Matiyu 16 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ovun Faresi mōvun Sadūsi dūmūvelum mūmōkū wontapmi iyi, mūmōkū iyi osesi punora sī safi marugi pokūp.

² Miyi yemenūwi punora memokū, poaraparap kūmanūwi mūmagkū, Onenempara; pokūp umnavilara;

³ ĭm prubokom, Umyōmūlyōmūl irē; pokūp umnavilara memē-ōmpeli. Ovun nĭmpiri, kūmandūkili nĭpmi pokūp, kō kūtū faneteme worokili safi ra nempugon marima.

⁴ Sī palsi sat ĭm tampalaū umnesorugi sĭ safi otūmampunora sī safi, imō wokon, safi eni Yōna profet. Miyi yemōwi irora, mōempe.

⁵ Mōvun nūrie eni dūmūvelum nugkonnūmpe mūtūontemi worevi yōūp;

⁶ ĭm Iesū yemenūwi punora memokū, Urĭgi, ūfĭnte kĭmi marugi leven enirora ōvun Faresi mōvūn Sadūsi.

⁷ Mirora dūmūtarugi raūmūnūwi punora irora mumokū, Popōwo kos keletūvī yōūp.

⁸ Im Iesū yemokili ugi mōmenūwi punora memōkū, Ah kĭmi, kūmuntavniri virok, irantie kūmontarū popōwo kūtūvī yōūp?

^9-10 kūmamgĭugi marima kū? Kūtūmnentemi ugi yōūp fĭv mōveteme fĭv taūsan kū?

¹¹ ĭm deve woretovi mevĭugi? nokowo imo kūmamgiugi ya otūnūwi ugi yōūp, kō mokū kĭmikwafĭnte kĭmi marugi leven enirora ōvun Faresi mōvun Sadūsi.

¹² Mirora dūmokili ma iyi yetūnūwi memokū ūgi leven yōūp kō memokū irora wafĭnte irora marugi tavsogi enirora ōvun Faresi mōvun Sadūsi.

¹³ Im Iesū yive ranūrū Sesaria Fĭlĭpĭ memtagkelora ōvun nūrie eni memokū, Oveteme umanūwi mūmagkū Netni enineteme, yaū mē?

¹⁴ Mirora dūmūnūwi mumōkū Nugkon umagkū Yōane baptisō; ĭm nugkon, Elīya; ĭm nugkon Yeremīa, kū sĭ ra irora ōvun profet.

¹⁵ Miyi yōemtagkelora memokū, Im Kĭmi, kūmagkū yaū mē?

¹⁶ Im Simon Piter yemtamsi memenūwi memokū, Kĭk Krĭstō, Netni eni Nōbū umnomūrep.

¹⁷ Im Iesū yemtamsi memenūwi pugi memokū, Nevĭeves kĭk, Sĭmon netni eni Yōna, ĭt fan ĭm de dūtūsesi imo pugkĭk iyi Itemen yaū ūnpokūp.

¹⁸ Im ya umanūwi punok memagkū, Kĭk Piter, ĭm ran tan imo vetūnam ya antipe nelepon sĭ lō tumpora enyaū; ĭm horogsū ra Hēdes ūtūontantevakepe iran.

¹⁹ Im ya ampunok ōvun ki ra lō ūnpokūp;

²⁰ ĭm tiamesū kĭk īeti ra nemap ĭeti ūnpokūp; ĭm tiamesū kĭk osūli ra nemap osūli ūnpokūp. Miyi yemwalivat ūnōwanda ōvun nūrie eni memokū, irora ūtūanūwi pugi sĭ neteme ma iyi Iesū, Krĭstō mori.

²¹ Marugi imo nempugon Iesū yematipotni woresesi punora ōvun nūrie eni memokū oti sugkū ma iyi ampe ra Yerūsalem wororĭgi nesorū ugi sikat entiame ōveteme Talam, mōvun tavsogi tumpora, mōvun Somūl wonumpi iran; muntalokoyaū, kō ran dan deselugi ya ōmamsorasah.

²² Im Piter yemtōrĭgo mematipotni worenūam wūs pugi memokū, Eyi; esepen nefĭnte kĭk, Novsūromon; imo otūampelum iram.

²³ Miyi yemelagkaū memenūwi pugi Piter memokū, Eve kitag Sētan; kĭk nevat netakeli irag; kotūmentarūves ugi tiame eni Nōbū, kō ugi tiame enirora ōveteme.

²⁴ Im Iesū yōmenūwi punora ōvun nūrie eni memokū, Nagkū sĭ kū sī emagkū worūri yaū, aremi iyi asepen ōwisep iyi memandiuki nēumparum eni memūri yaū.

²⁵ Iyi sĭ emagkū woresepen neviēevēeve nomūrep eni ampiugki; kō iyi sĭ ampiugki nomūrep eni popōwo ugi ū ōmampĭ.

²⁶ Tie aremī nisekon neteme nagkū iyi eni ōvun netevote omwisū ra nemap mampiugki nomūrep eni? Kū sĭ neteme ampugi tie woresēevasĭgi nomūrep eni?

²⁷ It iyi Netni eni neteme ōmampelum ra nilasilaswi eni Itemen eni mōvun agelō eni dal; miyi ontampenĭgi iranda ōveteme omwisū ugi numpūrahsū enirora. Itnesog, ya umanūwi pugkūm memagkū,

²⁸ Nugkoneme mori umantūrū ĭgko marima ūtūamas afeli nempugon irora wagesi Netni eni neteme umampelum ra lō eni.