Mark 9 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im iyi yemenūwi punora memokū, Itnesog yakum manūwi pugkūm, Ma nugkon ra irora ūmantūr ĭgko, ūtū amas mafele nimpugon irora wagesi lō eni Nōbū ampelum ugi horog.

² Penūri dan sū sĭkes Iesū yivi Piter ĭm Yakobo, im Yōane mō ĭmtororago mōĭmsah ra sĭ numpūo tantop, irora wokon: ĭm yetin sumpoli iyi ūnĭminda.

³ Im nōmas eni yemeselĭ nisebō tamas wokon sugkū snō; tawi sī neteme faneteme ra nemap woresenti nisebō sugkū.

⁴ Im dūmūtūratumpeni punora Elĭyas ĭm Moses nandū; Im irora dūmūtampigi pugi Iesu.

⁵ Im Piter yemenūwi pugi Tesū memokū, Novsūromon, aremi kos ke lete ĭgko: aremi ka ke lenumpi ūvrok endesel; sī nisekom, sī nisekon Moses, im sī nisekon Elĭyas.

⁶ Popōwo iyi yetūkili sie iyi anūwi: popōwo. It irora dūmetet tamas.

⁷ Im sī numpūaū yemtenisevora: Im sī navian yemne marugi numpūan, yemokū, Imo Netūg paū: ūvandogugi iyi.

⁸ Marimago dūmūlagkaū, dūtokesi sĭ neteme, Iesū wokon dal irora.

⁹ Im pol sugkū dūmumprokoyep ra numpūo, yemwalivat punora ma irora ūtū wanūwi pugi sī neteme ugi tiame mori irora dūpmokesi, mafeli Netni eni neteme onevsorasah marugi nemas.

¹⁰ Mirora dūmūnū waveni imo nam, mirora dūmūsepun tagkelora ugi fan ugi nevsorasah marugi nemás.

¹¹ Irora dūmūtagkeli iyi, memokū, Irasie ōvun somūl umanūwi ma Elĭya ampelum mampūm?

¹² Miyi yemtamsi punora, Itnesog, Elĭya ampelum mampūm, mō mampitorileki entiame sū; ĭm nokowo umetĭyi ugi Netni eni neteme, ma iyi andegi nesorū ugi tiame sikat, mirora wonalekoi pugi.

¹³ Kō yakum manū wi pugkūm, ma Elīya okevelum, mirora dūmumpi iran sugkū irora dūmakĭugi, sugkū dūmotīyi ugi iyi.

¹⁴ Pol sugkū iyi yive punora ōvun nūrie eni, yemokesi sĭ netevokontū tamas dal irora, ĭm ōvun somūl dūmatekisah dūmūnūwi nam punora.

¹⁵ Im marimago oveteme omwisū pol sugkū dūmokesi iyi dūmavlugi tamas, dūmalō pugi mōmūsesieves iran.

¹⁶ Im yemtagkelora ōvun somūl Kimi kūmūtagkelora, kūmūnūwi sū punora?

¹⁷ Im sĭ ra netevokontū yemenūwi pugi memokū, Narisah yoko tori netūg punok, naviatindi noampat iran;

¹⁸ Im ra nūrū sū yemtori, yemtavaseri iyi, miyi umatevani, mō neltirit nogūn, ĭm tawi iyi faneteme: ĭm ya onūwi punora ōvun nūrie enugkĭk woreteveligoni iyi; ĭm irora dūlū faneteme.

¹⁹ Im iyi yemtamsi pugi yemenūwi memokū, Ah, palsi netūtavnirĭgi ya kante dal kimi mafele nigoi? ya anūwi nam imelolo pugkūm nĭmpugon ndeve? tori iyi poyaū.

²⁰ Im irora dūmūtori iyi pugi: ĭm pol sugkū yemokesi marimago naviatindi yemtevaseri iyi: yemomol ra nemap, melisemlū natūtū nogūn.

²¹ Im yemtagkeli ĭtemen memokū, Imo yivelum iran nigoi? Miyi yemtamsi memenūwi memokū, Ra nĭmpugon iyi, impamū.

²² Im ra nĭmpugon sikat umentafugi iyi ra nom, ĭm ra nū, worumpi nugkugko iran, kō nagku kĭk faneteme worumpi sĭ en tie sī, efielintugkam, mevorekam.

²³ Iesū yemenūwi pugi memokū, Nagkū kĭk faneteme woretavnirĭgi. Tawi nugkugko sĭ en tiē sĭ iran iyi mori umĭntavnirĭgi.

²⁴ Marimago itemen nalaū yemenūwi ugi nageri isen, memokū, Novsūromon yakum memtavnirĭgi; umpi horog mōmū tavniri enyaū.

²⁵ Im Iesū, pol sugkū yemokesi, ma ōveteme dūalo mō semsimokonda, yemenūwi iran naviatindi, memokū, Kĭk naviatindi telugomol ĭm natepū, yakum manūwi punok,

²⁶ elum marugi iyi, ĭm kotūve nimpugon sī iran, Im naviatindi yemamsah, mō ĭm tavaseri iyi, mō ĭmpe marugi: ĭm sikat dūmūnūwi mūmokū, yimas; popōwo iyi sugkū sĭ nemás.

²⁷ Kō Iesū yemelekavi nokoven, yemoriukisah iyi; miyi yemtūok.

²⁸ Im pol sugkū yivelum ūnisog nimo, ōvun nūrie dūmūtagkeli iyi mō mūnūaveni mūmokū, Irasie kam letū faneteme woreteviligoni?

²⁹ Miyi yemenūwi pūnora memokū, Imo umampe ugi nufwaki ĭm netevokom wokon.

³⁰ Im irora dūmawi nūrū mori, ĭm dūmavan ra Kalĭli; Im iyi yetūakīugi ma sĭ agkili ugi.

³¹ Popōwo yemavsokonda ōvun nūrie eni, mō menūwi punora memokū, Netni eni neteme otin tinĭmpe ra nokovenda ōveteme, mirora wontalugi iyi; ĭm penūri dan deselugi, iyi omamsoresah.

³² Kō irora dūtūkili imo nam mori, mirora dūmtetugi woretegkeli iyi ugi.

³³ Im yivelum ra Kapernaum; ĭm polekū yeti ūnisog nimo yemtagkelora memokū, Tie imo mori kĭmi kūm naūokūm ugi ūselat?

³⁴ Kō irora dūmūteteven popōwo dūmaūor, mūmokū, mē anti horog ra irora?

³⁵ Im iyi yemetesep, yemovrokonda mori ōveteme twelv, miyi yemenūwi punora memokū, Nagkū sĭ neteme umnakĭugi woreti mampūm, iyi anti ra nisah, Im lĭvsaū nisekonda omwisū.

³⁶ Iyi yivi sĭ nalaū mō metipe iyi ilivoteven irora: Im pol sugkū yemsokolopon vī nalaū ra nokeven, yemenūwi punora memokū,

³⁷ Iyi sĭ mori ampĭ sĭ nalaū sugkū imo ugi nin enyaū, iyi umumpĭ yaū: miyi sĭ mori ampī yaū, otum pĭ yaū wokon, kō iyi mori yemtamūli yaū.

³⁸ Im Yōanē yemtamsi memenūwi pugi, memokū, Narisah, ka kelokesi sĭ yemtevelugoni ōvun nagelō sat ra ninekĭk, iyi otum menūrokam, ĭm ka kĭm walevat pugi, popōwo iyi otum menūrokam.

³⁹ Kō Iesū yemenūwi memokū, Utū ūnūali pugi: popōwo nugkugko iran iyi sĭ faneteme worumpi numpūrah navulgi ra nin enyaū worenūwi nam wokon irag.

⁴⁰ Popōwo iyi mori otum nalokoi irant umnevorokos.

⁴¹ Iyi sī mori ampunok nū woremoneki ra nin enyaū, popōwo kimi isen Kristo, itnesog yakum manūwi pugkūm memagkū, iyi otū ampiugki nipmi isen.

⁴² Kō iyi sĭ mori onalokoi pugi sī irora mori umtavnirĭgi irag, mōmū iremī iran nagkū umaleki mĭlstōn ra nōwan eni ĭm sĭ tafugi iyi ran tok.

⁴³ Im nagkū nokopmū ompiriwugkĭk tantevi sep: mōmū aremi iram woreve ra nomūrep nokopmū kumti, ĭm tawi ugi nokopmū dūrūsū woreve ra niswate ra nom otum nisile;

⁴⁴ Iyūi neskil amūrep ĭndowi, ĭm nom otūm nisile.

⁴⁵ Im nagkū noam um nimpiriwugkĭk, tantevi sep: mōmū aremi iram woreve ra nomūrep noamti, im tawi ugi noam endūrū woreve ra niswate, ra nom otum nisile.

⁴⁶ Iyūi neskil amūrep ĭndowi, ĭm nom otum nisile.

⁴⁷ Im nagkū nimtum onumpiriwugkĭk, evsi pe: mōmū aremi kĭk omintorĭmpe ra lō eni Nōbū ugi nimtum siteven, Im tawi ugi nimtum endūrū woretin tafugi ra nom niswate:

⁴⁸ Iyūi neskil amūrep ĭndowi, ĭm nom otum nisile.

⁴⁹ Popōwo wantin nesovele omwisū ugi nom, im ōvun sakrefis anti nesovele ugi solt.

⁵⁰ Solt oti aremi; kō nagkū isūma nakan isen, kĭmi kwamsugi worumpi iyi aremi? Uvi ūnowami solt, ĭm ūte kĭmi ugi ninparata pugkūm.