Mark 5 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im irora dōmūve nugkon-ūmpe ran tok, mūvelutn ra nūrū Katara.

² Im pol sugkū yive marugi lō, marimago sĭ neteme naviatindi iran yimne ra ōvun veleteneme mevtit iran.

³ Iyi yemete ra veleteneme, Im tawi sĭ neteme faneteme, worīeti iyi ugi ĭtyēn:

⁴ Popōwo dūmūrin leti ugi feters ĭm ōvun ĭtyēn, miyi yemtavtiti Ovun ĭtyēn ĭm feters: ĭm tawi sĭ faneteme worumpi iyi noramel.

⁵ Miyi yemetĭndowi pūmroksū ĭm dansū ra ōvun numpūo, ĭm ra mumpon ōvun veleteneme, yemageri, mō morevi iyi ugi nevat.

⁶ Kō pol sugkū yemokesi Iesū isūt, yemalō mōĭmtevita iran.

⁷ Mōmevsoresah, memenūwi memokū, Kĭm magkūntie irag, Iesū Netni eni Nōbū tantevakepe? Yamagkū pun ok ugi nin Nōbū ma kĭk otū umpi sokomūlip irag.

⁸ Popōwo yemenūwi pugi memokū, Elum marugi imo neteme, kĭk naviatindi.

⁹ Miyi yemtagkeli memokū, Mō nin e kĭk i Miyi yemtamse, pugi memokū, Nin enyaū Lidyon: popōwo kam sikat.

¹⁰ Miyi yemsenigi tamas memokū, otū satevokonda marugi nūrū mori

¹¹ Dūmūte yūi botipot numpūo, sĭ semsimak tamas ōvun numpekase, moni nevag.

¹² Im ōvun naviatindi dūmūsenigi, mūmūnūwi mūmokū, Tamūlkam woreve ūnisog ōvun numpekase.

¹³ Marimago Iesū yemtenĭmpe irora woreve. Im ōvun naviatindi dūmūve ilat marugi iyi, mō mūve ūnisog Ovun numpekase; ĭm semsimak dūmalō ra sugkelaū ran tok, sikat sugkū tū taūsan, mirora dūmumpulet ran tok.

¹⁴ Im irora mori dūmavugunora dūmalō, dūmūnūwi ra sĭti, im nūrū nagkaū ugi. Mirora dūmūve worokesi ima mori yemetepū.

¹⁵ Im irora dūmūve pugi Iesū, mūmokesi iyi mori sētan yeti iran, ĭm ōvun naviatindi dūmūte ūnisog iyi, yemetesep, yemevĭugi, yemete nelekon: ĭm irora dūmetet.

¹⁶ Im irora mori dūmokesi dūmūnūwi pūnora nokowo yemetepū iran iyi mori ōvun naviatindi dūmūte iran, mugi numpekase.

¹⁷ Mirora dūmūsenigi iyi woreve marugi nūrū isenda.

¹⁸ Im pol sugkū yivelum ra mumpon lō, iyi mori ōvun naviatindi dūmūte iran yemesenigi worete ūndū iyi.

¹⁹ Kō Iesū yetū tenĭmpe iyi, kō yemenūwi pugi memokū, Eve ra nete enugkĭk punora ōvun numpūnarum, menū wi punora tiame horog Novsūromon yemumpi nisekom, mō melintugkĭk.

²⁰ Im iyi yive, mō matnipotni worenūatumpene ra Dikapolis tiame sū horog Iesū yemumpi nisekon: ĭm dūmavlugi oveteme sū.

²¹ Im pol sugkū Iesū yive, nugkonūmpe ra lō, dūmūsemsimugi Oveteme sikat: miyi yemete botipot tok.

²² Im pah Yīrus, sī neteme horog ra sĭnōkok, yivelum; ĭm pol sugkū yemokesi iyi yemumol ra nokorin noan eni.

²³ Miyi yemesenigi iyi tamas, memokū, Netūg itnasiven umbotipot nemás iran: Yakum nesenugkĭk, elum metipe nokepmū iran, ma iyi andegives; miyi amūrep.

²⁴ Im Iesu yive ūndū iyi; ĭm sikat oveteme dūmūri iyi; mirora dūmūteteliugi.

²⁵ Im sī nasiven, yete nelūgon de iran nevi sū twelv,

²⁶ Mō morigi nesorū tamas morokonda oveteme tavū sikat yemtafugi muni eni omwisū, ĭm iyi yetūrigives ugi, kō namarat mōnaūgo iran,

²⁷ Pol sugkū yemorigi ugi Iesū, yivelum polekū dūmūteteligi kitan, mō ĭm sugkori nemas isen.

²⁸ Popōwo yemenūwi memokū, Nagkū yako sugkori wokon nemas eni, ya andegives.

²⁹ Im marimago yetin laū nesūmsah ra de eni; miyi yemorigi ra nokolisiran ma iyi yivi norigives marugi namarat ūr mori.

³⁰ Im marimago Iesū yemesepe nokili, ma torugat yive marugi, yemelagkaū ileboteven irora dūmūteteiiugi iyi, mō menūwi memokū, Mē yemsugkori némas enyaū?

³¹ Im ōvun nūrie eni dūmūnūwi pugi memokū, Kĭk ĭm magesora semsimak umeteteliugi iram mirasie kĭm magkū, Mē yemsugkori yaū?

³² Miyi yemelagkaū worokesi iyi yemumpi imo mori.

³³ Kō nasiven mori yemtetugi mō mampekorekora, popōwo yemokili sie mori yetepū iran iyi, yivelum momol ūnĭpmi eni, mō menūatumpene omwisū pugi.

³⁴ Miyi yemenūwi pugi memokū, Netūg, tavniri enugkĭk yemumpi kĭk horĭgeves; eve ra ninparata, andegives marugi namarat sat enugkĭk.

³⁵ Im pol sugkū yemumprokenūwi, dūmūvelum nugkon oveteme marugi nimo eni neteme horogesah ra sĭnēkok dūmūnūwi mūmokū, Netum ĭtnasiven okemas irasie kĭm yugori mōmū Narisah?

³⁶ Marimago Iesū, polekū yemorigi nam mori dūmūnūwi, yemenūwi pugi neteme horogesah ra sĭnēkok memokū, Kōtūmtetugi, tavniri wokon.

³⁷ Miyi yetūtinĭmpe sī worūri iyi, Piter wokon, ĭm Yakōbō, ĭm Yōanē avinsī Yakōbō.

³⁸ Miyi yivelum ra nimo eni neteme horogesah ra sĭnēkok, memokesi nesesaū, mirora mori dūmūrigumpūnū mō mageri tamas.

³⁹ Im pol sugkū yivelum ūnisog, iyi yemenūwi punora memokū, Irantie kĭm umpi tamas, mō mageri? ĭtnum-pūkon otū mas, kō umaleepō.

⁴⁰ Mirora dūmūtūfop iran. Kō pol sugkū yemsatevokonda omwisū ilat, yemtori itemen ĭm dineme eni ĭtnumpūkon, mirora mori dūmūri iyi, mō ĭmtorĭmpe ia yemalē ĭtnumpūkon.

⁴¹ Miyi yemelekavi nokoven eni ĭtnumpūkon, mō menūwi pugi memokū, Talita kūmi; fan nam ugi, ĭtnumpūkon, Yakum manūwi punok, Etūok.

⁴² Im marimago ĭtnumpūkon, yemtūok, mō mavan; popōwo yeti nevi sū twelv iran.

⁴³ Miyi yemaliwat punora ma tawi sī andegi ugi imo mori, mō ĭmpasiwokonda worevugi sī nevag.