Mark 7 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Dūmūsesimekonda pugi ōvun Faresi, ĭm nugkon ovun somūl, mori dūmne ra Yerūsalem.

² Im nugkon dūmo-kesora nugkon ōvun nūrie isen dūmoni brēd dūtūm mandokilem, mirora dūmūnūwi ugi punora.

³ It irora ōvun Faresi ĭm oveteme Yūdia omwisū, umanduwugi nokovenda mampūm penūri umampag, popōwo ugi nam alam enirora ōvun ūvūmle.

⁴ Im nagkū irora umamne ra market irora umandukilem mampūm penūri umampag. Im umante sikat mōmū entiame irora dūmūvi mō mafinte, sugkū imo; ĭt irora umanduwugi ōvun kup ĭm ōvun pot, ĭm bras vesel, ĭm ovun tēbel.

⁵ Im ōvun Farēsi ĭm ōvun somūl dūmūtagkeli iyi memokū, Irasie ovun nūrie enugkĭk otum alekoleki nam alam enirora ōvun ūvūmle, ĭt irora umampag wokon ūtūm mandekilem mampūm?

⁶ Iyi yemenūwi punora memokū, Isea yemenūwi ves ugi kimi, ōvun nimpiri, memokū, Imo netevokontū umbotibot irag ugi nogūnda, Kō nōwanda oti isūt marokoyaū.

⁷ Nindūavū tivita enirora irag, It irora umtavsogi nam alam enirora ōveteme wokon.

⁸ Popōwo kimi kūm areki nam alam eni Nōbū, mō malekoleki nam wokon enirora ōvun ūvūmle, sugkū irora umandewugi ōvun pot ĭm kup: ĭm sikat numpūrah enugkĭmi sugkū.

⁹ Im iyi yemenūwi punora memokū, Itnesog kimi kūmūselūwugi nam alam eni Nōbū, ma kimi kwonalekoleki nam enugkĭmi.

¹⁰ Popōwo Moses yemenūwi memokū, sendiuki itemen e kĭk ĭm dineme kĭk; ĭm iyi sī mori anūwi nam sat pugi itemen, kū dineme, aremi iyi amas.

¹¹ Kō kimi kūmmanūwi memagkū, Nagkū sĭ anūwi pugi itemen, kū dineme eni, Korban, fan nam ugi itemas, ugi siame kĭk ampīeves kĭk popōwo ugi yaū; iyi otū amas.

¹² Im kimi kūmūnūwali pugi woretū esitū iran itemen kū dineme nĭmpugon sĭ mōmū.

¹³ Im kimi kūmūtĭ nam eni Nōbū ugi nam ugi ōvun ūvūmle enugkĭmi; ĭm sikat numpūrah enugkĭmi sugkū sū.

¹⁴ Im pol sugkū iyi yemovrokonda ōveteme omwisū pugi, iyi yemenūwi punora memokū, Urĭgi yaū kimi omwisū, mō melavenūri:

¹⁵ Imo sū omwisū ratilat, sugkū nevag, otum numpi neteme nelilūo, kō tiame umamne marugi nōwan, imo mori unumpi neteme nelilūo.

¹⁶ Im sī ĭm telugon eni wororigi aremi iyi andĭgi.

¹⁷ Im pol sugkū iyi yemtorĭmpe ūnisog marokonda ōveteme, ōvun nūrie dūmūnūwi punora memokū,

¹⁸ Im kimi sugkū tawi nelavenūri enugkĭmi ku? Kimi kūmūtūkili, ma tiame sū ilat sugkū nevag umampe ūnisog neteme, otū faneteme worumpi nelilūo;

¹⁹ Popōwo otū mampe ūnōwan eni, kō ūnetnin, mō mampe ilat, umnumpi aremi ōvun nevag ugi.

²⁰ Iyi yemenūwi punora memokū, Imo mori umamne marugi nōwan neteme umnumpe iyi nelilūo.

²¹ Popōwo marugi nōwanda ōveteme, umamne tarūsū sat, tumpugon, tampalaū talugi,

²² numprok, nakĭugi noete, nareki sat, nimpiri, nilasivien sat, narekara, nam sat, nugkugko ūnōwan, sebit nam:

²³ Imosū omwisū umamne marugi nōwanda Oveteme, mō mumpi iyi nelilūo.

²⁴ Im iyi yemne marugi nūrū mori ĭm yive ra telugon Tĭr ĭm Sīdon yemtorĭmpe ūnisog sī nimo, Im yetūakīugi sī neteme worokili ugi; kō nugkugko worenūaveni iyi.

²⁵ Popōwo sĭ nasiven, mori netni Itnasiven eni ĭm naviatindi iran, yemorigi ugi iyi, yivelum mō momol ra noan eni:

²⁶ It iyi yeti nasiven Krik, yemumprokomol Sĭrofĭnĭsi; miyi yemesenigi iyi woretevelugoni naviatindi marugi netni.

²⁷ Kō Iesū yemenūwi pugi memokū Ontali ōvunyan mampum: popōwo tawi aremi worevi nevag enirora ōvunyan mō Im tafugi punora ōvun kūri.

²⁸ Im yemtamsi memenūwipugi Itnesog, Narisah: kō ōvun kūri ra netekon tēbel umnene navivon nevag isenda ōvunyan.

²⁹ Im iyi yemenūwi pugi, Eve ugi imo nam; naviatindi okeve sū marugi netum.

³⁰ Im pol sugkū iyi yivelum ra nimo eni, yemokesi netni eni yemale ra bed, Im naviatindi yiveasū marugi.

³¹ Im iyi yōĭmpe marugi telugon Tĭr ĭm Sĭdon, mō mavan ra nūrū sū Dikapolĭs, yive mafeli tok Kalĭli.

³² Mirora dūmūtori pugi sĭ neteme telugomgol, ĭm nowampat; mirora dūmūsenigi woretipe nokoven iran.

³³ Miyi yemtori pelah morokonda netevokontū, yemetipe dogurugon nokoven ra telugon nugkon ĭm nugkon, mō metevani mō ĭm sugkori nogūn;

³⁴ Miyi yemtelasah ra pokūp, mō mesumsah, mō menūwi pugi memokū, Efata, fan nam ugi, Etin tĭpelah.

³⁵ Im marimago telugon yetin tĭpelah, ĭm nogūn yerin sūli, miyi yetnam aremī.

³⁶ Iyi yemenūwi pun ra woretū enūwi pugi sī neteme; kō nagkū iyi yemenūali punora dūmatekisah mōmū worenūatumpeni;

³⁷ Im irora dūmavlugi tamas wokon, dūmūnūwi mūmokū, Iyi umnumpi aremi entiame sū: it iyi umnumpi ōvun nomgol wororĭgi, mōvun noampat woram.