleki iyi mūmūtafugi ratilat denūok, mūmtalugi.

⁴⁰ Im pol sugkū neteme eni denūok mori ōmampelum iyi onumpi tie iranda ōvun nasemnūok mori?

⁴¹ Mirora dūmūnūwi pugi mūmōkū, Iyi ontevavteti irora ōvetemĭndi, mĭntenĭmpe lap denūok punora ōveteme mōmū mori wampugi novūan ra nempugon wampūo.

⁴² Ie-ū yemtagkelora memokū, Kĭmi kūtūmasepi imo ra netĭyi tumpora kū? Nevat mori ōveteme dūmumpi nimo mūmōkesi sat, yetipe mori napūtan nimo. Iehōva yemumpi sugkū ĭm imo sĭ navlugi ūnimĭnt.

⁴³ Popōwo imo sugkū ya umanūwi pugkūm memagkū, Ampī marugkūm lō eni Nōbū mampugi lō sī mori wampugi novūan.

⁴⁴ Miyi sī amol ra nevat mori mesumprokum ugi; kō nagkū amol iran sĭ kū sĭ ontarekirekon iyi.

⁴⁵ Im pol sugkū ōvun tavsogi horog mōvun Faresi dūmūrĭgi ōvun parabel eni, irora dūmūlavenūri mūmōkū iyi yemenūwi ugi irora.

⁴⁶ Mirora dūmakīugi wororūleki iyi, kō dūmūmtetokonda ōvun numpūn lō, ĭt irora dūmōkū iyi profet.