Matiyu 11 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im pol sugkū Iesū yemkompeli nempasewokonda ōvun nurie eni Twelv, iyi yemōwi nuru yūi mempe woretavsokonda ra ōvun sĭti enirora.

² Im Yōane yemorĭgi ūnisog nimo nugkugko ugi ōvun numpūrah eni Krĭstō, memtamūlora dūrū ōvun nūri eni, memtagkeli memokū,

³ Kĭk mori kokovelum kū? kū, ka kelentevetūi sĭ mōmū?

⁴ Im Iesū yemtamsi memenūwi punora memokū, Uve mūnūwi pugi Yōane mōkū ugi imosū kūmūrigi mūmōkesi; ōvun nĭmtēi ūmagesi, mōvun noovoret umnavan;

⁵ ōvun Jepros umnumpi sentevives, mōvun nomgol umandĭgi, mōvun nemas ūmamsorasah, mementorenūwisah nam navosavos punora ōvun narumkor;

⁶ ĭm nevĭevesiyi mori atūmalokoi po yaū.

⁷ Im pol sugkū irora dūnuĭve Iesū yematipotni worenūwi punora ōvun numpūn lō memokū ugi Yōane;

⁸ Kūmū ve ra nūrū wokon woresugkelōwi sie? sĭ deniūg yemtavelevel ugi nemetagi, kū? Kū, kūmūve worokesi sie?

⁹ Neteme mori yevĭugi nemas nemelōkelō, kū? Irora mori umnevarugi ōvun nemas nemelōkelō ra ōvun nimo ōvun natemonōk ra nūsian. Kū, kūmūve worokesi sie; sī profet, kū? Oo, ya umanūwi pugkūm, ĭm mōmū ra sī profet.

¹⁰ It iyi mori yepmetĭyi nam ugi memokū, Urĭgi, ya umentamūli tandeko enyaū worōbūm iram mori ontĭ selat enugkĭk ūnĭmtum.

¹¹ Itnesog, ya umanūwi pugkūm memagkū, Tawi sĭ ra irora dūmumprokomol ra ōvasiven mōmū horog ra Yōane Baptisō; kō iyi sĭ virok wokon ra lō ūnpokūp mōmū horog iran.

¹² Marugi nempugon eni Yōane mefeli ra nempugon marima, ōveteme dūmosukomulepwi worĭntorĭmpe ra lō ūnpokūp; mirora mori ūmnatekĭsah tamas umampĭ ĭtnum.

¹³ It irora sū ōvun profet mōvun selnivi nam, dūmūtavsogi mefeli nempugon eni Yōane;

¹⁴ ĭm nagkū kūmnakĭugi wororĭgi, iyi mori Elīya, iyi okovelum.

¹⁵ Iyi sī ĭm telugon eni wororĭgi, aremī iyi umandĭgi.

¹⁶ Kō ya osafĭgi imo palsi magkū sugkūsie? Irora sugkū ōvunyan umantesep ra ōvun nūrū nevasi mūmampero-konda ōvun numpūnaranda, mūmanūwi mūmagkū,

¹⁷ Ka kelaūerugis wugkūm, ĭm kūtūmampeko; ĭm ka kelesugerageri wugkūm ĭm kūtūmuntugageri.

¹⁸ It Yōane yivelum metūmneni metūmnamoneki, mirora ūmanūwi mūmagkū, Naviatĭndi yive iran.

¹⁹ Miyi Netni eni neteme yivelum memneni memnamoneki, mirora ūmanūwi mūmagkū, Okesi, neteme umesumpeli nevag memnamoneki wĭn, aven enirora ōvun lĭvsaū nalekon mōvetemindi; kō ōvun nelekon umagkū aremī ugi iyi mori Nōĭntanwives.

²⁰ Miyi yematipotni worenūamwūs punora ōvun sĭti yūi iyi yepmumpiwi ōvun numpūrah horog eni sikat popōwo irora dūtūvĭeves nōwanda;

²¹ ōwĭ iram Kōrēsin! popōwo ōvun numpūrah horog umnumpi irami nagkū pūpmumnumpi sugkū ra Tīrus ĭm Sīdon irora pūvĭeves nōwanda ĭtetūi, im pivarugi nemas nyielugalug, ĭm pitesep ra mugkebū.

²² Kō ya umanūwi pugkūm memagkū, Anti mōmū virok iran Tĭrus ĭm Sĭdon ran dan nūrian ĭm mōmū tamas irami.

²³ Im kĭk Kapernaum mori yemetipesah mefeli ra pokūp ontalepasi sep ra neswate; popōwo ōvun numpūrah horog umnumpi irami nagkū pūpmumnumpi sugkū ra Sodom, petendōwi mafeli imo dan;

²⁴ kō ya umanūwi pugkūm memagkū, Anti mōmū virok iranda ra nūrū Sodom ran dan nūrian ĭm mōmū tamas irami.

²⁵ Ra imo nempugon Iesū yemtamsi memenūwi memokū, Kompalugi, Nate, Novsūromon pokūp mūnemap popōwo kĭmetiumpeni imosū marokonda ōvun nelekon mōvun nōĭntanwi rnenūatumpeni punora ōvaialaū.

²⁶ Monokowo, Nate, popōwo aremĭ sugkū ūnĭmtum.

²⁷ Itemeneyaū yemovo yaū tiamesū; ĭm tawi sĭ umagkili Netni, Itemen eni wokon; Im tawi sĭ umagkili Itemen, Netni eni wokon, miyi sĭ Netni onūatumpeni pugi.

²⁸ Uvelum poyaū kĭmi sū ōvun nelĭleki mōvun nutnpōhentom, ĭm ya ampugkūm nemĭndog.

²⁹ Uvĭ woresūrie enyaū ra nōwami mūkili tovun yaū; ĭt yaū nomolsep im noramel ūnōwag; ĭm kĭmi kwampĭ nemĭndog nĭsekon naviat sū enugkĭmi;

³⁰ ĭt woresūrie enyaū tasugesug, ĭm nevar enyaū narevareve.