Matiyu 17 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Penūri dan sū sūkrĭmmesikĭ Iesū yivī Piter, ĭm Yakōbō, ĭm Yōane, avensĭ eni, memtōrora irorago, memsah ra numpūo tantop, miyi yesumpoli ūnĭmĭnda,

² nĭpmi eni yemeselĭ sugkū nĭpminen, ĭm nemas eni omwisū yetekosebo sugkū nilara;

³ ĭm Mōses ĭm Elīya dūmūvelum mūmūtampi dal iyi.

⁴ Im Piter yemtamsi memenūwi pugi Iesū memokū, Aremĭ kos ilete ĭgko; nagkū kemagkū kakelenumpi ĭgko ūvrok endesel, sĭ nĭsekom, Im sĭ nĭsekon Mōses, ĭm sĭ nĭsekom, Elĭya.

⁵ Im polekū iyi yemenūwi sĭ numpūaū nempes yemtenĭsevora, ĭm sĭ navian yemne marugi numpūaū memenūwi memokū, Imo Netūg paū ya umampekotekat ugi iyi;

⁶ Mōvun nūrie dūmūrĭgi mūmokolugi nimĭnda ra nemap mūmūmtetugi tamas.

⁷ Im Iesū yivelum memsugkorora memenūwi memokū, Utūok, mūtūmtetugi;

⁸ Mirora dūmūlasah mōmū dūtokesi sĭ, Iesū wokon.

⁹ Im pol sugkū irora dūmyep ra numpūo Iesū yemwalivat ūnōwanda memokū, Utūtampĭgi pugi sĭ, nokesi mori afeli nempugon Netni eni neteme ōmamsorasah marugi nemas.

¹⁰ Mōvun nūrie eni dūmūtagkeli iyi mūmōkū, Mōvun Somūl ūmanūwi mūmagkū Elĭya ampūm mampelum irantie?

¹¹ Im Iesū yemtamsi memenūwi punora memokū, Itnesog, Elīya umampūm memampitorĭleki tiamesū.

¹² Kō ya umanūwi pugkūm memagkū, Elīya okevelum mirora dūtūkili iyi, mirora dūmumpi iran sugkū irora dūmakĭugi;

¹³ ĭm irora wonumpi nesorū sugkū iran Netni eni neteme. Mōvun nūrie mori dūmokili ma iyi yemenūwi punora memokū ugi Yōane baptiso.

¹⁴ Im pol sugkū irora dūmūvelum punora ōvun numpūn lō, sī neteme yivelum pugi memsumpūneteren iran memenūwi memokū, Narisah,

¹⁵ togesoveli iran netūg ĭtnate-man, ĭt iyi nemelū, mumneĭĭleki iran tamas; iyi umandūnomol ra nōm ĭm ra nū;

¹⁶ ĭm ya otōri iyi punora ōvun nūrie enugkĭk, mirora tawi faneteme worumpi iyi hōrĭgives.

¹⁷ Im Iesū yetamsi memenūwi memokū, Ah, palsi ūtūmuntavniri mūtūmuntarūves, ya antendōwi dal kĭmi afeli nempugon nĭgoi?

¹⁸ ya antendōwi nomolsep ugi kĭmi afeli nempugon nĭgoi ĭ Tōri iyi ĭgko po yaū. Im Iesū yemenūamwūs pugi naviatĭndi miyi yemōwi iyi: marimago avunyan yemeti hōrĭgives.

¹⁹ Mōvun nūrie mori dūmūvelum pugi Iesū, irorago, mūmūtagkeli mūmōkū, Irasie kam tawi faneteme woretevĭleguni?

²⁰ Im Iesū yemenūwi punora memokū, Popōwo tawi tavniri enugkĭmi; ĭt ĭtnesog ya umanūwi pugkūm memagkū, Nagkū tavniri enugkĭmi sugkū sĭ novsen mustar, kĭmi kwanūwi pugi imo numpūo magkū, Eve pelah ra nūrū sī miyi ampe; ĭm kĭmi kwanti horog worumpi tiamesū.

²¹ Kō sugkū imo mori umampe ratilat ugi nufwaki ĭmnetevokom wokon.

²² Im polekū irora dūmetendōwi Kalĭli Iesu yōmenūwi memokū, Wonempirĭgi Netni eni neteme ūnokovenda ōveteme;

²³ mirora wontalugi iyi, ĭm ran dan deselugi iyi ōmamsorasah; mirora dūmūrĭgi sat tamas ugi.

²⁴ Im pol sugkū irora dūmūvelum ra Kapernaum, ōveteme mori dūmalekon haf sikel mori, dūmūvelum pugi Piter mūmūtagkeli mūmōkū, Tavsogi enugkĭmi umampugi muni mori kū?

²⁵ Miyi yemenūwi memokū, Monokowo. Im pol sugkū iyi yivelum ūnisog nimo, Iesū yōbūm memtagkeli iyi memokū, Sĭmon, kĭk emagkū ōvun natemonok umampĭ muni mori marugi mē e mē? marokonda ōvun netnime enirora, kū marokonda ōvun dōmō?

²⁶ Piter yemtamsi memenūwi pugi memokū, Marokonda ōvun dōmō. Iesū yōmenūwi pugi memokū,

²⁷ Im ūmosūlora ōvun netnime: Kō ma kos kūtūonumpi irora malokoi pugkos, eve wun tok, movkisep kĭlekĭl ĭm tī sĭ nomū mori ampūm mampelum, ĭm pol sugkū konaveran agesi sī muni, kampī mōvunora tovun yaū ĭm tovunok.