Matiyu 12 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ra imo nempugon Iesū yemavan ran danemĭndog ĭlebōteven denūok whĭt; mōvun nūrie eni dūtemas mūmatipotni mareki dugon mōmoni.

² Mōvun Faresi dūmōkesora mūmūnūwi pugi mūmōkū, Okesora ōvun nūrie enugkĭk irora ūmnareki selnivi nam ugi danemĭndog.

³ Miyi yemenūwi punora memokū, Kūtūsepi ugi imo mori Dēvĭd yemumpi pol sūgkū iyi yemtemas, mirora dal, kū?

⁴ iyi yive ūnisog nimo eni Nōbū memoni yōūp tumpora mori tawi sugkū selnivi nam ma iyi oneni, kū irora dal iyi; irora wokon ōveteme sakrifĭs.

⁵ Kū, kūtūsepi ra netiyi ugi ōvun selnivi nam ma ōveteme sakrifĭs ran danemĭndog ūmnareki ugi danemĭndog ra nimo tumpora, kō ūtūmnoworepatevi, kū?

⁶ Im ya umanūwi pugkūm memagkū, Sī ĭgko mōmū horog ra nimo tumpora.

⁷ Nagkū kūkili imo nam, Ya umnakĭugi togesoveli magkū mōmū aremĭ ra sakrifĭs, kĭmi pfitū-umpi noworepatevi iyi mori tanepō wokon;

⁸ ĭt iyi Netni eni neteme Novsūromon eni danemĭndog.

⁹ Miyi yemōwi nūrū yūi mempe ra nimo tavsogi enirora. Im yūi sĭ neteme ĭm nokoven navsilni.

¹⁰ Mirora dūmūtagkeli iyi mūmōkū, Sugkū, selnivi nam worumpi horĭgives ran danemĭndog, kū ĭ mūmōkū wonūrian iran Miyi yemtagkelora memokū,

¹¹ Mē sĭ ra kĭmi nagkū pugipugi sīteven eni amol ra nokol ran danemĭndog otūandūleki mandiukisah?

¹² Im sĭ neteme mōmū tamas aremĭ ra sĭ pugipugi, kū ĭ Popōwo imo sugkū, iyi sĭ umnumpi aremi ran danemĭndog otūmnareki selnivi nam.

¹³ Miyi yemenūwi pugi neteme mori, Eevan; miyi yēevan, ĭm nokoren eni yēepoipo sugkū moor.

¹⁴ Mōvun Faresi dūmūve ilat mūmumpi naūor iran mūmokū wontalugi.

¹⁵ Im Iesū yemokili ugi memōwi nūrū yūi, mov numpūn sikat dūmūri, miyi yemumkororĭgives omwisū:

¹⁶ memwalivat ūnōwanda memokū irora ūtūanūatumpeniiyi;

¹⁷ worampesog nam mori Isēya profet yemenūwi memokū.

¹⁸ Okesi lĭvsaū enyaū mori yaū ĭm tampoli; Netūgpaū mori naviat enyaū umnēvsen nelentugi: Ya antipe Naviat enyaū iran, Miyi anūatumpene tanepō punora lōsū ra nelebōkevat.

¹⁹ Im iyi otūamperĭup, kū onamsah; Im tawi sī andĭgi navian eni ra ōvun selat alam.

²⁰ Iyi otōonarek sī deniūg neseri, Im nelĭs umnoremismis iyi otūampeni, Afeli nempugon iyi onumpi tanepo woretantevakesah.

²¹ Im losū ra nelebōkevat wontesūo ra nin eni.

²² Mirora dūmūtōri pugi sĭ neteme ĭm naviatĭndi yive iran, miyi nĭmtēi ĭm nōwampat, ĭm Iesū yemumpi iyi horĭgives, ĭm neteme nĭmtēi ĭm nōwampat yam mōmokesi.

²³ Mov numpūn lōsū dūmovkeritwi, mūmūnūwi mūmōkū, Imo Netni eni Dēvĭd, kū?

²⁴ Kō ōvun Faresi dūmurĭgi mūmūnūwi mūmōkū, Iyi umuntevelegunora ōvun naviatĭndi ugi Bielsibūl, natemonok enirora ōvun naviatĭndi.

²⁵ Im Iesū yemelavenūri tarū enirora memenūwi punora memokū, Lōsū umasepen sumpūi umnaseviokonda;

²⁶ sĭ sĭti kū sĭ nimo umasepen sumpūi lō otūantendōwi; ĭm nagkū Sētan umuntevelēguni Sētan iyi nemlag iran; ĭm nagkū sukū lō eni antendōwi nokowo?

²⁷ Im nagkū ya umuntevelegunora ōvun naviatĭndi ugi Bielsibūl, ōvun netnime enugkĭmi umuntuvelegunora ugi mē?

²⁸ Irora wonūrian irami. Kō nagkū ya umuntevelegunora ōvun naviatĭndi ugi Naviat eni Nōbū, lō eni Nōbū okovelum sū pugkūm.

²⁹ Im nokowo sĭ ampe ūnisog nimo eni neteme horog worevĭ parugi nōete eni nagkū mampūm iyi otū ĭeti neteme horog, ĭm penūri iyi ampĭ parugi nōete?

³⁰ Iyi sĭ tawi ūndū yaū novsen nakan enyaū; miyi sī otūmnavoro yaū woralekon, umnaseviugi. Im ya umanuwi pugkūm memagkū,

³¹ Afielentokonda ōveteme satsū ĭm nam sū sat enirora; kō otūafielentokonda ōveteme mori umsendōkia iran Naviat Tumpora.

³² Nagkū sĭ anūwi nam sat iran Netni eni neteme afielentugi; kō iyi sĭ anūwi nam sat iran Naviat Tumpora otūafielentugi, tawi ra nūrū ĭgko, ĭm tawi ra nūrū ampelum.

³³ Wumpi nō aremī ĭm novūan eni aremī; kū wumpi nē ūr ĭm novūan ūr; umagkili nē ugi novūan isen.

³⁴ Ovun netnime neskil, kĭmi mori ōvun narekĭndi kwanūwi nam aremī nokowo? Neteme umandūnenūwi ugi imosū ūmnovūarugi ūnōwan.

³⁵ Sī neteme aremī umentarūgi woretavenepon aremī ūnōwan memnenūwi sugkū; ĭm sī netemĭndi umentarūgi woretavenepon sat ūnōwan memnenūwi sugkū.

³⁶ Im ya umanūwi pugkūm memagkū, Wontagkelora ōveteme ran dan nūrian ugi nam omwisū irora dūmūnūwi wokon;

³⁷ anūwi magkū kĭk tanepō ugi nam enugkĭk, manūwi makgū kĭk noworepatevi ugi nam enugkĭk.

³⁸ Im nugkoneme ōvun Somūl mōvun Faresi dūmūtamsi mūmūnūwi mūmōkū, Tavsogi, ka kemlenakĭugi worokesi sĭ safi konumpi.

³⁹ Miyi yemtamsi memenūwi punora memokū, Sĭ palsi ĭteobuki ĭm tampalaū, ūmnesorugi sĭ safi, kō otūampunōra sĭ, kū entawi safi mori eni Yōna profet;

⁴⁰ It Yōna yeti ūnetnĭn nomū dan desel ĭm pūmrok endesel, ĭm Netni eni neteme sugkū antendōwi dan desel ĭm pūmrok endesel ra netnĭn nemap.

⁴¹ Oveteme Nĭneve wamsorasah ra nūrian dal imo palsi, mirora wonumpi noworepatevi, ĭt irora dūmūvĭeves nōwanda ugi nam Yōna yemtorenūwisah; ĭm sĭ ĭgko mōmū horog ra Yōna.

⁴² Im sī nasemnalam mori yemne Empak amsorasah ra nūrian dal imo palsi, miyi onumpi noworepatevi, ĭt iyi eĭvelum memne ra navlūtni nemap isūt wororĭgi noĭntan eni Solomon; ĭm sĭ ĭgko mōmū horog ra Solomon.

⁴³ Pol sugkū sĭ naviatĭndi umampe marugi sī neteme iyi umnavan ra nūrū sū ĭm laū umnesorugi nemĭndog motūmagesi, Miyi umasepen enūwi memagkū,

⁴⁴ Ya ōmentorĭleki ra nimo enyaū mori yaū mepmemnewi; ĭm pol sugkū mampeĭum umagesi nimo wokon umnetīorawi memampietovtam.

⁴⁵ Miyi umampe mōmentōrora ōvun naviatĭndi seven dal, satindi mōmū iran, mirora amampe ūnisog mōmantendōwi yūi; ĭm ra nĭsah eni neteme mori momū ĭteobuki ra nōbūm. Anti sugkū iranda imo palsi sat.

⁴⁶ Im polekū iyi yemenūwi punora ōvun numpūn lō, dĭneme eni ĭm ravensĭeme dūmūtūrū ilat mūmakĭugi worēnūwi pugi;

⁴⁷ ĭm sĭ yemenūwi pugi memokū, Dĭnum ĭm rapmisīeme ūmantūrū ilat mūmnakīugi worēnūwi punok.

⁴⁸ Miyi yemtamsi memtagkeli neteme mori yemenūwi pugi memokū, Mē name? ĭm ravūgsĭeme mē?

⁴⁹ Miyi yēevan punora ōvun nūrie eni, mōmenūwi memokū, Urĭgi, name, ĭm ravūgsĭeme!

⁵⁰ Iyi sĭ onumpi sugkū nam eni Itemeneyaū ūnpokūp, iyi mori avūgsĭ, ĭm vevenug, ĭm name.